水種AV葉子一撻撻，而且越來越彎曲,很苦惱

各位巴打同絲打

因為之前屋企太熱，攪到我D花死死下，我便囉返OFFICE種，長期開冷氣除左WEEKEND，依家有以下的問題，
1) 葉子一撻撻，好似有結晶鹽咁(我一個至兩個月前轉水種，開頭用花寶液肥(1:500 開水浸根，之後發左根用返清水浸，三至四日換水一次)
2) 轉左水種之後棵花一路路大的時候，就越來越彎曲
3) 葉邊變啡，之前係屋企就係啡得好快，之後成塊葉林左，依家好似DELAY左，兩個星期先會變到咁

大家可以參考下啲相，比點意見我 我咁辛苦囉返公司都係想救活佢地

真可惜！　我也有類似的情況。。。！！

早幾日, 有2盆種在大咩半年, 一晚就玩完, 都唔知點解!!!!
  哎.... 真係快到唔信...!!!!!!!!!!

我都係咁，係三月時開始種幾盆，係九月尾陸陸續續咁死

我之前有盆用泥種的Standard AV 根系出問題成棵軟晒，抽佢出來清走晒根部同表面啡色老皮，諗住浸水出根左先落泥啦，點知個莖愈來愈爛，最後嬲嬲地撕走左半棵嘅葉，切走埋爛左嘅莖，吹乾後就索性落番泥度種，掉埋入溫箱無眼睇佢，而家除左反老還童外，乜事都無了，仲好挺身添！

會唔會係'水積"??

一撻撻應該係水漬, 將d葉沖下水就會無事/將水位降低, 但係根就可能會出少好多, 變啡可能係你肥料太重手傷到d葉或者太熱焗親, 變彎就算唔係水種都會發生, 不過我覺得水種特別容易彎,問題應該不大

多謝各位的回覆，我諗我都係轉返泥種喇，轉左水種反而又生得慢左，又有D唔受控制的情況

始終泥種會比較好，水的微量元素唔夠，而且代謝物仍然留在水中浸泡，與其幾天要換水一次，倒不如一年半載換泥一次。