毛瓜/節瓜成長 (2007/9/23 收割了兩隻節瓜 更新 #26)

落種子剛兩個月 今早模樣 , 發覺棚架有點單簡 .



晏一點買多幾支竹回來. 再搭 : (可能分別唔算太大 )



前幾天開始發覺有幾個花lum. 今早已開第一朵花. 但是我是常見網友說公花或母花, 但我唔知那一種受粉後可以變成瓜呢. 同埋怎樣分辨公或母花呢,  大家可否指點一下. 因為本人是新手種植瓜菜類. 也是在家中玩玩而已. 好似以下一已開的花. 是公還是母. 能否成瓜呢. (多多指教)




另外又說要摘心. 我其實又不太肯定那個位置需要摘去 .

講下本人的種植方法. 大家不妨比下意見. 待我有助改善.

落種後 , 約六七塊葉後. 我便開始落肥. 而開花前每一兩個week我便追肥一次.

主要落既肥料為, 花生full+骨粉 , 蛋殼粉 , 茶葉. 米水等等

現在開始開花.  我是不是需要追肥更密呢. 例如一week落一次還是怎樣可以令日後既瓜更肥美呢. 還有. 如果開始見倒瓜的出現. 我仍然keep住落肥. 是嗎?

感謝 ~

[ 本帖最後由 sandy 於 2007-9-23 18:32 編輯 ]

sandy

你可以去第2頁既  節瓜成長的過程睇睇(節瓜又名毛瓜)

NO4個張係公花黎~~

如果花對下有個瓜形既係母花,日後會形成瓜瓜架

係開花結果其間 Keep 住落肥會肥美好多

Sandy....通常我等棵瓜起瓜仔先落肥，因為過早落肥會令到棵瓜一味長苗，唔長瓜。有人話要摘心，不過我從來都唔摘心，我淨係摘側芽，因為側芽太多會令到棵瓜弱喲，雖然側芽都會起瓜，但係佢起的瓜偏細，有時會黄咗添。當棵瓜起瓜仔時，我通常兩個星期落一次肥，喺有機堆肥，啲瓜大啲就每一星期追一次肥，到啲瓜大定之後就唔再追肥。妳睇吓"節瓜成長的過程"就睇到我嘅成績喇。努力吖！

原帖由 伯爺婆 於 2007-9-3 21:02 發表
Sandy....通常我等棵瓜起瓜仔先落肥，因為過早落肥會令到棵瓜一味長苗，唔長瓜。有人話要摘心，不過我從來都唔摘心，我淨係摘側芽，因為側芽太多會令到棵瓜弱喲，雖然側芽都會起瓜，但係佢起的瓜偏細，有時會黄咗添。當棵瓜起瓜仔時， ...

Hello 伯爺婆 , 我就係睇左你果d瓜好勁肥美同好正呀. 所以才問下. 係啦. 側芽我都唔sure係邊個位置叫側芽. 每一塊葉果個丫住都有一個lum. 但我又唔sure邊d係側芽.  我會努力架la. 今次只種左一棵.  唔知一棵可以有幾多條瓜呢 唔通只有一條收成 或且一條都冇

我之前其實已經read左你果篇既收成篇架啦. 你種d野好靚. 仲有d花都好靚

香港天氣真係太熱 . 唔可以種到你果d咁靚.

[ 本帖最後由 sandy 於 2007-9-3 22:21 編輯 ]

原帖由 sandy 於 2007-9-3 22:14 發表


Hello 伯爺婆 , 我就係睇左你果d瓜好勁肥美同好正呀. 所以才問下. 係啦. 側芽我都唔sure係邊個位置叫側芽. 每一塊葉果個丫住都有一個lum. 但我又唔sure邊d係側芽.  我會努力架la. 今次只種左一棵.  唔知一棵可以有 ...

Sandy....側芽就係响塊葉側生出嚟嘅小苗，如果妳唔準備好似我咁長老瓜嘅話，妳可以由得佢，側芽都會有瓜架，不過唔會好大個瓜。一棵瓜唔止出一個瓜，不過如果棵瓜起幾個瓜嘅話，啲瓜就會細個啲囉。希望妳有好收成！

我會努力架la. 如果有收成或有瓜出. 我會update相比大家睇

又生得長左好多la.



呢朵唔知係咪母花呢 , 我覺似似地 . 成棵依家有成十個八個lum . 但係暫時得一個母花既lum. 希望日後會更多.  其實咁多朵都係公花. 有d開左有d未開. 既然佢都結唔成果. 咁我駛唔駛快d剪晒佢. 唔好比佢搶晒d肥呢 ?



多多指教

原帖由 sandy 於 2007-9-7 14:27 發表
又生得長左好多la.



呢朵唔知係咪母花呢 , 我覺似似地 . 成棵依家有成十個八個lum . 但係暫時得一個母花既lum. 希望日後會更多.  其實咁多 ...

喺啦，呢朵係母花，妳唔洗剪啲公花架，佢開咗後自然會落，唔洗理佢，遲啲妳就有節瓜食啦。

明白啦. 今天旁晚又發現多一粒公花. 很開心. 相信一路會更多呢. 努力 !

開始好多母花了. 今朝又發覺多左幾個瓜lum . 嘻嘻. 等成功長大. 再post相.

原帖由 sandy 於 2007-9-8 12:25 發表
開始好多母花了. 今朝又發覺多左幾個瓜lum . 嘻嘻. 等成功長大. 再post相.

恭喜妳呀！要開始追肥啦，不過唔好咁重手住喎。

今日已落左花生full+骨粉. 應該唔會重手得制呱.

最新相片. 已有兩隻瓜仔了.  另外仲有好多節瓜bb出緊. 呢兩隻應該可以繼續長大呱   呢排一個week追肥一次. 剛過去的星期已落了咖啡渣   發覺瓜仔真係大得好快. 昨天與今天的體積已不同.





[ 本帖最後由 sandy 於 2007-9-18 16:11 編輯 ]

原帖由 sandy 於 2007-9-18 16:08 發表
最新相片. 已有兩隻瓜仔了.  另外仲有好多節瓜bb出緊. 呢兩隻應該可以繼續長大呱   呢排一個week追肥一次. 剛過去的星期已落了咖啡渣   發覺瓜仔真係大得好快. 昨天與今天的體積已不同.

http://i71.photobucket ...

好開心啦Sandy，呢兩個瓜生得咁四正應該會大得好快，通常生得畸型嗰啲瓜就大得好慢，繼績努力。

原帖由 sandy 於 2007-9-18 16:08 發表
最新相片. 已有兩隻瓜仔了.  另外仲有好多節瓜bb出緊. 呢兩隻應該可以繼續長大呱   呢排一個week追肥一次. 剛過去的星期已落了咖啡渣   發覺瓜仔真係大得好快. 昨天與今天的體積已不同.

http://i71.photobucket ...

正!!!!!!有節瓜食!!開餐囉

過左兩日. 又大隻左好多. 估唔到生長得咁快. 不過. 有兩三個bb lum 結唔倒果. 唔知呢棵係咪只能結兩隻瓜呢. 其他都冇力再生





己經生得好mou盛了


[ 本帖最後由 sandy 於 2007-9-20 16:02 編輯 ]

原帖由 sandy 於 2007-9-20 16:00 發表
過左兩日. 又大隻左好多. 估唔到生長得咁快. 不過. 有兩三個bb lum 結唔倒果. 唔知呢棵係咪只能結兩隻瓜呢. 其他都冇力再生



http://i71.phot ...

唔錯喎Sandy ，如果妳任呢兩個瓜繼續長呢佢會生得好大架，會好似我嗰啲咁，不過新起嗰啲瓜仔就多數都會黄咗，因為呢兩個瓜吸哂啲營養嘛。如果妳等呢兩個瓜大啲割咗嚟食嘅話，佢就會繼續出瓜仔喇。不過最緊要睇氣侯，如果天氣開始涼嘅話，就冇乜機會起新瓜仔喇。節瓜鍾意好天同埋好熱嘅氣溫，依家香港嘅天氣轉涼未呢？

依家日頭都仲好晒. 早晚都開始涼了. 唔怪得知. 其他瓜b 都起唔倒. 我都有追肥. 原來都唔夠比d b長瓜架.  起左一陣便變黃甩埋. 咁我決定又得呢兩隻長落去la. 因為天氣開始都會變涼. 唔知仲夠唔夠時間起其他既瓜. 不如谷呢兩隻好d啦.

今日終於同佢度下身高. 暫時得六寸. 希望可以繼續快高長大.