食蟲版の好友聊 [2016年4~5月]

powergun 發表於 2016-5-13 14:55
終於三讀通過財政預算案的撥款條例草案, 小市民有糧出啦

有咩糧出啊?!~ 我無留意呢~~

iluvuboyz 發表於 2016-5-13 14:58
無極啊我~~~~
要減少外出~~

呢度咁熱又唔開冷氣, 好辛苦架

powergun 發表於 2016-5-13 14:59
呢度咁熱又唔開冷氣, 好辛苦架

系屋企, 夜晚我都OK既, 只系下午熱D~~
返工就成日都有冷氣啦~~

iluvuboyz 發表於 2016-5-13 14:58
有咩糧出啊?!~ 我無留意呢~~

唔關我同你事的, 你爸媽就應有糧出的, 好似話公屋免租一兩個月, 綜緩同生果金出雙糧之類囉

iluvuboyz 發表於 2016-5-13 15:00
系屋企, 夜晚我都OK既, 只系下午熱D~~
返工就成日都有冷氣啦~~

係呀, 所以我想返工多d 的

新開班.....
有興趣的可以入去睇

植物驗屍班同學會 2016
http://hkplants.com/forum.php?mo ... 8&fromuid=83822
(出處: 香港園藝館)


(內容可能有驚嚇,有心臟病/高血壓花友,唔好入去睇呀)

Melb 發表於 2016-5-13 15:05
新開班.....
有興趣的可以入去睇

撞鬼咩, 開個咁既班

powergun 發表於 2016-5-13 15:08
撞鬼咩, 開個咁既班

各位午安

今日是北角碼頭巴士總站最後一日啦

有興趣的花友可以去影張相留念了

Melb 發表於 2016-5-13 15:05
新開班.....
有興趣的可以入去睇

會唔會用到 氣相色譜分析儀同電子顯微鏡!?

GOOD NIGHT 啦~

各位早晨, 今日大致多雲, 有幾陣驟雨, 初時沿岸有薄霧, 氣溫24至27度, 現時25度

今日係佛誕公眾假期, 外面天氣麻麻的, 大陰天但較涼的, 大家會唔會去長州睇飄色搶包山呢?

打工仔被「Chur爆」10大徵兆　你中咗幾多？

http://hk.on.cc/hk/bkn/cnt/finan ... 0511_00842_001.html

【on.cc東網專訊】 香港人生活忙碌急促，返工「朝9晚5」基本上是奢望，OT到天光更加唔係新鮮事。其實，你係咪已經被份工「透支」到盡？

外國傳媒引述一份大學研究報告指出，48%打工仔在過去5年曾因工作感到焦慮；31%覺得很難在工作與家庭中找到平衡；53%指工作令他們覺得過分疲倦。有人力資源報告更指，被份工「Chur爆」，往往就是辭工的最主要原因。

點樣先知係被「Chur爆」？最極端而又真實的例子就是有人在工作期間攰到猝死；又或者因過分疲倦而突然休克，令臉部伏低時被弄傷，又或硬物入眼，最後需縫針，這全是真實例子。

咁極端，當然無咁容易發生；不過一旦發生，就無可挽回。所以，以下同大家講講比較輕微、但已構成警號的10大徵狀。細心數數，你自己中咗幾多？如果有，你份工可能難撈到爆：

─ ─ ─ ─ ─
1、健康出現問題

健康不只是講身體表面，內心也要計埋！如果積勞成疾，令你背痛、沮喪、心臟病、過胖，或者時不時出現小病，你就要看看份工是否仍適合你！中國人有云「病由心生」，癌症在中醫角度來看又叫「鬱積症」，千萬不要將抑鬱變成疾病！

2、認知困難

有研究發現，壓力會令人的記憶力、決策能力、情感控制、集中力出現問題。當你發覺突然間犯下愚蠢錯誤、忘記重要事情、突然情緒失控、決策力變差，這就是被「Chur爆」迹象。

3、人際關係轉差

壓力會影響一個人的生活，尤其是人際關係，就算你在工作上頂得住壓力，回到家也可能變了「另一個人」，反而使家庭生活不好過。當你發現經常會有無謂爭吵，就要小心。

4、帶工作回家

工作歸工作，放工回家後就是私人時間，如果仍要工作，證明你已到了「工作狂」的階段，是個嚴重被「Chur爆」訊號。

5、疲倦到想死

當你有一日覺得就算晚上瞓得好好，但早上連起身都有難度、一日到黑咖啡不離身，又或者在工作時難以清醒，就要警覺已被「Chur爆」，生命無價，小心小心。

6、負面情緒主導

當你有日突然變得憤世嫉俗，經常覺得全世界欠咗你，甚至覺得自己人工好低，上司全部庸碌無能，總之所有事物都甚為負面，就是被「Chur爆」了。

7、滿足感下降

很多時推動努力工作的原動力是「滿足感」，一旦滿足感下跌，對你的工作必定有影響，也是你對現有工作壓力爆煲的重要訊號。

8、突然洩氣了

當你有日已突然把工作變成「渡蜜月」，即係突然hea做，主動性盡失，根本就不是原本「陽光」的你，這就是被「Chur爆」特徵，猶如一個洩氣的氣球。

9、表現不進反退

你要經常回顧自己的表現，例如1個月前是怎樣？6個月前呢？1年前呢？如果覺得自己的表現是不進反退，就要留心喇，份工或已把你「透支」，你要諗諗份工仲啱唔啱你做。

10、自控能力轉弱

學美國佬名曲「The Greatest Love of All」話齋，人生最偉大的愛就是愛自己，當有日你發覺自己的自我控制能力變差，甚至向平日覺得邪惡的「誘惑」低頭，例如食煙、酗酒、蒲吧等，這就要小心了。

─ ─ ─ ─ ─
好喇，上述徵兆，你如果中咗大部分，或10樣徵兆都中晒，除咗辭工外，就只有一個辦法解決問題，就是一定要做到「公還公，私還私」，放工、放假堅決唔好諗工作！

記住，唔好同自己講做唔到，你唔想辭工，一旦被份工「Chur爆」，工作效率大跌，最終可能都係「被」辭工，咁不如預早做好「防爆措施」。

Melb 發表於 2016-5-14 08:24
打工仔被「Chur爆」10大徵兆　你中咗幾多？

http://hk.on.cc/hk/bkn/cnt/finance/20160511/bkn-2016051111 ...

我無一樣中添

powergun 發表於 2016-5-14 11:17
我無一樣中添

你幸福LAW

同埋你是高屠

睇完去關心下屬吧

Melb 發表於 2016-5-14 11:35
你幸福LAW

同埋你是高屠

一人部門, 最高最低都係我, 份工算係唔錯的, 只是人工太低了

Melb 發表於 2016-5-14 08:24
打工仔被「Chur爆」10大徵兆　你中咗幾多？

http://hk.on.cc/hk/bkn/cnt/finance/20160511/bkn-2016051111 ...

唔去到盡,好難賺錢架,我以前在國內做生產指導,係要谷到有人想自殺先得

今日仁濟枝旗有眼的

VHFANT 發表於 2016-5-14 11:52
唔去到盡,好難賺錢架,我以前在國內做生產指導,係要谷到有人想自殺先得

是不是深圳富X康個件事呀?

咁死左人...要唔要負責架?

powergun 發表於 2016-5-14 11:40
一人部門, 最高最低都係我, 份工算係唔錯的, 只是人工太低了

有勢力的諸侯