種菜的泥土

各位師兄師姐, 我係園藝新丁, 剛買咗一包PEAT MOSS PH2.5-3.5, 想1用來種菜, 請問可否用黃花沙EAT MOSS 1:1加基肥同少少石灰種呢?  或者有無其他簡單的方法呢. 唔該.

我一向都好簡單, 買包混合土返黎即種, 咩都唔洗攪

種過之後有舊泥, 就買黑土返黎溝埋一齊用, 就係咁簡單

新泥基本上就咁買返黎加d基肥就種得架喇,(發苗就肥都唔駛加住)
種菜用一般花泥都ok,但種瓜,茄個d就加返d黃花沙好d
因為一般花泥太輕身,好多時棵野大o左就成日企唔穩,
企到都成日塌盆,好煩的~
你種完第一輪下一輪先再用石灰都唔遲,
因為泥種得太耐會變酸,石灰係用黎中和返佢o既姐~

想問問
D花店的人說化學泥要配唐泥先可以持續種下去
其實化學泥入面的養份好快冇晒?

但我就係比個店舖D人點咗我買泥灰土(PEAT MOSS), 仲要買咗好大包, 佢又話唔洗MIX其他嘢,  返到屋企先知個PH係得2.5-3.5, 我一响都係用黑泥就算, 宜家都唔知攞返去換黑泥定加沙落去種.  但平時用黑泥係好係好, 不過唔係好KEEP到水份, 我一日要淋2次水.   

適少少  請問 生石灰...熟石灰, 係咪一樣可以中和酸鹼值 ?

<-----係,不過生石灰要加水牛熟先可以落泥種野,如果唔係燒根得好勁架~
熟就直接可以用,我就通常用一隻叫"白雲石"都係一d石灰肥黎,唔怕佢唔生唔熟,方便d~

farfeifar 發表於 2012-4-7 00:20
適少少  請問 生石灰...熟石灰, 係咪一樣可以中和酸鹼值 ?

farfeifar  唐泥唔得架,落o左唔去水的...去d花園工程買d黃花沙溝就ok,30蚊一大包有排溝(要自備車仔or車,因為超重的) 

我種蕃茄同士多啤梨，都俾人「點」咗我2次買唐泥，仲要dup餐死嘅，最後都換番黑泥溝珍珠岩

我想問「花園工程買d黃花沙」同唔同五金舖工程同嚟溝洪浦泥D沙？
五金舖D石灰屬生石灰定熟石灰？
你嗰隻石灰喺咩嚟嫁？邊度有得睇下/買？

唔該

mummy 發表於 2012-4-7 00:38
我種蕃茄同士多啤梨，都俾人「點」咗我2次買唐泥，仲要dup餐死嘅，最後都換番黑泥溝珍珠岩

我想問「花 ...

五金舖買黃花沙有機會係咸水架,所以有風險,
都係去d大型花園工程公司買粉陣d...
五金舖石灰多數都係生的,你可以問下佢地~
我隻白雲石都係係d菜種行買,佢地一般都係叫石灰肥的~
一粒粒好似芝麻咁大粒,灰灰地色,一濕水就溶的了~