洛神花

victory:

因上次自留未能發芽，花墟只得一間出售，可惜又未能發芽! 所以請問各位有無洛神種子出讓? 謝謝

qcchan1 發表於 2015-5-6 08:38
因上次自留未能發芽，花墟只得一間出售，可惜又未能發芽! 所以請問各位有無洛神種子出讓? 謝謝 ...

請問間野大約咩位置?

系校服店有穖專門店之間， Ｄ洛神種子無品牌系散庄的， 一粒都出唔到芽呀！你還要去……

我盆洛神花仍健在，由於佢生長到兩米高，頂到上天花板，已幫它進行摘心工作，保留大概一米高，室內種。

不過觀察咗佢幾個月，佢都不能夠分枝，佢只懂標高。由於我要控制佢在一米內，所以佢一高，我就要剪，來來回回已剪了3-4次。

佢除了不願分枝，我暫時亦未見佢有花朵。。。

你知啦，無花即係無果實，咁我咪無得食囉？？

唔知點先可以幫佢自然分枝呢，花朵又如何谷呢。

最近在街市已開始見到有已乾既洛神花果子賣，原來要＄４０蚊斤幾貴，有好多Ｃ９搶住買添～

而且，我媽因見我盆洛神花下部分葉子發黃(唔知係咪佢要標高關係,扯晒D營養上去,下面不夠營養)，若唔理D黃葉佢會慢慢變乾, 我媽就加了幾滴化學營養劑佢, 哎... 依家可能連葉都無得食添!!

ecchan 發表於 2015-8-18 16:55
我盆洛神花仍健在，由於佢生長到兩米高，頂到上天花板，已幫它進行摘心工作，保留大概一米高 ...

原來可以係室內種架?

我係誤種咋, 當時並不知道是洛神花種子...

所以當時向前輩請教.

kimmykfchan 發表於 2015-4-29 16:15
你好, 我上年都有種, 唔難種但幾大棵. 我寫咗篇blog. 有興趣可以交流吓.

洛神花 ...

請問你親戚的洛神花苗是否由種子種的！
謝謝！

南瓜仔 發表於 2015-8-20 21:33
請問你親戚的洛神花苗是否由種子種的！
謝謝！

係呀

今年我都攞咗棵番嚟種, 已定植兩個月, 到腰咁高.

kimmykfchan 發表於 2015-8-21 09:34
係呀

今年我都攞咗棵番嚟種, 已定植兩個月, 到腰咁高.

明年要問你買樹苗先！
THANKS!

ecchan 發表於 2015-8-18 16:55
我盆洛神花仍健在，由於佢生長到兩米高，頂到上天花板，已幫它進行摘心工作，保留大概一米高 ...

你唔一早摘心，佢係會不停向上及冇乜技，因我舊年係咁，同埋好似出花果陣係冇咁熱(九月)，我室外，冇乜比肥都有花開到11月，有時都有D黃咗，我剪咗佢。你等遲D會見到街市平賣，而家少咪貴D，舊年好似$12-20。

請教一下, 我今年第一次種洛神花, 現在看到一些花芽, 請問是否等開完花才剪? 我搞不清楚是開花前還是開花後剪?

我棵已出花冧, 上年同今年種嘅都無摘心, 但今年哩棵比較橫生.

謝謝 m36252 !

上年在大埔同旺角街市買左幾斤洛神花晒乾沖水，留起些種子玩過用紙巾做底加水一日就發芽，果然系好強勢既植物

ecchan 發表於 2015-8-18 16:55
我盆洛神花仍健在，由於佢生長到兩米高，頂到上天花板，已幫它進行摘心工作，保留大概一米高 ...

最近同事比左兩棵洛神花苗我地, 都有1米高架啦, 佢比左我地既原因係佢只可以用盆種. 有朋友同佢講, 盆種會開唔到花, 唔知真唔真.

我地拎左返屋企之後, 因為未揾到地方落地種, 而家都只係用盆, 我估要快手D落地先得啦 (雖然苗既樣非常健康)

zaba 發表於 2015-9-10 09:31
最近同事比左兩棵洛神花苗我地, 都有1米高架啦, 佢比左我地既原因係佢只可以用盆種. 有朋友同佢講, 盆種 ...

我既洛神花因為地方問題，最後仍是用盆種靠窗邊種。。。

養到今日，佢終於要歸西喇，一直只生葉和標高，無花無果收場。。。

所以，我相信一定要戶外落地 lu.......

ecchan 發表於 2015-12-22 17:53
我既洛神花因為地方問題，最後仍是用盆種靠窗邊種。。。

養到今日，佢終於要歸西喇，一直只生葉和標高， ...

又唔一定喎
用大盆種, 只要肥足, 窗邊光照夠, 都有機會有花結果

唔好放棄, 下年再種過...

今年種嗰棵十月中已收, 又寫咗篇blog
洛神花第二擊

只好等明年了。。。大家明年再接再勵咯！