比d意見吖 ~ 唔該 ~ 有塊田冇人耕 ~ 21APR有新發現 ~

我想租, 不過吾知有無老師教埋我點種? 因為我都係超級新手, 我係自己屋苑抽吾到, 係社區苗圃又抽吾到~~~

不如...你除晒d草之後...
去問漁農署
大龍農場  租借部  (泥田機)...
開田一次過 ok ...

萬幾兩萬呎...
點鋤.....(泥田機)會好好多囉...

我想問:如果第日出租後,會唔會日日有人幫手淋吓水咁呢??
如果自己開翻幅田(計埋自己除埋宜家D草),咁又可唔可以平D出租先呢??
PACO 發表於 2009-4-9 21:52

租得比你就會幫你淋水咯 ~ 何況, 我一個星期七日都會出現啦 ~
你想租幾大呀 ?? 我宜家掹門前果幅都已經半死 ~ ~

嘩…計劃好似一步一步咁實現啦！正！

不如...你除晒d草之後...
去問漁農署
大龍農場  租借部  (泥田機)...
開田一次過 ok ...

萬幾兩萬呎...
點鋤.....(泥田機)會好好多囉...
fatinhk782827 發表於 2009-4-10 02:54

有得借咩 ?? 我搵抣漁農署個web都唔覺既 ~

我想租, 不過吾知有無老師教埋我點種? 因為我都係超級新手, 我係自己屋苑抽吾到, 係社區苗圃又抽吾到~~~
yauyau88 發表於 2009-4-9 22:33

你租左田之後, 成班農友一齊黎, 點會冇人教你 ?? 教你種, 幫你種, 同你割, 啦你食埋添呀 ~ ~

係wor ~ 話時話, 有冇邊位係 " 職業縱火狂徒 " ?? 塊田d草實在太厲害, 最佳辦法真係一把火燒左佢 !! 奈何小弟一向奉公守法, 唔曉放火, 兼且近日紅色警告訊號長著. 玩吓手田都未開成就火燒山就邊度都唔駛去囉 ~ ~ ~

距離不遠...真係好期待...因為園圃個邊抽中既機會率真係低過中六合彩
加油呀~~~

有得借咩 ?? 我搵抣漁農署個web都唔覺既 ~
pinocchio 發表於 2009-4-10 09:17

蓮塘尾 大龍實驗農場 有得借:  打個電話去問下 la..(假期好似吾會開)
1.漁農自然護理署
2.繁體板
3.農業
4.常用農業資料
5.申請機械及其租用服務
有得比你租借好多野....
你入去睇下la....
家陣,如果想自己買一部泥田機應該都好貴....
元朗建德街有(兩三間)賣農業用具及淋水設備ga舖頭,
分分鍾要成萬幾銀一部泥田機.....

如果去大龍借,,我想會較化算....
不過,用泥田機會有危險成份.
要小心使用...

以前有d新聞,,話d農夫不小心使用泥田機,
隻腳比佢整到血淋淋...

106# pinocchio


好呀~~~~~好期待呀

係wor ~ 話時話, 有冇邊位係 " 職業縱火狂徒 " ?? 塊田d草實在太厲害, 最佳辦法真係一把火燒左佢 !! 奈何小弟一向奉公守法, 唔曉放火, 兼且近日紅色警告訊號長著. 玩吓手田都未開成就火燒山就邊度都唔駛去囉 ~ ~ ~ ...
pinocchio 發表於 2009-4-10 09:56

你想做放火狂徒呀....

咁你就要小心d   la..   要一堆一堆咁燒....
如果吾系...又要消防員來 滅火...分分鐘要飛行服務隊  出動...(水彈)tim....
逐d逐d燒 la... 一朝早...下午  ..會較理想...
因為 以前d 農夫 個個都系咁...
家陣有d幾廿歲  果d婆仔...多數都系一朝早,,或下晝放火....(吾洗咁曬)
一來可以整d草木灰用下...二來又可以燒咁d 野草種子...
一舉幾得 tim...

最重要,就系吾好在大風日子放火燒草  和   一堆一堆隔開d  黎燒...
比較容易控制個火 ga 大細....
當然最好有水喉  準備候命,,,
作不時之需...

好期待開晒田之後既大大大大農地丫!!!!!!!!!

你想做放火狂徒呀....

咁你就要小心d   la..   要一堆一堆咁燒....
如果吾系...又要消防員來 滅火...分分鐘要飛行服務隊  出動...(水彈)tim....
逐d逐d燒 la... 一朝早...下午  ..會較理想...
因為 以前d 農夫 ...
fatinhk782827 發表於 2009-4-10 13:02

我已經有個滅火筒 ~ ~ 下晝石湖塘有個人燒垃圾, 比火燒親塊面 ~ ~

距離不遠...真係好期待...因為園圃個邊抽中既機會率真係低過中六合彩
加油呀~~~
fae 發表於 2009-4-10 11:22

咁緊要 ??!!!! 好多人爭咩 ?? 會唔會好似入拔萃 / 協恩 / 皇仁咁 ??

103# pinocchio
我宜家次次都租緊天水圍園圃,一租就租兩幅,但都唔能夠滿足到我,如果你嗰面近河背,我都想租黎玩吓,起碼都要我識去先得架麻係咪^0^!!
如果你租,唔知要幾錢同幾大呢????

114# pinocchio
我聽d 同期既園友講~ 玩開既園友為左一路繼續都有得玩既關係，差唔多出動晒屋企附近所有街坊朋友雀友園友...
個個都入紙申請...務求一定中。因為佢地好多時候都唔會只係種一塊田..一種就起碼兩三塊，一次只係得廿十五個位，
差唔多有成五百幾人抽籤...我都係因為極度好彩，後補申請既人有人放棄左，我就搭正時間打電話去留位
真係遲一分鍾都無晒.....我諗我大埔呢邊既競爭應該仲會更加厲害，無得上網郵寄同電話申請，要到申請日朝早去排隊
可想言之..唔通我要六點鍾就去等到八點開門?!

嘩嘩嘩~開田開成點呀~?
我屋企樓下都有園圃出租呢~不過得9呎大...我諗都夠種棵翠玉瓜既..
好期待你正式招租呢~我地租田會唔會有discount架~hehe

特然想起：
樓主可以首先試下種D香草呀，菜呀等等！
又可以有收成，D枯技又有肥力，等於幫過田施肥！
又後可以試下種D果樹等等！(即兩樣都種！)
等土地一步步進行演替！

[img][/img]今日既進展係, 麵粉棍咁上下粗既樹仔鋸哂 ~




仲冒住比蛇咬既危險入左塊田, 原來淨係得兩三棵樹仔 ~
( 下面兩幅相係響鐵絲網後影; 由鐵絲網開始一路去到相中間果棵大樹都可以耕 ~ 另外左手邊仲有一塊差唔多咁大既田, 不過有幾十棵果樹, 就唔好搞佢喇 ~  )

今日懶惰左冇開工, 聽日又開始過 ~ ~  不過好似落緊雨喇 ~ ~