原帖由 kim 於 2008-11-27 01:46 發表 ![](http://www.hkplants.com/images/common/back.gif)
做你家人,好幸福...
我覺得自己好似孤兒~
水母,千其唔好覺得似孤兒啊!最親嘅人離開左,但你應該知佢係一路睇住你、關心你呀!
SARS 個陣,人心惶惶,我同另外個 friend 都係冇親人係香港,有一日佢同我講,話好想番去溫哥華陪屋企人,但個邊都有 SARS 喎!我笑一笑唔識答,因為我諗緊自己.... 阿爸當時係北京,又係重災區,阿媽係多倫多,但佢有細佬陪,真係要我揀去搵佢地其中一個,我又應該去邊呢?
阿籬17歲就自己一個人生活啦!都慣左一個人鐘意點就點!
夜晚點過?我都算早放工啦! 7pm 番到屋企,當我買外賣食,7.30pm 都食完啦!開電腦入黎望下,然後又對住個電視!總之廣告時間就番黎吹水,其他時間就睇電視,好睇嘅就睇埋阿蘇至沖涼,otherwise 9pm 左右就沖架啦!上黎吹下水覆下帖,時間好快過,睇完夜間新聞我都眼訓囉!咁咪做灰姑娘去訓覺囉!
有時吹水屋冇人,咁我會睇下雜誌、執下相,同 friend msn 下,去 facebook send 下 gift ,睇下 d friend 有乜野 update 咁囉!一晚好快過架咋! |