坪洲

坪洲位於大嶼山東面的一個小島，居民都喜愛裁種植物，珍稀的玉麒麟及團扇仙人掌高大如樹，處處茵茵向榮，可恨將心愛的攝影器材留在家中！

到達另一個海岸，休息一會後便穿越環保農莊，再向南端的手指山進發。

手指山為島上最高點，可遠眺青馬大橋、愉景灣及建築中的狄士尼公園新翼。吃過即食麵作午餐後，不經意已完成一半行程。

居民喜愛醃製食物曬乾，只看見蝦乾、臘肉、咸魚等已令人垂涎三尺！

除了戲院外，有不少古舊的建築物，亦可試試「托水龍」的滋味，哈！

最後到達島北端的大利島，其連島沙洲上佈滿珊瑚碎片，還有一些怪石很酷，彷似是到了寶島的野柳。

[ 本帖最後由 Monk 於 2007-11-8 23:16 編輯 ]

四小時的行程，依依不捨地回家了。

我以前向坪洲住, 都唔知佢原來咁靚, 起初見佢空氣好, 清靜, 個個星期出海釣魚, 覺得好寫意, 後來俾個牛屎飛入屋行刼, 屋企人怕咗就没有再住了.

好搞笑。「牛屎飞」，依家仲有冇咁 o既 人呢？

都係一個尊稱啫, 有田有地先可以做牛屎飛, 喜歡的, 誰都可以叫自己做牛屎飛嫁

北端的大利島怪石好得意，好似一個個人仔企係度！

原帖由 Peter 於 2007-11-9 12:26 發表
都係一個尊稱啫, 有田有地先可以做牛屎飛, 喜歡的, 誰都可以叫自己做牛屎飛嫁

知佢唔係I.I.係本地居民做咪捉到佢囉

佢俾我當場捉咗啦, 要講就話長, 而家要放工, 有時間講吓當時情況啦

就係好 耐 都 冇 聽人叫过 「牛屎飞」 哩个 詞啦！

原帖由 八王爺 於 2007-11-10 07:51 發表
就係好 耐 都 冇 聽人叫过 「牛屎飞」 哩个 詞啦！

就係因為呢件事發生嚮好耐之前

我都有去過,夜晚八時行去大利島的橋,可以看到迪士尼放煙花,很美麗。

原帖由 water 於 2007-11-11 00:29 發表
我都有去過,夜晚八時行去大利島的橋,可以看到迪士尼放煙花,很美麗。

Water真是好介紹

原帖由 charles604498 於 2007-11-9 17:15 發表

知佢唔係I.I.係本地居民做咪捉到佢囉

期待中‧‧‧

話說好多年前, 住向南灣大街xx號地下, 前面就係海邊, 有隻快艇仔, 星期六日約埋朋友就在屋前那個灘掘沙虫去釣魚, 除了太太外, 還有我的妺妹, 三個人過著愉快的日子, 自從那天晚上, 發生了那件事, 改變了我們的一生.  (本來想著在坪洲終老的我們, 只好離開這個可愛的小島, 回到市區).................

那晚約二時左右, 太太突然把我叫醒, 說好像有人入了屋, 因為太太一向胆少, 以為她夜半醒來產生幻覺, 但也不能不理會她, 於是把鄰屋的妹妹也叫醒, 看她是否安全和有没有聽到聲音, 她被我一問也驚起來, 没法了, 兩個驚恐萬分的女人也不敢單獨留有房中, 緊貼在我背後, 向廳, 廚房, 洗手間, 書房, 每一地方去查看.  看了一遍, 没有任何發現, 正想回房再睡時, 突然在廳中的一角, 見到一雙黑色的日本拖鞋, 我永遠也不會忘記這雙黑色底紅色帶的日本拖, 見了這雙拖鞋, 整個人也醒過來, 這時也發覺廳中的窗是半閂的, 我知道, 惡夢已在發生了...

這回再向屋的每一角落巡視, 還是一無所穫, 看來賊人是聽見我們醒來逃走, 怱忙間拖鞋也留下... 於是叫太太打電話報警好了, 當時我是站在書房門口, 背著房而太太則面向著房, 突然太太發了狂捉著我的手臂, 大叫 "有人呀", 我回過頭來見一個人向我衝過來, 我相信我當時是非常的緊張, 看不清楚東西, 眼前的只是一個黑影, 就是手腳也看不清, 當時没有想過要逃走, 只知道有兩個女人要我保護, 就拳腳並用的向那黑影打過去, 那人大叫不要打, 這時心中感到佔了上峰, 人也定了點, 看到他是一個年約十七八, 177-179cm, 當然是比我大隻的後生仔, 他見我停了一下, 又想衝出來, 我拿起放在房角的船槳指著他, 要他不要動, 他伸手過來要搶, 給我在手背和手臂打了一輪, 這時太太和妹妹己衝出大門外大叫有賊, 他知道逃不了, 就扮作喝醉未清醒, 一邊胡言亂語, 一邊叫媽媽....

警察來了, 兩個警察一進來, 那個賊就認出他們, 叫了他們的花名出來, 警察當然馬上叫他收聲, 當點算失物時, 發覺被偷了一個Dupont Lighter 約 1500 (當時係咁上下, 而家貴好多), 和放在桌上的卄元, 當時警察就在他身上找到出來, 可以說是人贓並獲,

一同到坪洲警署落案, 兩個警察向坐在房內的說了一遍話, 没有聽到房內那個督察說了甚麼, 只聽到其中一個警察說: "唔得喇, 佢地係打999報警嫁, 係總台call入嚟嫁"

於是攪了一大餐, 天光才回家, 之後佢亞媽又成日等我放工, 拿了些不知甚麼的農產品來叫我放過佢個仔....

到上庭個日, 個主控官在庭外同我講: "不要告佢偷卄蚊罷, 佢唔認, 只認偷咗個火機, 其實你個火機都千幾元, 加唔加果卄蚊落去條charge都差不多"  見係個官求到, 就同意了, 其實是上了當....

因為我是證人, 没有入去聽, 他認罪, 也不用傳召我, 約一小時候, 他們出來了, 我問主控官如何判, 他說:"deposit 500, 守行為半年, 不留案底,", 我問個主控官:  "同判無罪有乜分別呀?"

點解我之前話上咗當?  後來問個律師朋友, 佢解釋, 個主控幫佢, 佢只認偷火機, 是不小心, 一時好奇, 唔知價值, 拿來玩玩等,  但如果偷了你卄元, 不可以說一時好奇, 唔知價值, 拿來玩玩等, 個法官會有不同考慮.

之後周不時掛在門外曬的衣被弄破, 門窗被劃花, 雖然冇敬奉牛屎, 但我知佢到警民合作, 我地d外地人是鬥不過他們的, 就將坪洲這個和諧社會交還給他們好了.

[ 本帖最後由 Peter 於 2007-11-12 15:20 編輯 ]

過江龍不及地頭蟲，知道鬥不過他們走為上將，明知！