我的菜菜子~

farfeifar · 發表於 2008-9-5 12:04:47

上星期岩岩仲以為天氣涼d, 蟲蟲風暴告一段落, 但星期一又發現d茄子葉上面有白點, 我就知又係d潛葉蠅係我d茄子葉裡面all卵...今次仲要塊塊都有, 平均每塊有100-200粒...由星期二開始我每日一放工返屋企食完飯餘興節目就係 "捉蟲", 用支針挑肉眼見到個d蟲出黎, 平均每晚都挑到50-80條, 最恐怖係連之前不嬲都冇事個d sweet basil同金不換佢地都唔放過, 今朝仲要比我發現有蚜蟲同介穀蟲添(不過得2粒, 仲要死o左的), 點解會有咁大問題呢? 我d車厘茄而家開始有花冧喇 , 我唔想功虧一簣啊, 慘~反而笠o左網o既通菜生得非常之好, 但我又冇可能能棵棵都笠姐! 我想問bio kill係咪有機殺蟲水黎架?請各位大大幫幫手, 謝謝!
p.s. 相都冇心機影了~

小寶 · 發表於 2008-9-5 12:08:32

嘩,係點樣架,我最近d苗都受到潛葉蠅困擾..白點...係咩樣架
bio kill係有機的,
以我所以, 遲d天氣好仲會多d蟲, 所以要有心理準備

farfeifar · 發表於 2008-9-5 12:14:32

bio kill係有機的<---咁我可唔可以直接噴落棵植物度呢?

小寶 · 發表於 2008-9-5 12:30:21

我問過有識人士,佢話可以呀~
不過---佢話bio kill係咪有機就唔知.. 但對環境無傷害
佢話佢都用左支幾bio kill 係d 花花草草度

farfeifar · 發表於 2008-9-5 13:17:23

oo~等我今日入返支試下先~

bebe · 發表於 2008-9-5 23:52:35

我覺得呢, 你d植物可能放得太密啦, 所以容易生蟲, 又客易蔓延開去, 其實我見你門口都好似幾大地方, 點解唔將佢地放疏d呢?

bio kill? 唔係要來殺曱甴咩?!!!

食得入口嘅嘢我諗都係用天然殺蟲方法好d, 試用neen oil或者魚滕之類, 潛葉蠅? 一開始見就要狠心d成塊葉meet meet meet meet meet咗佢, 而家蔓延到咁, 恐怕.......

p.s. 你d basil要cut咗頂部啦, 等佢d側牙生長先可以長得茂盛, 如果唔係就只長高不長大, 甚至開花老化啦~

cut出來的basil 葉可以先食為敬呢, 我通常要來伴蕃茄意粉, 或者放pizza面食

kelvinkou · 發表於 2008-9-6 00:44:25

嘩~ 好多蟲蟲中意你的植物哦!

而且啲數量仲好得人驚啊!!!!!

你俾我d茄子仲未發芽... 不過都快要發了~ (我估)
翠玉瓜就發芽了!!

我會繼續向你update佢地ge情況啦~

滑嘟嘟 · 發表於 2008-9-6 01:04:46

最近開始有蟲蟲光顧喇!

我之前問過有關"辣蠟天然驅蟲劑"&"橘衛兵天然驅蟲劑"~
我托人幫我兩樽都買晒...
用過之後再寫report丫!

farfeifar · 發表於 2008-9-6 11:50:12

原帖由 bebe 於 2008-9-5 23:52 發表
我覺得呢, 你d植物可能放得太密啦, 所以容易生蟲, 又客易蔓延開去, 其實我見你門口都好似幾大地方, 點解唔將佢地放疏d呢?
bio kill? 唔係要來殺曱甴咩?!!! 食得入口嘅嘢我諗都係用 ...

* 係呀, 我放到好密呀! 因為成日唔想放係地下, 咪放晒係張枱上面囉, 原來係唔得的~
* bio kill禽晚噴o左lu~今朝睇好似乾淨o左好多, neen oil係咩? 我有用苦楝油, 但唔多見效~魚滕唔敢用啊, 我個度好出面多貓狗的~
* 潛葉蠅? 一開始見就要狠心d成塊葉meet meet meet meet meet咗佢<----我一發現已經成棵都係卵喇, 唔met得咁多, 一棵6塊葉5塊都滿晒...唉~
* basil都要摘頂架?好, 一陣返去摘先~我都知一老o左就唔香架喇~
* cut出來的basil 葉可以先食為敬呢, 我通常要來伴蕃茄意粉, 或者放pizza面食<---我種o左唔捨得食hehe~

sandylam · 發表於 2008-9-6 14:17:47

bio kill我都上網查過成份,成份好似係除菊精的一種.
不過,除菊精係咪有機,我真係唔清楚.
用係食用既植物上我就覺得唔係咁好.

[ 本帖最後由 sandylam 於 2008-9-6 16:41 編輯 ]

farfeifar · 發表於 2008-9-7 00:51:40

9月6日 - 下雨天收拾殘局~
聽o左大家d意見, 做o左d善後工作lu~

貓貓 · 發表於 2008-9-7 09:04:21

通菜食得啦！今晚有菜食！

剪剩吋半兩吋佢會再生過嫁喇。
薄荷可以俾多 d 水，佢地受到水嫁，得閒曬下太陽，唔太熱就 ok。

bebe · 發表於 2008-9-7 12:28:02

香草要食嫁, 基本上係愈剪愈茂盛, 唔捨得食d香草就唔靚嫁啦

(不過arm arm落咗殺蟲水就最好唔好食住啦

)

或者咁啦, 如果你依戀d香草嘅美麗形態, 可以將細細粒d葉芽放製冰格加水製成香草冰粒, 沖涷香草茶或lemon tea或飲7up時加d冰落去, 又香又靚又可以kepp耐d d香草,

咁係咪好d呢?
薄荷如果唔係想要d特別品種, 最好都係插枝繁殖好d, 好快長到一大盆吊哂落嚟, 種子種好似好慢, 好似薰衣草咁, 恐怕幾個月先見佢出d唔同咗樣嘅葉

farfeifar · 發表於 2008-9-8 00:49:19

謝謝各位幫忙呀 ^_^
p.s. 今朝起身又發現d農作物又比另一樣野襲擊...cat cat...堆跌o左我一棵茄子同埋盆薄荷, 又踩扁o左d通菜同白菜, 盆薄荷死o左70%了~ 茄子d葉彎晒law, 我d bb真係多災多難~但我係唔會放棄o既!

Karen · 發表於 2008-9-8 01:31:41

好慘呀,但係唔好氣餒,加油呀!!!!!!!!!

Alfphy · 發表於 2008-9-8 07:10:12

原帖由 farfeifar 於 2008-9-8 00:49 發表
謝謝各位幫忙呀 ^_^
p.s. 今朝起身又發現d農作物又比另一樣野襲擊...cat cat...堆跌o左我一棵茄子同埋盆薄荷, 又踩扁o左d通菜同白菜, 盆薄荷死o左70%了~ 茄子d葉彎晒law, 我d bb真係多災多難~但我係唔會放棄o既!:ic ...

又有衰貓出沒？！要做d防預措施啦！

繼續努力！祝早日收成！

farfeifar · 發表於 2008-9-16 23:56:35

經過各位高人指點, 我將d花放疏o左, 一有潛潛就拔拔拔...
又淋少o左水, 又噴下辣椒蒜頭水(biokill噴下周圍, 唔係噴花),
又有噴下d矽藻素, 10日後果然有大大改善,
而家潛潛已經唔多見, 蟲蟲都冇, 所有成員暫時平安!
謝謝各位頂力支持!
P.S. 我個人覺得最大功效係將d植物放梳d同埋噴辣椒蒜頭水, 勁work,
噴o左之後幾日都見唔到一隻烏蠅呀!但我係成個半蒜頭加4大隻指天椒+500ml水,
焗一晚用, 係超濃的, 噴完我都頂唔順即刻入屋, hehe, but好work又唔傷d花草, good!

[ 本帖最後由 farfeifar 於 2008-9-17 18:12 編輯 ]