Thailand Krabi 游潛記

今次遊泰國的客庇, 除了頭一天去程太晚及最後一天回程外, 天天都潛到水去.
水母主要只在Krabi 的 Ao Nang Beach 市集逗留, 因為那兒乜都平d, 價錢大眾化, 又多 local tour agent, 加上客庇去邊都幾乎只可以搭的士, 的士又唔多平, 所以水母建議. 要合乎低成本高效益的原則, 就要留在 Ao Nang Bay.
雖然只是浮潛 (水母一口氣已潛到五六米深了), 但也欣賞到不少美麗的珊瑚和魚魚, 加上客庇大地的獨特山色, 有如桂林, 可泰國人愛大自然的文化, 使這個客庇更富自然美, 實在令水母一去再去, 印象難忘.

由於今次回程時遇到百年難得一遇的泰國政亂, 關了客庇機場, 使得本來訂了的內陸機票也沒法用, 只好搭長途車回曼谷趕國際航班回港. 然而因為這個機原, 水母才知道原來搭泰國的長途車是很容易, 又平 (還要平過上廣州的車費), 車廂也很舒適, 晚程還包晚飯, 又一令水母由心笑出來的好回憶.

水母的游潛記:
第一天在曼谷轉搭內陸機到客庇.
無乜特別, 最特別都係在機場吃的 brownie ice cream mix !


到客庇機場已是晚間, 記得客庇的士是由幾間的士公司攏斷的, 去到最旺Ao Nang 都要 Baht 600, 記得搭第一程後, 你可以問番載你的司機有無私人的士服務, 很多司機都唔想俾的士公司拿 agent's fee, 通常你可以同佢地講價講到B400, 之後佢地可以日日來車你, 平好多架.

第一天一早就去 Phi Phi Island tour,
今次用了個最平的B1100 的 J. Speed tour, 唉~ 真係平野無好, 一船一車坐爆人, 好唔安全, 而且景點比平常的tour少和只得二次淨潛, 大家千萬別貪平啊!
Tour 內容唔講咁多, 主要講水中的世界的質素. Phi Phi大致可以接受, 最美的是Bamboo Island, 珊瑚品種較多又原整, 魚的數量和物種也算可以.

第二天晚上跟另一個 tour agent 相量了一會, 算了一個釣魚加浮潛 by longtail boat 的 day tour, 今次這個 tour agent 好好多, 所以我加了它的 info 在這兒 for reference :
Anna Universal Travel
Address: 32/2, T. Ao Nang, Krabi 81000, Thailand.
Email : [email protected]

第三天 - 釣魚加浮潛 by longtail boat 1 day tour
今次是一條 longtail boat 兩個人加一個船家.
船家雖然唔識講英文, 但佢好友善又好'聽話', 基本上我地話去邊, 佢就去邊, 我地想釣幾耐魚佢就由得我地, 又教我地玩拖釣, 跟住我地就釣到條好大既魚喇, 好開心架.
釣呢條大魚真係少d力氣唔唔掂, 好彩有個男丁幫手, 用最原始既方法釣佢上來, 就係右手加左手咁拖拖拉拉咁釣條魚上來, 釣到呢位男丁手都軟晒, 咁辛苦, 抵大家有大魚吃, 真係唔該晒啊~
釣飽魚後, 我地就開始指點個魚家去浮潛, 魚家就帶我地去一些小石島岸邊讓我地自由潛泳. 由於這些海域並不是當旺的 day tour 遊點, 所以那兒的珊瑚更美, 有的魚都較特別.
可是真的要好小心行事, 因為海中只有水母和男丁二人, 千萬不要選石島吃風的一方, 那兒很大浪, 也不要游得太近岸, 因為浪一拍來, 人就容易撞向石而失去知覺, 加上水較深, 真的要萬事小心.

這些就是 longtail boat






釣魚用具


大魚上釣, 用力拉呀~!!!




釣完大魚, 準備下水喇~


blue sky blue sea






六米下的手指珊瑚, 可知佢地係怕熱一族


六米下的海柳










好巨型既巨人clam






晚飯~ 一魚三味, 實在吃唔晒~ 呵呵~~

好眼訓... 明日再講下半集.

nice photo, post more

好正呀水母, 條神像 好 sharp!

原帖由 kim 於 2008-9-4 00:06 發表
今次遊泰國的客庇, 除了頭一天去程太晚及最後一天回程外, 天天都潛到水去.
水母主要只在Krabi 的 Ao Nang Beach 市集逗留, 因為那兒乜都平d, 價錢大眾化, 又多 local tour agent, 加上客庇去邊都幾乎只可以搭的士,  ...

好靚呀﹗請問.........................如果2個女仔想去果度自由行安唔安全呀？

[ 本帖最後由 nuage 於 2008-9-4 01:31 編輯 ]

海底世界真美！

原帖由 nuage 於 2008-9-4 01:30 發表


好靚呀﹗請問.........................如果2個女仔想去果度自由行安唔安全呀？

好安全, 個人覺得仲安全過番大陸.
泰國人好nice, 好幫得手, 又乾淨, 女的很溫柔, 男的很司文.
去 Krabi , 你會發現一個內地遊客都碰不到, 絶大部份是北歐人, 想識鬼仔的話, 這兒絶對是佳選~~

原帖由 lameric 於 2008-9-4 01:19 發表
好正呀水母, 條神像 好 sharp!

個度D 神像多到水母一路望一路流口水, 有大有細, 個頂'其'又長又靚, 條條肥美神像在水母四周穿插, 哈.....  好想番去探佢地呀~

原帖由 kim 於 2008-9-4 09:13 發表

好安全, 個人覺得仲安全過番大陸.
泰國人好nice, 好幫得手, 又乾淨, 女的很溫柔, 男的很司文.
去 Krabi , 你會發現一個內地遊客都碰不到, 絶大部份是北歐人, 想識鬼仔的話, 這兒絶對是佳選~~ ...

唔該哂﹗今年我諗同家姐去旅行﹗(不過佢無咁多假)所以諗住去近d﹗

原帖由 nuage 於 2008-9-4 14:39 發表


唔該哂﹗今年我諗同家姐去旅行﹗(不過佢無咁多假)所以諗住去近d﹗

你要 further info 就pm 我啦~

唔該哂﹗

水母, 你咁鍾意浮潛, 點解唔玩埋水肺呀 ?

唔會游水可否玩浮潛？好似有救生衣穿。

原帖由 卓男媽 於 2008-9-4 15:36 發表
水母, 你咁鍾意浮潛, 點解唔玩埋水肺呀 ?

水肺即係乜呀?　我只係有 open water scuba diving licence , 但身邊的熟朋友都無牌，所以我都係可以浮潛．
唔熟游水都可以考牌，不過為自己安全起見，最好都係識游水先啦．

偷得浮生半日閒....
好寫意.........第日我一定要去悠閒乍吓

水底攝影! 犀利呀! 有機會要試下先!

原帖由 kim 於 2008-9-4 18:47 發表

水肺即係乜呀?　我只係有 open water scuba diving licence , 但身邊的熟朋友都無牌，所以我都係可以浮潛．
唔熟游水都可以考牌，不過為自己安全起見，最好都係識游水先啦． ...

即係  scuba diving 囉, 我都好耐冇去過潛水了, 對上復活節一家人去浮羅交怡, 抽了一天時間去了浮羅交怡最大的水上平台, 家人就玩浮潛, 我同蝦子餅就潛水, 可能地點都係浮潛附近, 得 d 魚毛仔, 珊瑚又唔多, 好失望

續前文提要：
要提一提是第三天晚上回 Ao Nang Bay 市集，問當地人介紹有乜地道泰國菜館，
跟住佢地就介紹左呢個在露天餐廳俾我地，
呢個泰國菜館就在Ao Nang地圖左方Beach Terrace Hotel 左對面．
又平又好吃，把我地釣的大魚用三種煮法：烝，BBQ，和冬陰功演繹，沒有味精又能夠以不同味道發揮'鮮'的美味，實在很想一試再試～～

[ 本帖最後由 kim 於 2008-9-5 12:32 編輯 ]

原帖由 kim 於 2008-9-5 11:49 發表
續前文提要：
要提一提是第三天晚上回 Ao Nang Bay 市集，問當地人介紹有乜地道泰國菜館，
跟住佢地就介紹左呢個在露天餐廳俾我地，
呢個泰國菜館就在Ao Nang地圖左方Beach Terrace Hotel 左對面．
又平又好吃，把我地釣的大魚用 ...

越睇越肚餓