到手香 護膚使用問題求教(?)

大家好，因最近面上及身體的濕疹愈黎愈嚴重，所以最近開始留意精油護膚品及植物療法等天然護膚，偶然見到呢度好多高手分享配方及心得，所以希望各高人賜教:

最近發現 到手香有好好既治療功效，購買了市面其中一個天然品牌既到手香沖涼液亦感覺唔錯，所以希望自己種植/購買到手香，然後榨取汁液製作，

(1) 請問使用到手香製作洗面奶會否太刺激? 或是按比例減少即可?
如果可行的話，大致配方為
-植物油 (如甜杏仁油，JOJOBA OIL....) 70%
-到手香汁液 10-20% (?)
-起泡劑 10-20% (?)

(2) 因一般資料都係搞做皂，如果希望自己調配到手香沖涼液的話，可以請各高手教路嗎?

新手入門，希望各位多多指教，多謝

因為自己打皂, 比用起泡劑更溫和嘛~  

你個配方, 到手香汁會好快壞的. 但用到手香打皂, 就唔會有快壞的問題. 清潔用品只停留在身體幾秒到1MIN左右, 只要越少刺激性的用品便可. 濕疹原因有很多, 壓力和情緖係主因, 然後再攺變飲食和飲水習慣.

用底油方面, 要視乎你的膚質.

精油方面, 都係要視乎你的膚質.

多謝水母既回覆呀 ! 都唔知點解會咁呀,幾個月前去完日本旅行番黎又發曬出黎~而家睇緊中醫調理,暫時家中有最大路既甜杏仁,JOJOBA同椰子油~夠整皂嗎?
因為我對打皂認識唔多,而且未上網詳細搵資料呀 "立"眼望過其他人分享既配方都需要好多隻油 ....

另外想問埋咁如果用到手香整LOTION + 精油 , 會可以KEEP 耐D 嗎 ?

麻煩曬~

f3110 發表於 2016-9-6 12:18
多謝水母既回覆呀 ! 都唔知點解會咁呀,幾個月前去完日本旅行番黎又發曬出黎~而家睇緊中醫調理,暫時家中有最 ...

我呢幾年去日本, 每年去二至三次, 幾乎每次有你咁既情況, 今年一月去日本後回來, 皮膚出疹很嚴重, 所以今年唔再去日本了, 怕左~

到手香汁, 係鮮汁, 入皂唔易壞, 因為皂化過程及成皂後已經融合了到手香的抗敏物質.

你可以試下到手香汁入落你個DIY 潔面泡泡, 觀察下易唔易壞. 一般鮮品入液體, 包括CREAM & LOTION, 保鮮期都很短. 驚壞的話, 放入雪櫃保鮮都好的, 順便當收毛孔.

f3110 發表於 2016-9-6 12:18
多謝水母既回覆呀 ! 都唔知點解會咁呀,幾個月前去完日本旅行番黎又發曬出黎~而家睇緊中醫調理,暫時家中有最 ...

打皂方面, 你响呢度SEARCH下先啦, 我有新手配方的.

thank you 水母資訊~ 由細個開始我都有濕疹，但一直只限對腳~ 早幾年去九洲都冇事，就係去完東京番黎後就發出黎，連面，背隻都有
你平時有冇用咩護理呀? 我而家試緊嚴浩教既大麻籽油, 食同搽身都有，但成績暫時有待觀察~

另外，因家有頑皮貓 種唔到植物~(之前種貓草比佢食，淨係生左少少幼苗就比佢摧殘左LU)
想請問下可以去邊度搵有機到手香, 自己問過元朗既農場,暫時仲等緊回覆~
屯門個邊既有機種植店就因存貨不多，佢地要留番養植更多~
請問下九龍區或者邊D地方會易搵D呀?

f3110 發表於 2016-9-6 17:13
thank you 水母資訊~ 由細個開始我都有濕疹，但一直只限對腳~ 早幾年去九洲都冇事，就係去完東京番黎後就發 ...

呢度好多花友有種到手香的, 呢度係花網~ 哈哈~~ 你去上面的版面問人可否俾你苗啦~

到手香葉厚, 你的貓應該無興趣的, 至少我的貓無興趣. 我現在無種了, 如果唔係都可以摘D俾你種. 好粗生的.

我的護膚品全部自己造的. CREAM, LOTION, 洗面和沖涼都用皂. 啱啱今次個CREAM底就係用大麻籽油, 質感無咁好推, 但佢有大量OMEGA 6, 修補力很好, 保濕力也很好.

咦! 咁我都可以試下自己種
好呀~等我都慢慢轉用自己整既野先~ THANK YOU!