老公仔的種肉生涯

阿唯小Ken 發表於 2017-4-5 18:52
入口生物進澳洲，好難的，連蟲都難！
木材用貨櫃進口都要徹底貨櫃+貨㓕蟲+蛋，否則好大穫地原櫃返去！
其 ...

唔係好合邏輯的, 唔通真係要碌光豬比佢驗屍咁驗?

阿唯小Ken 發表於 2017-4-5 20:33
師兄好鬼厲害的....我老婆做船公司的(即貨櫃)

哪間？
青兜？孖窿？馬仔？鷹嘜？中遠？中海？三角嘜？鱷魚仔？K-line？CMA？

powergun 發表於 2017-4-5 20:36
唔係好合邏輯的, 唔通真係要碌光豬比佢驗屍咁驗?

唔知, 無係現場喎~
不過佢地係講到好大陣象的, 確有貨櫃原櫃運回去蝕好多錢...
同埋人地(澳洲佬)唔會驗屍啦, 一有懷疑就"sorry, 唔該你囉番去"....
上次johnny depp都大鑊啦, 兩隻狗差d要人道毀滅, 咁大既明星, 兩公婆最後要公開錄影道歉....
單新聞係大陸好大陣象咁報導, 連大陸人都識話"澳洲的入境規則很嚴格", 確係唔簡單

大陸新聞貼出來的(已auto轉繁睇字, 所以個"鬆"字係轉錯的):
"船長Johnny Depp親身示範，澳洲的入境規則很嚴格！

一般情況下澳洲海關對海外遊客入關檢查相對松一些，常用口頭報關，檢查人員問：「Anything to declare?(有任何東西申報嗎)」，如果沒有物品申報，就回答：「No,sir(沒有)」。
但是如果帶有必須申報的物品而沒有申報，處罰是非常嚴厲的。含肉類的食品(無論什麼包裝)，植物種子，蛋類，動植物都是嚴禁帶入澳洲的。
各類食物、植物、動物或動植物的任何部分、泥土（包含有泥土的物件）等物品，也是禁止帶入的。
禁止攜帶的食物類包括除新西蘭產的牛奶製品以外的任何乳製品和蛋製品（包括再常見不過的蛋黃派和蛋餡的月餅）以及蔬菜水果等各種新鮮食品。"

阿唯小Ken 發表於 2017-4-5 21:05
唔知, 無係現場喎~
不過佢地係講到好大陣象的, 確有貨櫃原櫃運回去蝕好多錢...
同埋人地(澳洲佬)唔會驗屍 ...

即係所有旅客出外旅行都唔准帶當地手信回去?

老公仔 發表於 2017-4-5 20:44
哪間？
青兜？孖窿？馬仔？鷹嘜？中遠？中海？三角嘜？鱷魚仔？K-line？CMA？ ...

師兄, 我自己既就話者, 唔可以代答喎~
你呢d代號, 睇怕要交番俾佢先識睇勒
你真係好熟咁喎~

阿唯小Ken 發表於 2017-4-5 21:21
師兄, 我自己既就話者, 唔可以代答喎~
你呢d代號, 睇怕要交番俾佢先識睇勒
...

暗號嚟，你畀阿嫂睇就明白了！唔駛答我！

其實都唔係好熟，通識嘛，樣樣知少少。

powergun 發表於 2017-4-5 21:18
即係所有旅客出外旅行都唔准帶當地手信回去?

入境, 主要係講入境, 佢地既諗法係想保護當地物種, 例如你帶左粒好鬼粗生既植物種子入去, 就會令到當地弱既物種, 唔夠爭/搵食, 頻危甚至絕種勒!(強調: "佢地"認為會)

佢地諗法係, 澳洲大陸本來是與世界格絕的, 本來其他大陸既物種威脅唔到當地物種, and佢地認為其他大陸的陸上生物經海路"漂"到澳洲而又生存既機會係零....

咁人地 local既諗法又應該尊重下既~ 入鄉隨俗嘛~ 如果唔係我地咪又好似d人地咁變成蝗蟲?

阿唯小Ken 發表於 2017-4-5 21:33
入境, 主要係講入境, 佢地既諗法係想保護當地物種, 例如你帶左粒好鬼粗生既植物種子入去, 就會令到當地弱 ...

澳洲佬想法好K型, 如果係咁就應連人都唔可以入去, 大自然自有定律, 全球物種不嬲都大兜亂架啦, 雀仔係第個洲食左d 種子, 飛到去澳洲至呵返出黎, 咁就已可以繁殖到, 邊可能禁到

powergun 發表於 2017-4-5 21:51
澳洲佬想法好K型, 如果係咁就應連人都唔可以入去, 大自然自有定律, 全球物種不嬲都大兜亂架啦, 雀仔係第 ...

no comment 不作評論

9/4 更新:

秋冬的日照時間減少了，太陽的軌跡亦向北移動，直射北回歸線，所以全屋能照到太陽的地方不多，若要為肉肉爭取更多的日照時間，就要想盡辦法了！

在種肉生涯裡，差不多時時刻刻都要計算著哪款肉在哪個季節需要多少日照，然後就要因應環境作出調動，擺放在最適合的位置。周而復始，計算再計算，搬動再搬動！

老公仔 發表於 2017-4-9 21:20
9/4 更新:

秋冬的日照時間減少了，太陽的軌跡亦向北移動，直射北回歸線，所以全屋能照到太陽的地方不多， ...

同感。一到轉季的日子肉肉就要搬家。
最近我都開始整理有關手上肉肉需要的陽光和澆水量的資料。不過發現資料間有參差，相當令人頭痛的。熊童子和白美人為例，夏種型和冬種型都有人說。連山地玫瑰也有資料說她是夏種型。。。有時候覺得越四處找資料，越被資訊帶著走。。。 還是自己努力做觀察最可靠。。。

借個位置又想問問 (我認我很麻煩的一直問。別打我>.<)
大師兄是怎樣計算肉肉需要多少日照的?

ShiningKath 發表於 2017-4-9 23:34
借個位置又想問問 (我認我很麻煩的一直問。別打我>.

是經過長時間的觀察，探索及實踐，從而了解肉肉的生長習性而得出的實際數據。

好羨慕呀咁大地方種野

Orchid4321 發表於 2017-4-13 10:27
好羨慕呀咁大地方種野

只要讀書時用功讀書，工作時努力工作，當機會一到就要好好把握，住更大的地方也可以，所以不用羨慕，努力一點，你也做得到的！

老公仔 發表於 2017-4-2 20:24
坐標開恩斯應該好適合種肉，夏季平均24度，冬季平均17度。

我這邊夏季超過40度，冬季低於10度，種肉難啊 ...

我住既鎮係附近但並唔係凱恩斯,
話雖如此,凱恩斯夏天並無咁涼快氣候反而似香港又濕又熱焗,冬天又凍唔到去邊

而我住呢邊比較似公仔大你果邊,夏天又乾又熱可以到38度,冬天又得果5度
重點,1年得2個月零雨.......夏天真係冇咩野生得到

powergun 發表於 2017-4-5 21:51
澳洲佬想法好K型, 如果係咁就應連人都唔可以入去, 大自然自有定律, 全球物種不嬲都大兜亂架啦, 雀仔係第 ...

如果可以的話真係連人都唔應該入的(得返原住民
但澳洲大陸同紐西蘭因為大陸板塊好早就脫離出去,當地生態演化相當封閉,同其他大陸相差好多的(例如澳洲既有袋物種)(紐西蘭係人類踏足前冇任何比老鼠大既哺乳類動物)
係外國好普通既雜草/動物好容易就會造成當地物種既滅絕,所以真係有必要做檢疫的

澳洲好出名既外來物種導致本地物種危機既例子就係當年北昆士蘭引進海蟾蜍以減少甘蔗田蟲害。
結果因為無天敵(當地物種無免疫佢毒素的)又大食,依家澳州東岸線已被佔據,密度為原產地50-200倍(wiki)
佢又口大吃四方(狗粮都搶),已經好多蛇阿蛙阿就俾佢食到就絕種

另一個例子就係川七(藤三七),生長快速而且繁殖太易,成片成片既雨林被纏死,清除非常困難,只要有一小塊零餘子/塊莖留漏低左好快又捲土重來,所以澳洲對於外來物種十分慬慎。


話說當年我係紐西蘭旅遊,然後個巴士司機介紹風景時講左句
依家你地眼見既景色入面98%都唔係紐西蘭既物種
聽到當下既感覺真係......唏噓

morning 發表於 2017-4-13 20:47
我住既鎮係附近但並唔係凱恩斯,
話雖如此,凱恩斯夏天並無咁涼快氣候反而似香港又濕又熱焗,冬天又凍唔到去 ...

魔玲姐好，有的，夏天種仙人掌最好，其他種乜死乜！

morning 發表於 2017-4-13 21:24
如果可以的話真係連人都唔應該入的(得返原住民
但澳洲大陸同紐西蘭因為大陸板塊好早就脫離 ...

咁即係話澳洲自然生態遲早玩完, 反而依家係因人類至可以令當地生態得以保存

老公仔 發表於 2017-4-13 21:30
魔玲姐好，有的，夏天種仙人掌最好，其他種乜死乜！

你個d 景天種到成棵樹咁喎