農夫種植記@花墟球場,由開田到收田

點都好 , 總唔可以唔通知人地就拆左人地0既野 !!! 人地成擔心機架 ~ 貼張紙都要卦 ??

我好明白你的心情,

想問下佢有沒有比番條屍你??

如果係我, 我會問佢攞, 然後堅持再裝番,

不過可能我太偏激了!!

唔好唔開心! 祝你D菜好健康強壯

農夫... 好慘呀!! 個 d 咩人點可以搞人 d 野ga... 就算犯規都有警告先啦, 邊有即斬ga...
嗚﹏     感同身受......!!!!

花咗咁多心機, 俾人咁攪就一定激氣. 但佢有無整爛你個網呀. 緊係要攞番啦.

農夫，
我都好鄧你激氣呀，花咗成擔心機整個咁靚既防蟲網比人拆左。
不過，我都認為可能係個網左住佢淋水，令佢覺得好唔方便，
又或者係佢淋水時太大力整冧左個網，就話你個網野蟲。
其實，康文署無明文規定唔准架網，導師又無出聲話唔得，個花王
就更加無權。據我所知，個花王係受僱於承包清潔公司的，不屬於
康文署既職員，而佢既職責只係替農友的植物淋水、看管場地及清潔。
如果係我，我會即時表示不滿囉，要拆既話應事先通知，而唔係
先斬後湊。

農夫: 唔知你裝番個網未? 同意邦妮所講的推斷, 對佢淋花不便, 可能你個網太軟, 佢用水喉淋水時成個網墜哂d水, 變左佢要掀起你個網做野~

你以前所謂的師傳,以及現在的花王一直都好唔滿意你個網, 之前佢話個網無用, 阻唔到蟲咬, 宜家又話惹蟲, 我覺得佢在找藉口, 你大可以向他表示不滿, 同佢講叫佢唔好再拆走你個網, 再拆你會正式寫信投訴擅取私人物品. 當然, 你要強調無人想令到別人無左份工.

上次見面你都見到我幫農友買的衫兄防蟲網好硬, 你可考慮下換左佢,價錢係咁的:
1米x1.8米 = 20蚊

農夫 ... 是否只是拆你個網呀 ? 星期六見到有好幾個田都有網 , 咁D鄰居有冇拆呢 ? 拆咗個網有冇比番你呢 ?

唔好咁激氣啦 .... 這裡好多人為你抱不平 及支持你 .... 快D笑番先啦 !

其實農夫已經攞番個網。不過，話曬一擔心機，搞成咁，真係都幾心翳！

個花王咁唔尊重人, 29/11見佢唔似係咁, 真係估唔到.
不過, 我哋要明解每個人的處事能力, 思考層次不同, 原諒他吧！
無情情被人拆左個網已經唔抵, 嬲壞自己更唔抵.
農夫, 唔好咁興啦！個花王遲早得罪埋其他人撞板 , 你犯不着動氣發功的.
我哋成村靚女都拾撲你架！

嘩!我睇到都好激氣law!我都覺得佢係懶, 唔想下下同你掀個網淋水,
所以先拆o左你個網, 比我會一野話佢你淨係負責淋水架咋,
然後即場整返個網, 然後記住佢係咩公司咩名, 跟住同佢講如果我d菜
有咩冬瓜豆腐或者我第日食o左之後有咩冬瓜豆腐, 我都會por死你!

有冇攪Q Q Q Q Q Q Q錯 ??   我個苗圃D工作人園唔會沃我地D野嫁喎, 衹會我地到埸時, 先會同我地講吓, 仲好鬼客氣添, 乜你苗圃D人咁嫁  一於投訴佢啦, 我阿Sir 衹係講過搭瓜豆棚時唔可以高過1.5米, 同埋如果我地個田有乜野突左出黎,而整到其他人, 一切係田主負責喎, 冇話過唔可以用網, 仲比班腸粉拆埋, 可怒也................

[ 本帖最後由 惡姨 於 2008-12-3 00:39 編輯 ]

原帖由 農夫 於 2008-12-2 16:29 發表
下次你租過第二個地方既田好喇,(暫時都別無選擇啦)
其實有無講明種野之外唔比加網架呀?(無)

佢咁做有無權架?(權?求其搵個藉口就得)
可唔可以投訴佢架?(唔想做到咁絕)
做個網架時間金錢同心血都唔少,(咁佢都有比番條 ...

即係任佢為所慾為?無天理,大擔心機無哂啦,邊會有加網就惹虫的why理..不值..不值...不值

我果日見到你個網裡面困了一大群烏蠅，飛不到出來，花王有無話你知？

原帖由 UFO 於 2008-12-3 01:58 發表
我果日見到你個網裡面困了一大群烏蠅，飛不到出來，花王有無話你知？

UFO 有一群烏蠅是"堅"定"流"呀???

如真就風迴路轉啦

原帖由 llaus 於 2008-12-3 06:18 發表


UFO 有一群烏蠅是"堅"定"流"呀???

如真就風迴路轉啦

果日去到，確實係見到烏蠅，不過只是3隻之麻，拍吓咪走law~

原帖由 UFO 於 2008-12-3 01:58 發表
我果日見到你個網裡面困了一大群烏蠅，飛不到出來，花王有無話你知？

花王可以見到網入面的烏蠅,可以放走佢, 但係唔洗拆左成個網
本身蛆蟲要時間演變成蟲, 就係之前做的防蟲功夫不足,所以才會有蛆蟲,和後期的烏蠅
佢話惹蟲的理論並不成立,試問一個網點會惹蟲呢?

再者, 烏蠅在網入面可以trap住佢地等死或用電蚊拍拍死佢,
但網外佢地可以再搵到野食再繁殖
我自己都試過用左防蟲網後有烏蠅, 有幾多個初次種田/盆/堆肥未試過養蛆?

原帖由 小寶 於 2008-12-3 09:32 發表

花王可以見到網入面的烏蠅,可以放走佢, 但係唔洗拆左成個網
本身蛆蟲要時間演變成蟲, 就係之前做的防蟲功夫不足,所以才會有蛆蟲,和後期的烏蠅
佢話惹蟲的理論並不成立,試問一個網點會惹蟲呢?

再者, 烏蠅在網入面 ...

係啦, 我初初整o左蟲網個星期冇lala成堆烏蠅仔係入面架, 應該係之前係泥裡面生落的,
唔理佢幾日就餓屎啦!跟住一路都唔見有蟲了~嬲都冇嬲下~

原帖由 UFO 於 2008-12-3 01:58 發表
我果日見到你個網裡面困了一大群烏蠅，飛不到出來，花王有無話你知？

呢層我知呀,其實因為佢自己偷偷幫我施左肥,
而又無立刻com番個網所以"野"晒d烏蠅入去囉
講真宜家塊田幾時落過肥用咩肥,幾時殺過蟲用咩藥,我都唔知架
上次叫我去淋蒜水,去到佢都淋左囉,我都唔知我有咩可以做囉~
就算第時收成超好,我都唔會開心啦,因為都唔係我種既

[ 本帖最後由 農夫 於 2008-12-3 20:03 編輯 ]

原帖由 小寶 於 2008-12-3 09:32 發表

花王可以見到網入面的烏蠅,可以放走佢, 但係唔洗拆左成個網
本身蛆蟲要時間演變成蟲, 就係之前做的防蟲功夫不足,所以才會有蛆蟲,和後期的烏蠅
佢話惹蟲的理論並不成立,試問一個網點會惹蟲呢?

再者, 烏蠅在網入面 ...

係囉,每個方法都要有時間去運作先得架麻,
com左幾日就玩完,咩效果都睇唔到啦.

原帖由 farfeifar 於 2008-12-2 23:37 發表
嘩!我睇到都好激氣law!我都覺得佢係懶, 唔想下下同你掀個網淋水,
所以先拆o左你個網, 比我會一野話佢你淨係負責淋水架咋,
然後即場整返個網, 然後記住佢係咩公司咩名, 跟住同佢講如果我d菜
有咩冬瓜豆腐或者我第日食 ...

其實我見過佢淋水架啦,係唔會阻架
照平時咁淋就得架啦.