求教：如何令檸檬結果？（請花園仔老師指導下）

家中的檸檬樹出了很多花苞，怎樣才能令它結果呢？
要選擇性去除過多的花苞嗎？
要制水還是不能缺水？
鉀肥是結果前或後才施？
泥土中含塘泥成份較多，可以嗎？
去年這株檸檬也曾開花，不過開花後就是結不了果，所以希望今年能夠成功。

唔緊要啦, 之前唔知邊個種o左8年都冇結果呢~

1# 貓貓
貓貓~
我o個盆都係呢排開好多花喎~
舊年又係花苞跌晒落地,幾個結到果o既就好似沙田柚咁厚皮,比我拎去做堆肥~
舊年年中幫佢換晒新泥,唔知今年會唔會有轉機呢?

唔通呢個係宿命！！不過我想打破佢播。
我想可能有 d 小技巧我地唔識，有無高人肯指導下我地呢？

唔通呢個係宿命！！不過我想打破佢播。
我想可能有 d 小技巧我地唔識，有無高人肯指導下我地呢？
貓貓 發表於 2009-2-4 18:51

貓貓

花園仔老師 有種檸檬架

不如請教下老師 丫

8年，
我實無耐性等

唔緊要啦, 之前唔知邊個種o左8年都冇結果呢~
farfeifar 發表於 2009-2-4 17:18

我都有一棵垂死中嘅檸檬, 過完冬, D 葉皺到乾到, 見到都心酸! 家陣狂落葉lu!

斑比：唔該你，巳經加左入主題請老師黎睇下。

花花＆ chris：無花就話 je，咁多花都結唔到果，係有 d 心 up。唔想今年又食白果！

kelvin：你那棵檸檬種左幾耐？之前有無結過果未呀？

我見朋友D檸檬樹都無乜打理佢,
但年年開花結果
摘都摘唔切
有時多到摘唔切,
跌到成地都係
通常有時間就摘出來派街坊

9# llaus


你果恕地靈人傑嘛！
ai… 又係有心栽花花不發，無心插柳柳成蔭！！
我今日都落左 d 鉀肥，睇下有無幫助啦！

9# llaus
大島o既氣候同環境可能特別適合種檸檬樹~
曾經住過大島西部,後院有一棵大約8呎高o既檸檬樹,唔使點理佢,果實多到要派街坊(但係街坊好似個個都有種 )~
同學仔屋企仲搞笑,佢鄰居種o左棵好大o既檸檬樹,長期唔修剪,樹枝&果實伸去佢屋企個後院,佢可以長期不勞而穫~
呢d印象,令我以為檸檬好易種,點知種o左成年,依家至知佢唔係想像中咁粗生~

斑比：唔該你，巳經加左入主題請老師黎睇下。

花花＆ chris：無花就話 je，咁多花都結唔到果，係有 d 心 up。唔想今年又食白果！

kelvin：你那棵檸檬種左幾耐？之前有無結過果未呀？ ...
貓貓 發表於 2009-2-5 07:00 PM

我哥棵, 買ga, 可能有1-2年, 我估ga 咋, 因為超過一米高, 又有好多枝幹, 我買的時侯有好多好多花, 本來可以結果, 係我自己嘅錯, 我無換泥同施肥!
我都一樣, 一買番嚟佢用純唐泥種! 所以唔死都難, 我都唔明佢d根點生得到, 但係我當時咩都唔識, 所以無求佢, 由得佢d 小型bb果一個一個跌晒, 跌咗十幾個lu, 家陣剩番一個, 都無大過!
但係我相信佢唔會死ga! 雖然d 舊葉落緊, 佢個頂開始出緊好多嫩芽, 同埋有花苞~ 我幾日前都落咗鉀肥俾佢, 今日睇佢佢靚仔番d啦~

13# 愛花文
愛花文~
多謝你提供o既資料~

13# 愛花文

謝謝你教路~
請問:

根據你所講嘅:
"肥料以骨粉3份7份(花生麩或麻麩)混合用，最好落經過製練無細菌禽鳥糞便。
俗稱(古早肥)比較全面，肥料比例(5份1份泥的一半)份量"

基肥係唔係   3份骨粉 + 7份花生麩或麻麩 + 禽鳥糞便 + 古早肥?

禽鳥糞便 落多少?

肥料比例(5份1份泥的一半)份量 呢句唔係好明! 5份古早肥加1份泥, 再只落一半嗎??? 啫係2.5 份古早肥配1份泥?!

樓主好!
#13嘅愛花文已清楚講咗種植檸檬嘅基本技術嘞.
我棵檸檬亦種咗落地近來好似有花苞罅!

所有樹都唔好種近你間屋
不然,大左你就知味道
佢地識得四圍找野食(樹根呀)
太大(樹根也正比倒樹根有機會影響間屋地基)
在大島要 cut 一棵樹好煩 (唔可以隨便 cut 就 cut),
要當地政府批準 (當然要比証據---要比好多錢啦),還未必可 cut 啵,要有合理原因才得!!
還要專業人仕去 cut (又要比錢啦)

17# llaus
屋企門前塊石屎地有裂痕,唔通係因為附近大樹過o黎搵食?

17# llaus
屋企門前塊石屎地有裂痕,唔通係因為附近大樹過o黎搵食?
ChrisTsui 發表於 2009-2-6 10:19

正是

一棵幾大之 茶花囉

肥料比例(5份1份泥的一半)份量 呢句唔係好明!

恕我愚蠢其實我都係唔係好明呢句,
可否再講清楚一點呢,
因我的檸檬樹都有同樣問題！

我估我多數係「水太多」，因為我呢邊成日落雨，荃灣、九龍都無雨，呢到都可以落湯雞咁架。
泥土、基肥，我都有做足，而且我家有好多昆蟲光顧，授粉無問題。
我而家將佢搬左入簷篷下，擋得幾多雨得幾多啦！
海鳥肥好貴，大量用好心痛。花園仔老師介紹的肉骨粉更好用，有齊 N、P、K、 價錢比較相宜。
2kg賣＄25-30，睇匯價水位，20kg就賣＄160。用左之後農作物好健康，用黎種花都開多好多花。
呀蛙：我都見識過大棵大樹根的威力，睇屋見過一棵樹的樹根生到成個後園都係，突晒出地面，d 磚全部爆晒，我同經紀話邊個夠膽買呢間屋呀？好似樹妖咁，斬左佢驚佢會成精返黎報仇！！