有無人可以敎我種劍蘭呀?

請問有無人可以敎我種劍蘭呀?  E家落種得唔得呀?  個劍蘭球啡色的皮要唔要去咗去呀?  唔該!!!

現在就可以開始種植, 而包裹著球莖外的啡色皮膜可以不用去除.
建議植料使用(泥炭土,沙,蘭石)比例2:1:1,球莖種植深度10cm或以上.
未發芽之前不要給太多水,只保持介質微濕.
到發芽生長旺盛後再增加澆水量.
而當植株生長高度超過50cm後需要在基部位置培土及設立支架作支撐植株以免倒伏.

請問要幾大個盆, 泥要多深才ok呢?

jfung, 八卦問吓你買咗邊款啊 ?

我買劍蘭球果時問左老板喇, 佢話泥唔洗太深, 幾寸就ok喇
佢話太深又浪費了泥, 因為太深有些部份是用不著的

等到長了苗後, 就要進行第二次覆土, 大約2寸到
唔知咁做係咪ok呢?

我買咗紅色呀，你有無興趣呀?

原帖由 小寶 於 2008-11-22 12:57 發表
我買劍蘭球果時問左老板喇, 佢話泥唔洗太深, 幾寸就ok喇
佢話太深又浪費了泥, 因為太深有些部份是用不著的

等到長了苗後, 就要進行第二次覆土, 大約2寸到
唔知咁做係咪ok呢? ...

種2寸咁淺，咪會頭重腳輕，會跌囉。
您惗吓，劍蘭有成 1M高，但種係數2寸高泥土內，您話會點？

佢係咁教的: 球根埋在4寸土裏, 淨番個尖在泥面, 等苗長高後.再覆土2寸
唔知咁得唔得呢?

我都覺得要應該要種深D，因為劍蘭咁高。  我跟著黃女士的方法呀，1日昨，E家都出根啦!!

原帖由 jfung 於 2008-11-23 14:01 發表
我都覺得要應該要種深D，因為劍蘭咁高。  我跟著黃女士的方法呀，1日昨，E家都出根啦!!

咁您係唔係一次種曬佢地呀？
新年開花咪好應節囉！

原帖由 小寶 於 2008-11-22 23:00 發表
佢係咁教的: 球根埋在4寸土裏, 淨番個尖在泥面, 等苗長高後.再覆土2寸
唔知咁得唔得呢?

都要睇吓您個球有多大，如果是比較細小的都可以。
淺種有利生子球，但落完雨後容易跌倒，而且好容易泥乾要保水(因開花期極須要多D水份)。
深種不易跌伏，但所生的新球小，子球少。

原帖由 jfung 於 2008-11-22 18:00 發表
我買咗紅色呀，你有無興趣呀?

Thank you 了, 我買咗 Jessica & Nova Lux, 又同黃女士交換咗d windsong, 而家成天台都係球, 百合, 劍蘭, 屈香香同朱頂 lu

黃女士呀, 當劍蘭球落咗泥後要唔要比好多陽光佢呀?  定等到出芽先放到有好多陽光的地方呀?  放西得唔得呀?

劍蘭好光，我由開始至現在都係放佢係陽光充足的露台，佢地都生得好好！
長日照有利花芽分化形成，而光照不足就會減少開花數。