請問可以入泥未呢?

好似我呢棵咁,而家佢出咗兩組葉,等佢大啲,我可以分開佢地,一邊連住母葉出既根生,另一棵就要入泥或者珠石,等佢再生根.

再大D好啲,等佢各自有四、五塊葉先分.

原帖由 rosekarming 於 2008-12-1 16:11 發表
http://www.hkplants.com/viewthre ... &extra=page%3D2
係咪要等圖2的第2幅圖有果d葉仔咁大先take出來分左佢哋入泥呀?

成塊葉全部入泥~ 我冇分開過任何野架喎~~

唉...相機無電添....唯有用手機影..
但影得好差唔好介意呀

第一..講清楚比你知點分一組組先..其實我地講緊一組一組既意思係計緊佢有幾多個生長點!
生長點即係中心會出新葉既地方


上圖有一組

呢個圖其實有2組

好啦...咁幾時要將佢地分開呢??
好似第一個圖咁...超easy...唔駛分...由得佢地大到咁上下...切左亞媽出黎就OK
到你見到無左亞媽..又會自己生長新既葉仔..你就可以同佢換下泥

咁如果撞著個亞媽咁好生養...好成2-3組仔一齊開飯 ...呢D情況要等D仔大個D
先可以放佢離開亞媽...


上面2圖係我上星期五(28/11)係另外一個亞媽度放出黎
放出黎既過程就好似摘菜花咁囉
成個亞媽攞出黎....跟住搵到亞仔個落腳點...就cut佢出黎

cut 左佢出黎就入桑拿房...焗返佢個幾兩個星期...佢就會有根
(我今日的左佢出黎影相...焗左2日..佢都出左兩條2MM長既根仔 )

佢焗桑拿出根其間..多數分唔到心出唔到新既葉仔
呢個時間唯有等下啦...
到你發現有新葉仔出世果時 ...你就可以將佢入土為安



唔知咁樣可唔可以解答晒你既問題呢???

**唔好意思呀...唔知搞乜東東...我唔可以一次過將個過程文字&圖片用同一個post出...所以要分開上**

好多謝大家貼埋圖回答我既疑難

摘菜花-->平時摘菜心既花咁? 但係用cutter介出來?
佢焗桑拿出根其間..多數分唔到心出唔到新既葉仔, 咩叫分唔到心? 係咪即係分唔到個中心點呀?

原帖由 cotychan 於 2008-12-1 16:15 發表
好似我呢棵咁,而家佢出咗兩組葉,等佢大啲,我可以分開佢地,一邊連住母葉出既根生,另一棵就要入泥或者珠石,等佢再生根.
7896878969

咁你呢塊插葉本身係插珠石定係插泥架?

原帖由 rosekarming 於 2008-12-1 17:32 發表
好多謝大家貼埋圖回答我既疑難

摘菜花-->平時摘菜心既花咁? 但係用cutter介出來?
佢焗桑拿出根其間..多數分唔到心出唔到新既葉仔, 咩叫分唔到心? 係咪即係分唔到個中心點呀? ...

其實你唔駛咁擔心摘菜花 因為當你將個亞媽攞左出黎...你就會睇到係邊度落刀架啦
過兩日...等我個相機差好電..再影多2將相過你睇下啦...

另外...我講既分唔到心..係指小babe要一心一意咁生根...
所以呢段時間你會覺得佢唔大唔識長新葉

謝謝

原帖由 rosekarming 於 2008-12-1 17:36 發表


咁你呢塊插葉本身係插珠石定係插泥架?

兩樣都有(泥溝珠石),我懶嘛 .如果佢出得一組,就可以由得佢大,唔駛換盆.

原帖由 cotychan 於 2008-12-1 18:16 發表

兩樣都有(泥溝珠石),我懶嘛 .如果佢出得一組,就可以由得佢大,唔駛換盆.

我都想懶喎 , 咁其實我依家知道我塊葉會出幾多組未呢? 如3粒葉芽係咪表示會出三組架

我咁多問題真係唔好意思呀咁多位

原帖由 rosekarming 於 2008-12-1 18:53 發表

我都想懶喎 , 咁其實我依家知道我塊葉會出幾多組未呢? 如3粒葉芽係咪表示會出三組架

我咁多問題真係唔好意思呀咁多位

佢地多數都係三粒一組、三粒一組咁生o架!如果而家只見三粒,好可能得一組.等佢大少少先再睇.

原來係咁, 等我重以為我塊葉有3粒芽葉就會有3棵添 , 好彩走出黎問下, 如果唔係就會將佢哋3粒分開左, 謝謝回覆

[ 本帖最後由 rosekarming 於 2008-12-1 19:53 編輯 ]

見唔見到個剪咀?由嗰度CUT落去.咁佢大啲,條莖長啲就易再插啦,

謝謝, 好清楚, 咁未cut之前需唔需要將成塊母葉拿出來才cut?

原帖由 rosekarming 於 2008-12-2 14:25 發表
謝謝, 好清楚, 咁未cut之前需唔需要將成塊母葉拿出來才cut?

要唔要成塊母葉攞出黎??
咁要視乎亞仔生係邊喇...如果好似上圖咁...生係泥面...咪唔駛攞亞媽出黎囉..

但有d情況..亞仔會係泥裡面生出黎...咁你就要起埋亞媽出黎搵亞仔個落腳點落刀

因為我怕傷到其它根, 所以先咁問, 咁入泥時放葉芽係泥面, 而根就淺淺地埋入泥裏面咪得囉, 係咪呀

原帖由 rosekarming 於 2008-12-2 15:17 發表
因為我怕傷到其它根, 所以先咁問, 咁入泥時放葉芽係泥面, 而根就淺淺地埋入泥裏面咪得囉, 係咪呀

葉仔就緊係要係泥面啦..

基本上...用以上方法切出黎既芽仔都唔會太多根...
如果有都係得一兩條...到時候係咁易比D泥蓋住D根就OK