百香果(熱情果)授粉及結果問題

請問百香果是否需要人工授粉？我見花只開一天便合埋，會再開花嗎？是否開花後第二天便套網袋(防果蠅針)？
謝謝。

人工授粉方法有二:一是以手指拈休雄蕊的花粉擦于住头上.每分种约可授粉70-90朵

　　花。另一方法是.在当日上午开花前.10时一11时左右.先将花朵的粤片及花睡剖开.取出花

　　扮，等当日下午1点以后.以毛笔沾花粉涂擦于3个住头上。

請問如果只由得佢靠昆蟲傳播花粉，有既大機會結果？我早上返工前看仲未開花，6時半放工回來都已經開晒花，放工時才做人工授粉係咪太遲？第二朝朵花都已經合埋了，花期只得一天。

其實昆蟲授粉機會相當高,除左蜜蜂之外螞蟻亦會去搬花粉,
但要睇個人環境,如果你果度咩蟲都冇自然...
百香果又叫時計果,因為花柱剛好分別係時分秒針,配合底下果幾粒花粉(面向下的)睇落就好似鐘咁

我個人經驗係只要花未合上都可以人工授粉成功(過左10點),我多數係直接拆一粒花粉然後直接沾到柱頭上,如果量多改成拆左花粉之後用毛筆沾掃應該會快好多

至於套袋問題,因為我人懶而且果又多,多數由得佢
樹底偶爾有落果但似乎並唔只係因為被果蠅針到所以先落果(有完全無傷痕的),
亦有被果蠅針到成身疤但入面完全冇事既果

morning 發表於 2017-4-10 10:09
其實昆蟲授粉機會相當高,除左蜜蜂之外螞蟻亦會去搬花粉,
但要睇個人環境,如果你果度咩蟲都冇自然...
百香果 ...

好多謝你詳細既解答和經驗既分享!

原本有4朵，有2朵我有人工幫佢，成功，有2朵無幫，謝左

那朶花成功由昆蟲授粉，拿拿臨笠番個網袋先。

我發現天凍時會有部份百香果花會有花粉發育唔正常(冇成熟花粉但照開花),
呢類花多數係冇太陽曬既位,而天熱時基本上見唔咁既情況。
我查左下資料發現原來百香果授粉唔完全亦會有落果現象,
所以天凍最好幫手人工授粉,咁樣落果亦會少d

另外百香果有蜜腺(絲瓜亦有),會分泌蜜汁吸引螞蟻去保護佢趕走害蟲。
所以如果係百香果上發現螞蟻係好事黎的，可以趕害蟲又幫手授粉,我既百香果幾乎冇蟲害。
但如果係第d植物如辣椒見到螞蟻就要小心啦,
佢地多數係想係棵野上放牧芽蟲,
有時候d芽蟲殺極都有可能就係因為d蟻係度作怪

因為我有見到有螞蟻係D葉子走過，我估我既百香果花都係螞蟻幫手授粉，棵植物又真係無咩蟲害，仲越生越霸道，出好多蔓藤。

其實百香果不用套袋也沒事, 個皮好厚不會有鳥或昆蟲咬的，放心。