昨晚大家食過o既鳥結糖做法!
好易整架咋!
材料:
大粒綿花糖一包(我個盒係整o左3包)
咖啡伴侶一大罐
花生(其實中意食咩就落咩~)
1. 將大粒綿花糖放大玻璃兜叮溶(約2分鐘)
2. 涼佢一陣就放花生撈撈撈, 跟住係咁倒咖啡伴侶落去撈撈撈...搓搓搓...搓到唔痴手~
3. 有時間就一粒粒咁搓黎食, 懶就將佢搓到一個大餅咁跟手用刀切, 切好要用d咖啡伴侶撈撈, 避免痴手~
4. 存放於陰涼地方, 要落d咖啡伴侶係容器入面, 免痴埋一舊舊!
秘訣:
1. 一定要係好涼o既地方整, 一係開冷伙氣, 一係冬天整, 因為溫度太熱d 綿花糖搓極都係痴手的!
2. 唔可以用手套, 痴爆!
3. 軟硬度可以就咖啡伴侶多少同搓o既時定間黎定, 越多咖啡伴侶就會越硬, 同樣搓得越耐都係越硬!(我整個d屬軟d的,同埋唔夠花生hehe~) |