奶皂製作

加奶入皂, 其實好EASY. 主要為以下方法.

1. 半水半奶
即係溶鈉的液一半為水一半是奶, 容易操作, 出來的皂色比較白.
先用水冰溶NaOH, 待鈉全溶後, 再加入雪冰的奶, 然後攪至全溶, 其間要留意溫度不能高於40度.

2. 奶粉作為添加物
也很簡單, 照用水溶鈉, 打皂到LT時加入適量奶粉, 攪溶便可. 如果驚攪唔溶奶粉, 可事先扣起部份溶鈉的水量, 用來溶奶粉. 好處係易操作, 但如果要渲染或再加其他添加物就要比較小心操作了, 而且這方法沒可能作人奶皂呢.

3. 全奶溶鈉
這是我常用方法, 奶溶鈉打皂出來的皂洗感是有不同的, 皂面比較用奶粉軟滑, 色澤一般為拖肥色. 有說這樣可保留最多的乳脂和營養在皂內, 當然我無測試過, 大家可自行FEEL下洗感, 根據喜好選擇造法~
全奶溶鈉時, 因鈉會升溫燒焦奶, 造出來的皂會很黃和奶脂會焦, 似乎沒幫助優化洗感. 為了不要焦奶, 有以下方法:


先量好要溶的奶量雪成奶冰, 我比較懶, 用計算機計好700-800G油的2.5倍水量通常是一包250CC的牛奶, 我會把成包奶入冰格備用, 衛生又無乜事前準備.

打皂量油前, 先放奶冰入杯, 再放鈉. 我習慣把鈉放在冰的側邊, 然後用攪轉個奶冰, 鈉粒因冰推動研磨, 既不會令鈉黏底結塊, 又不會令鈉水急速升溫焦奶.
一般十分鐘左右攪溶了.


夏天時, 或如果手摸到個杯有升溫狀況, 就要用冰水或放在乾冰上座住攪, 免得升溫過高焦奶.


這就是奶皂喇, 原色不會很白了, 但也沒有黃.

支持支持

好清楚!! =)

我上次用冰溶鈉時, 先放大舊冰落膠杯, 之後倒鈉, 點知落個陣可能落正下方, 之後舊冰係溶到"倒轉的U字", 又未溶哂D 鈉, 但兩邊冰腳又企硬@@

請問用第3個方法, d鈉可以一次個倒入定係要分開多次放呢?

我平時都有分開落.
但有一次落到一半巳經融曬d冰, 可能係坐奶嘅冰唔夠
最近嗰次放咗塊大冰磗, 咁就可以keep住塊奶冰到最後

同埋水母你塊拉花奶皂白好多,  高手即係高手~

其實落奶會吾會令皂快D變壞？

cmchang 發表於 2015-7-30 13:49
請問用第3個方法, d鈉可以一次個倒入定係要分開多次放呢?

D鈉可以分次放入, 但我話我呢個係懶人法, 大舊奶冰, 全放入鈉後, 要用支攪打圈不停推舊冰, 溶到咁上下再座住冰水攪, OK奶無焦呀~

水母, 我分別用了你教的方法1&3做奶皂, 果然方法1的皂較白, 但皂體內明顯有一點點奶脂
有點似椰汁西米糕呢

因為Sumbie俾嘅BB奶粉, 我嘅奶皂實驗得以繼續…


以上塊皆用奶粉製作, 因為本想用玩色粉, 所以決定取部份水溶粉, 過濾後再倒入鈉水中

#11 (左上)
鈉水已降至25度, 加奶時發現溫度飆升10多度

#12 (左下)
有了上次經驗, 決定分多次入奶, 但係升一樣升溫, 可能自己太沒耐性, 仍最高升至40度

#13 (右)
今次鈉水加奶一直保持續在20-25度, 除咗要坐重冰, 重要逐少逐少慢慢加奶
攪拌過程中一直發微熱, 入模溫度有38度

如果做純色奶皂, 顏色深淺當然冇所謂, 但因為想玩色粉, 皂身當然白d會顯色d, 所以好滿意#13嘅效果, 但係真係要好花時間囉

另外亦有試 LT 後篩入奶粉, 估計明天出模, 遲些再出報告

你好有實驗精神呀～13號皂嘅顔色好靚，皂身白少少，做色會好好多。我前排整咗塊全奶皂係諗住凍天氣用，唔知半奶半水嘅洗感又會係點嘅呢，我都遲啲試下先～

請問用半奶半水入皂，幾耐可以出模？

Woodstock 發表於 2015-8-24 08:42
請問用半奶半水入皂，幾耐可以出模？

Woodstock, 上次做慨半奶半水(方1)24小時後可脫模,
但係因為我用豆漿盒, 所以有放冰格助脫模, 否則我估要多放1-2天

Woodstock 發表於 2015-8-24 08:42
請問用半奶半水入皂，幾耐可以出模？

無有特定, 一看配方和天氣.

我上星期六做左紫草浸泡油乳皂(全乳), 成色都較為奶白, 不雖然等左4日先脫模, 但係脫起上黎有D困難, 底部角位仲未夠硬, 加上我份量少(成皂重量大約200G), 要推佢出黎真係一D都唔易呀, 推到D又推唔到D, 搞到個面烈烈地

1. cmchang 咁個紫草色係點架? 好心急呀~ 我都有紫草油, 不過未玩過, 佢哋仲排緊隊.

複製代碼

哎呀, 我講錯左, 比我推烈左個舊係甘菊浸泡油, 係18號個晚整, 上星期六脫模, 個油係響年頭浸到宜家。另外同日就整左紫草全乳, 我好驚會脫爛, 所以唔敢郁佢住...

有結果喇~
LT 時才篩入奶粉(左)
奶粉開水後逐少入鈉水(右), 見9樓


估計係奶粉入模後皂化過程中的升溫引致皂色轉深

Woodstock 發表於 2015-8-24 12:00
我上星期六做左紫草浸泡油乳皂(全乳), 成色都較為奶白, 不雖然等左4日先脫模, 但係脫起上黎有D困難, 底部角 ...

這個皂的油有50%是紫草浸泡橄欖油, 深色到不得了喎~




同場加影之前做的心心乳皂, 深紅色為紅檀粉.

cmchang
請問個心心嘅淺紫係咪都係用紅檀粉架?  發表於 22 分鐘前
----------
只有紅檀粉和白云母粉. 先倒紅檀, 再在紅檀上倒下較白的白云母. 再拉花, 就是這樣.

jellyfishy 發表於 2015-8-24 14:08
這個皂的油有50%是紫草浸泡橄欖油, 深色到不得了喎~

我隻入鹼水後嘅皂色係好深好深嘅紫藍色, 紫草油部分當中成份有75%為紫草浸油, 余下25%為EV橄欖油。點解我同你隻色會咁大分別嘅? 我今晚返去影相上黎丫~

另外我見到心心皂係紫色架, 我都有紅檀木粉, 粉係淺磚紅, 但入皂後出黎效果帶少少灰楬色, 同紅扯唔上關係呀…你整出黎嘅效果好靚丫~

cmchang 發表於 2015-8-24 13:50
有結果喇~
LT 時才篩入奶粉(左)
奶粉開水後逐少入鈉水(右), 見9樓

所以個竅門係分次倒入同坐冰!!