大陸買傢俬

請問有冇人去過大陸買傢俬, 價錢如何?? 運費點計? 我主要想買床,sofa & 電視櫃, 係咪買咁少係hk 買會平d, 請比意見, 謝謝

你都係咪諗咁多啦, 家下一個電視櫃, IKEA都有平到800蚊有找, 包唔會運到俾你時撞爛晒.
係大陸買傢俱係完全無保證~

sofa, 去普通的傢俬店造一個都個二千多元, 有時响實x都執到平野.
去大陸唔係唔得, 不過你要運回來, 要同上面d店主夾時間.
又或者你可以去本地各大書店都有得賣深圳傢俱店的書, 有地址有交通圖, 很方便的.
不如你講下你個 budget 係幾多先啦, 話唔埋你响香港都已經搵得晒呢~
人仔升左好多呀, 上面消費唔一定抵喇~

不過响深圳造窗簾就仲係好平, 因為布超平, 幾十蚊就有個幾尺長的百葉簾.
你要去那兒也很方便, 在羅湖商業城對出巴士總站搭 no. 1 巴士幾個站左右見到有個大商場大大隻字寫住布料城(好似係咁既名)就下車. 聽說也很近東門的.
不過你一個女仔周圍行就要小心d, 雖然我都係一個女仔成日上去, 但我通常唔會出夜街, 同埋通常都係搭地鐵和熱鬧的公車. 我有朋友幾個人夜晚响東門附近俾人夾住拿晒d錢和信用咭的錢... 不過都係三年前的事了~

我其實budget 係越平越好, 因為我係租屋, 村屋三樓. 買任何傢俬都唔可以搬得太多次.
因為我咁諗hk都係大陸貨,咁不如自已返大陸買好過. 我就係諗住有人買過, 口碑會好d 咋嘛.

唔知你係男定女,如果係女仔,最好唔好一個人返去買o野~
o係大陸買傢俬的確平過香港好多,但要睇你好唔好彩,有冇比人呃~
我張床都o係大陸訂,香港問過價要8000幾,而且床背床腳圍邊係人造皮~
我o係大陸買,連埋運費&香港師傅上門安裝都唔使5000,全部床背床腳圍邊係入口真皮(本地真皮再平d)~
我好好彩,上次間舖頭個女仔好好人,我地改o左幾次送貨日期,佢都仲好好禮貌~
佢又驚做錯款,成日打電話比我地確認,所以送到來,同我地想要既款係一模一樣~
我上次去o個間,唔記得o係邊,係個的士司機行錯路,我地盲樁樁撞入去既~
我地即時比完訂金後就唔使再去,全部o係香港搞掂~
如果你想搵類似既傢俬,可以去寶安北路既海馬家居廣場睇o下~

我張4尺雙人床係香港傢俬店訂造, 連工包料包安裝都係$3000左右.
不過就無真皮, 只係一張床連油壓'jik'床板櫃和梳妝台連鏡子.
其實家下香港很多傢俬店都係大陸訂造回港安裝, 俾多左既錢就當係 consultant fee.

在大陸買傢俬比香港便宜一半以上, 佢地會辦好手續送到香港

其實差不多所有香港的傢俬舖都是在大陸造的, 款式其實和香港的一樣

我在香港買張床一萬三千, 在大陸其實只要4-5千.  買完先知笨.

我係女仔, 但當然唔會一個人上去啦, haha.
hk睇過床架最平都要3000到, 我要搵四呎半, sofa 要3000, 電視櫃又2000幾, 所以諗住係大陸買囉, 你地可以比個可靠的公司我嗎??

原帖由 kim 於 2008-8-8 11:27 發表
不過响深圳造窗簾就仲係好平, 因為布超平, 幾十蚊就有個幾尺長的百葉簾.
你要去那兒也很方便, 在羅湖商業城對出巴士總站搭 no. 1 巴士幾個站左右見到有個大商場大大隻字寫住布料城(好似係咁既名)就下車. 聽說也很近 ...

想請問在深圳甚麼地方找到幾十蚊的百葉簾，因香港實在太貴有最低消費。謝謝妳!

原帖由 charlie 於 2008-8-8 17:20 發表
我係女仔, 但當然唔會一個人上去啦, haha.
hk睇過床架最平都要3000到, 我要搵四呎半, sofa 要3000, 電視櫃又2000幾, 所以諗住係大陸買囉, 你地可以比個可靠的公司我嗎?? ...

我上個月才在傢俬店訂造個布藝 sofa，双座位，佢話同皮一樣價喎，都只係$2200! 包送貨安裝．你要地址的話，我可以pm  你．
上星期幫個朋友搞 interior design, 佢個 budget 唔可以過二萬元，我在怡家幫佢一齊睇到個電視地櫃$800左右，餐枱$1000（木）連兩張枱，找個有車的朋友幫手送貨，到時入伙請番佢食飯，咁就抵ｄ咁啦～

原帖由 harry692 於 2008-8-8 17:52 發表

想請問在深圳甚麼地方找到幾十蚊的百葉簾，因香港實在太貴有最低消費。謝謝妳!

你布芸城，就有的了，你想慢慢選布和百葉簾，行一日都行唔完的．
搭１號車就到架喇．．．

我係係直消買左一個電裡柜1880，一個單人衣柜780，我覺得都幾低！

原帖由 SUM 於 2008-8-8 10:39 PM 發表
我係係直消買左一個電裡柜1880，一個單人衣柜780，我覺得都幾低！

佢d野好似細路仔齊積木咁化學,諗住玩幾年,買都冇所謂
我個裝修師傅有個客上深圳買十零蚊塊大陸磚
點知出事~買二百塊,一百塊有問題,其中有裂,有水泡,唔平(水平)
仲要鬼咁難舖,舖到師傅鞋鞋聲,同埋舖到夜晚九點
第二日仲要打去大陸度嘈,大陸唔理,冇得換
仲要同佢訂多一百件磚落黎............
我0係旺角買西班牙磚,用唔晒都可以原價收返,而且質數有保証先

[ 本帖最後由 羊咩咩 於 2008-8-9 12:59 編輯 ]

原帖由 kim 於 2008-8-8 18:55 發表

你布芸城，就有的了，你想慢慢選布和百葉簾，行一日都行唔完的．
搭１號車就到架喇．．．

謝謝你，等有空時上去行一轉。

我屋企上年11月入伙，一部份傢伙都是深圳寶安北路購買．超平呀！
我買左～梳化，電視地櫃，太陽傘，燒烤爐，天台仿滕椅 x 4，廳燈 x 2(三&四燈胆)，房燈 x 2(兩燈胆)．另外訂造了床尾櫃，連運輸費$5900人民幣有找．
其實香港ｄ傢俬咪又係大陸造，為什麼要被人從中食價呢？？？

但係大陸訂做傢俬信唔信得過?質數如何?玩得耐嘛?
送到上黎,咩人裝合傢俬呀?

[ 本帖最後由 羊咩咩 於 2008-8-9 23:02 編輯 ]

原帖由 羊咩咩 於 2008-8-9 22:48 發表
但係大陸訂做傢俬信唔信得過?質數如何?玩得耐嘛?

我係"姨媽"傢俬買果個四桶櫃，$799再加$200運費，
個櫃當然是自己安裝啦，背板又薄，推拉路鬼又吾太順．
不過大陸訂的床尾櫃，是劃圖訂造及全實木，由落單到收貨只是６日．
到貨時已安裝好，條路鬼仲要超順．
呢個櫃香港打過價要$3000-，當時覺得貴，
返大陸比尾數時咪順便問o下o羅．
大陸收我$980人仔咋，當然運費另計啦．

都好平喎~
而家冇真係實木架啦~都係高纖夾板,夾板多,真係完條實木貴到飛起架
我想訂造床頭板,不過未有心水點整好.....

原帖由 KATY 於 2008-8-9 22:45 發表
我屋企上年11月入伙，一部份傢伙都是深圳寶安北路購買．超平呀！
我買左～梳化，電視地櫃，太陽傘，燒烤爐，天台仿滕椅 x 4，廳燈 x 2(三&四燈胆)，房燈 x 2(兩燈胆)．另外訂造了床尾櫃，連運輸費$5900人民幣有找．
其實香港ｄ傢 ...

我就係咁諗, 香港都係大陸, 人民幣高咗. 係hk買都會高啦, 所以諗住返大陸買囉. 你可以pm 個地址比我嗎?? thanks