超級唔開心丫>"<

原帖由 襲人 於 2008-9-18 13:40 發表

之前我都試過比人偷汽水....朝早雪飯盒都仲見到
到我食飯個陣就唔見左......我食尾輪啫
都唔使飲左唔出聲啩

咁都得..........
乜人嚟

原帖由 nuage 於 2008-9-18 20:03 發表


咁慘呀﹗
襲人﹗我有d貓貓同埋喜蔭出你要唔要？如果要pm 地址比我呀﹗

nuage~謝謝你
有另一位花友送我一支貓貓側芽了^_^
我先把那隻小貓貓照顧好,下次再找你要

原帖由 江江 於 2008-9-18 22:00 發表

咁都得..........
乜人嚟

呢d就係"好同事"囉......

嘩！真係超過份啊！！！

唉！ 人要貪起來時什麼也可以貪，正如我隔鄰弄死我的花花，我也感莫名其妙！一 盆價值十多塊的花有什麼與人對敵呢？！

原帖由 襲人 於 2008-9-18 13:40 發表

之前我都試過比人偷汽水....朝早雪飯盒都仲見到
到我食飯個陣就唔見左......我食尾輪啫
都唔使飲左唔出聲啩

你地講開偷野飲…
以前我係學校工作，有次發現放雪櫃的維x奶唔見左
起初以為有人一時攪錯飲錯，不以為然，野飲繼續放雪櫃，
後來持續唔見飲品，先覺唔對路…
果個雪櫃係for老師放飯盒，理應只有老師同職員可入，
我懷疑係老師偷，好唔開心

同同事講，佢地都安慰我話可能拎錯，叫我寫名
我未知死，真係信寫左名無事，結果又係唔見
我又試過放埋一袋，寫埋名，個袋打埋死結，結果…
一袋6盒，放左一日得返5盒…

我向校務處投訴，佢地就話可能d學生可能偷偷走入去找野食，不願調查
我唔係好信，我覺得學生不會咁大膽敢係老師的雪櫃偷野飲
但件事不了了之，我亦無再放野飲係雪櫃
轉為只放左一盒即沖咖啡係雪櫃附近的木櫃中
起初無事，後來…成盒即沖咖啡消失埋﹗
我好失望，點解學校內教職員專用區會發生咁既事﹗

後來學校擴建，有個新的雪櫃，放雪櫃的房今次真係教職員專用
因為平日會上鎖，學生一定唔會入到去
我又死蠢再放野飲係雪櫃，結果…當然又係唔見﹗
仲要係一pack6盒未開，佢夠膽同你拆開佢拎一盒﹗好似d野係佢咁﹗
我好嬲，貼左張紙係野飲度：「不問自取，是為賊也﹗」
結果第二日，連剩下的5pack連張紙都無埋﹗﹗

果時，我真係希望可以好似迷暈黨，加d迷藥入野飲度
等佢飲左係學校暈低﹗

我勁生氣同失望，學校竟然有做賊的老師﹗
d學生真係慘，俾d咁cheap的老師教﹗(人工咁高仲貪人地幾蚊盒的野飲﹗)
所以後來我都離開左呢間學校…
但有陰影，無論去邊做野，我唔敢再放野係雪櫃…

真係希望可以好似迷暈黨，加d迷藥入野飲度等佢飲左係學校暈低﹗

原帖由 遙日 於 2008-9-19 14:34 發表



你地講開偷野飲…
以前我係學校工作，有次發現放雪櫃的維x奶唔見左
起初以為有人一時攪錯飲錯，不以為然，野飲繼續放雪櫃，
後來持續唔見飲品，先覺唔對路…
果個雪櫃係for老師放飯盒，理應只有老師同職員可入，
我懷疑係老師偷 ...

我講多一件事給您知，說到老師偷飲品已是少事！

我認識的一對任教小學教師兩公婆，他們是白鴿黨人，他們所貪的更大，在法團中去貪，擺明沒有清楚的帳目，他們貪來買樓收租。那您說是否老師就一定好？我不見得！

另外我認識的一名中學教師，她不是貪而是不斷SHOW-OFF及貪老人家的寵愛，她們兩公婆每月有6-7萬收入，只給$7,000家用，但她的奶奶卻人前人後不斷讚許這名新抱很孝順，另一名新抱每月只有1萬元收入，但卻同樣支付了十分一的家用給奶奶，可惜卻給人說她不孝順....

我只會說從我認識的教師中，不見得有誰是好！

為人師表是否就一定好？我不見得，相反有些家庭主婦其質地反而才好，不過就因沒收入賺不到錢給人看扁。

原帖由 傻豬豬 於 2008-9-19 16:58 發表


我講多一件事給您知，說到老師偷飲品已是少事！

我認識的一對任教小學教師兩公婆，他們是白鴿黨人，他們所貪的更大，在法團中去貪，擺明沒有清楚的帳目，他們貪來買樓收租。那您說是否老師就一定好？我不見得！

另外我認識的一名中 ...

同感呀﹗
有好多人一聽到人地做老師，就覺得對方一定係人品好，好尊敬佢地
我覺得唔係囉﹗
尤其係學校做過野後，真係發現老師都係人，
一樣會貪心，一樣會自私，一樣會做d好令人氣憤既事﹗

我無傻豬豬咁慘，撞正d老師都係衰人
但都明白樹大有枯枝，世上有好老師，亦有好多壞老師﹗(<--仲要係度扮好人，而且好怪，通常呢類都做到好高級…)

近來好似越來越差，偷野飲已經係好小好小的事
前排有老師同d十二三歲的細路去開房，好嘔心…
今日又有一單類似案件，個老師仲被人指控安排個女仔墮胎
又有另一單有個教師係學校裝攝錄機偷拍小學女生換衫…

真係唔明，究竟教育界發生左咩事？
點解咁恐佈架﹗

[ 本帖最後由 遙日 於 2008-9-19 18:58 編輯 ]

世風日下
所以都係唔生細路...

睇完你地d個案.....
我發現原來邊到都有d咁既人

原帖由 襲人 於 2008-9-21 00:41 發表
睇完你地d個案.....
我發現原來邊到都有d咁既人

何處何地都有

原帖由 cross 於 2008-9-21 09:30 發表

何處何地都有

正所謂一雞死一雞鳴！

我做學生嗰陣, 都見到有老師全堂發脾氣
我也明白老師也是人, 都有氣憤的時候, 但都唔應該向全班學生出氣
話說係第三堂中文課, 我哋中三的同學可收回已交的作業
但那個中文老師由 no. 1 駡到最後一個同學, 唔係因為無做無交, 而係第一頁某一項寫錯位置...... 我哋大家都知道上一堂佢被其他學生激親
由細到大我都覺得老師的 EQ 唔應該太低, 奈何老師連情緒都唔識得控制

這樣講，以往的老師以為自己位高權重，一說是老師就要人人都敬重萬分。但事移世奕，以前的家長讀書少，老師說什麼就是什麼，不懂反駁。但現在的家長就算讀至中學，其知識都不差，加上社會的資訊透明度增加，不再是以前老師所言就正確無比。加上現在有家長會，不斷監察老師與學校的運作，以往的一言堂老師形象已不存在了。

那麼現今老師的壓力一定很大。

我的一名所謂親戚中學老師，她說很討厭家長來觀課，她說他們什麼也不懂，看來只是監察著他們上課的情況...

以我所認識做老師們，很多都是喜歡認威認叻的吹噓心態，只說他們與同事間的相比風氣已很重，今年暑假您出了那個國家去旅行，今年沒去明天死沒錢也有找錢來去，目的就是怕人看死！

這樣做老師的話，可想他們的真心何在？！