本帖最後由 sandy 於 2018-6-17 14:09 編輯
本人是新手, 2018年三月尾才開始學種野, 其實十年前都有試過用盆種菜, 果時三分鐘熱度, 加上用盆種太細, 收成太少, 果時又唔識用有機泥等等, 所以沒有再繼續, 今年, 我又再次提起呢份動力, 呢個POST就分享下我的開始及種植過程 , 新手常見問題係, 不時照種, 完全錯晒, 唔岩時候種唔適當既野, 學左個幾月就知了, 仍要不停爬文吸取岩既知識. 多多指教呵; 新手開始唔識要做基肥, 一開始便是買包德國有機泥就開始種啦, 以下既生菜就係第一個收成試驗品 各方面都在摸索階段.
泥: 德國大機泥 (本人也有跟朋友分享種植心德, 得知, 朋友用三隻不同牌子既有機泥, 溝一起種野, 我發覺佢既農作物真係壯同靚好多, 下次我都會開始溝下泥)
肥料: 雞屎, 蚯蚓糞, 十六元素水肥, 廚餘, 骨粉, 海藻粉, 海帶水, 環酵, 菜肥, 幾隻有機肥, DCM MIX 2 肥
買新子時話係玻璃生菜, 但種左出嚟我唔覺得似咯 , 不過都幾好食
3月尾開始先種既生菜
沙律生菜
意大利翠玉瓜 , 原來翠玉瓜適合秋冬種, 我又錯左. 不過種落左就照種, 其實一直都生長得好好, 好大棵, 又壯. 不停打花, 都有瓜, 但瓜花成日都吾開, 無乎, 不過種左野之後, 就知道原來翠玉瓜花係食得既, 仲幾好食喎. 話係網店買, 意大利翠玉瓜花要賣 $120/100G的
意大利翠玉瓜種左大約兩個月了, 呢條瓜算最大, 但朵花一直唔開, 想幫佢人工授粉都不能, 真係R晒頭, 新手當然期待有收成. 但條瓜又好似一日比一日大, 暫時先包住佢, 看看結果.
七彩火焰菜 / 豬乸菜 / 君達菜 , 呢款菜好多個名字, 種左才知原來又係適合秋冬種, 不過好彩都有得收成, 幾好食, 剪左一轉 (廡連根抽起), 依家又佢再生
番茄 , 夏天又係唔岩種番茄, 所以新手又犯錯, 唔好學我丫, 不過都有得收, 味道也不錯, 原來番若也是要秋番 , 唔錯過就唔會又學倒野.
夏天種秋葵係最大成功感, 又易種, 又無蟲害, 個半月已經可以有得收成, 下年夏天都係種多D秋葵就無失手. 自己種既秋葵真係好甜, 在街市買的是沒有甜味, 大家有留意嗎.
白苦瓜, 一路種不停上網爬文, 苦瓜種過既泥, 係會令其他植物種出嚟都係苦既, 所以朋友叫我一定要獨立盆去種, 爬文得知, 一棵要摘主心, 最後留約三條分枝才好結果. 希望成功, 種左大約 60日了, 近星期已開雄花, 暫時未見瓜花.
呢盆係香草雜盤 - ROSEMARY, 薄荷, 紫蘇葉, 西芹, 仲有番茄同橙/黃椒
牛油果 , 種左大約三年半 , 由牛油果內的核浸水發芽再下泥土
意大利牛茄 , 因為之前發左芽, 只好繼續種, 已加遮光布, 不過沒期望, 因為太熱了. 順其自然
仲有幾棵青/紅秋葵 , 秋葵一開花後, 大約四至六天可以收那枝秋葵, 最嫩 好吃
泰國地豆, 阿根廷紫黑色四季豆, 見呢款唔駛搭棚, 又玩下,
台灣種熱情果
菲律賓波蘿, 食菠蘿時切左毎頭, 封乾後下泥, 一段時間後便長根,
龍利葉
日本南瓜, 又佢爬地, 沒有搭棚比佢.
火龍果, 朋友送贈的枝條, 有一枝種左落地, 有兩枝種左盆, 兩個月都多左好幾節了. 都好粗生.
魔鬼辣椒, 前排落左幾日雨, 我沒有收入陰位, 一直不停開花中, 結果淋左幾日雨, 所有花一開完花就甩了, 結不成果, 依家仲有好多花排住開, 請問大家我可以點做, 咩原因呢
其中一邊的農作品全景
仲有兩盆藍梅(夏普藍 , 奧尼爾)培育中, 買四年枝條回來不久, 只有枝條沒有葉, 現在長葉中
茄子
檸檬, 因溝左泥有D雜草, 要清
法國紅菜頭, 又係唔岩時候種既品種
細橙/黃椒
多多指教 ~
|