我的菜菜子~

原帖由 蛀米虫 於 2008-8-16 20:11 發表
黑色一點點...... 唔知係咪咬人好痛好痕果d呢???

果d叫做蠓,咬完後中間有紅點,咬人真係好痛!
不過佢唔會企定定俾你影到佢相
應該係另外一d 東西喇~
無近鏡好難認喔

原帖由 小寶 於 2008-8-16 23:07 發表

果d叫做蠓,咬完後中間有紅點,咬人真係好痛!
不過佢唔會企定定俾你影到佢相
應該係另外一d 東西喇~
無近鏡好難認喔

係!  唔該晒喎~  我唔知佢地係"阿水"!

唔好意思加把嘴, 大碌通菜有名你叫'水蕹', 其生長環境是'水'中, 買'水蕹'食時留下近腳有節位置, 放於水桶中, 自會生根生仔, 根系怕熱, 在流動或清涼水中較適合. 小小意見.

係啊, 我都見過人地用水種, 但工程太浩大, 做唔到, 唯有用泥種, 但都ok, 比多d水同狂晒太陽就生到爸爸聲喇~

開始種菜了~左一起: 脆玉瓜,( 菜心, 白菜, 王芽白, 唔知前後, 唔記得插名)

蕃茄生長速度緩慢
我已經一星期落一次肥, 又全日照, 但都好似生得好慢咁...但我係一盤有2-3棵的, 係咪一定要分珠呢?如果盤細但夠肥夠水又o唔ok呢?

8月22日(9號風波日)
經上一次開頭冇做好防風預備, 結果lea咁hea, 所以今次風都未大我就將d bb 搬晒入屋了~

[ 本帖最後由 farfeifar 於 2008-8-23 00:36 編輯 ]

蕃茄唔可以比太多水，否則好容易有病菌或者有蟲，泥不乾不淋水，最好唔好淋到雨水，要前去多餘的枝葉，除主幹外，祇留下2-３支比較粗壯的枝幹或側芽，可以保持通風，冇咁易有病或有蟲

嘩! 她多苗苗啊~

其實車厘茄係咪唔駛成日淋水架?
我同事未比我之前,佢話佢一日淋水二次.
我唔習慣淋水咁密架,但我又怕佢會死,所以改為一日淋水一次.
因為泥成日咁濕,好多蚊滋架.
好似尋日無咩太陽曬過,泥都好似仲濕濕地咁.
我宜家個房好多蚊滋仔.
每朝起身都係咁捉蚊.暈低.

你棵車厘茄咁多蚊滋仔,都可以試下呢個方法

惡姨,
我見好似有一種捕蚊既膠紙,唔知有無用呢?
你既盆栽附近有無蚊滋仔?
我以前種花,一向都無蚊滋,改行種食得既,就開始有蚊滋.

原帖由 惡姨 於 2008-8-23 01:31 發表
蕃茄唔可以比太多水，否則好容易有病菌或者有蟲，泥不乾不淋水，最好唔好淋到雨水，要前去多餘的枝葉，除主幹外，祇留下2-３支比較粗壯的枝幹或側芽，可以保持通風，冇咁易有病或有蟲 ...

really???一路都以為要多肥多水多陽光添!!!!!錯晒...希望仲救得到啦~ ><

請問你個盆幾大?

深綠色個幾個, 種車厘茄同茄子個d都係8"盆來的~

菲菲 你D植物種得好好、好靚呀

但呢排出事出得好緊要呀, d潛葉蟲將我食得個d都食晒, 脆瓜苗都唔放過...唉, 頭痛中...

[ 本帖最後由 farfeifar 於 2008-8-24 16:10 編輯 ]

經過一輪蟲蟲風暴之後, 而家大致回復平靜, 希望佢地快d大啦, 有野得食嘛~睇黎最快跑出應該係通菜~~

[ 本帖最後由 farfeifar 於 2008-8-28 11:34 編輯 ]

farfeifar~
你個網响邊度買架?
好似幾好咁喎~
我睇書講可以用防冷紗黎防冷、防蟲同防止鳥害~
但係我响台灣網頁見到只有一大卷咁賣... add2icon

我係深水埗買布自己車架, 你唔覺得個網好樣衰o既咩, haha~布大約$12一碼, 有60"封, 買5y都車到好多個了~(4-5個 3尺長x1尺闊x2.5尺高 )
唔想車咪剪大塊d笠住晒佢law~