[新手疑問] 秋海棠？

請教各位版友，早幾個月響花墟買返黎，雖然佢話係秋海棠，但係我響網上搵既秋海棠都唔係咁既樣，而且佢ｄ花好細（一亳子左右），得兩片花瓣，請問佢係咪真係秋海棠？

另外左下角個株係我老豆早前俾我既種子，佢話俾我聽都係海棠，點知生出黎同ｄ秋海棠好大分別，單憑佢ｄ葉可唔可以睇得出佢係乜？

幅相果棵應係虎刺海棠

係勒海棠. 莖生剌的. 我都有種.
有本書歸仙人掌類.
秋海棠d葉有好多葉脈的, 切開一片片插入泥都會生.
有玫瑰海棠, 蜆肉海棠.蛤蟆葉海棠.

[ 本帖最後由 kwanyeehui 於 2008-8-7 12:32 編輯 ]

係呀莖上面有好多刺，原來有好多個名但係偏偏唔係鋪頭老細昆我個個名，哈哈～

佢係點樣繁殖既呢？我見佢所有花都係一模一樣，唔覺有雌雄之分？

原帖由 rabi 於 2008-8-7 12:21 發表
係呀莖上面有好多刺，原來有好多個名但係偏偏唔係鋪頭老細昆我個個名，哈哈～

佢係點樣繁殖既呢？我見佢所有花都係一模一樣，唔覺有雌雄之分？ ...

繁殖?
我未試過, 因為我種太多花啦! 沒地方.
有佔據客廳地方, 會比老婆罵.
應該係插枝繁殖, 剪去上面一節插入泥度就得.

[ 本帖最後由 kwanyeehui 於 2008-8-7 12:35 編輯 ]

呢種花有很多名的，叫勒海棠，又叫鐵海棠，又叫麒麟花……
它是不宜種在室內，不透風的地方，因為它會散發致癌物質！小心！請看以下資料：

http://hk.knowledge.yahoo.com/question/?qid=7006070303131

[ 本帖最後由 Alfphy 於 2008-8-7 22:55 編輯 ]

好彩我一直都係放佢響窗外既花糟，原來咁危險既。

不過佢真係好易種，任佢狂風暴雨陽光幾差都好都冇乜問題，極度粗生。

種在室外就好了！

秋海棠係另一種植物來的

我見花墟叫佢做麒麟花

受花粉繁殖，我株放室外花槽，有蜜蜂蝴蝶幫手(雨季來前朝朝一早蜜蜂就飛來30樓花槽採虎刺梅的花蜜 )，兩片花瓣中間會開始長一粒果果，樣子及顏色像小小的白桃，不過是殼(3瓣外殼)，之後殼會爆開彈走成熟的黑色種子，一果一粒種子，若要採種子就要找小袋子套住全個果連果莖才行。
我試過有次拿回家中清理清理，突然之間啪一聲，個果就消失了，我只在2米範圍內拾回2瓣外殼，種子沒有了，好幾個果只收回3粒種子。
我的是幼身品種，果果有米cm直徑左右，你的看來是粗身品種，若結了籽，爆發力應該更大。

左下角的不像秋海棠

[ 本帖最後由 JenniferC 於 2008-8-8 20:31 編輯 ]

唔好意思我仲想問多少少野，圖中紅圈部份係我發現一ｄ特別唔同樣既花，例如中間同最右邊都有ｄ特別唔顥眼，係咪就係雌花？最頂有ｄ同樣有紅花瓣，但係花中間有條綠色既野突出黎，會係咩黎呢？

有專家明確指出，變葉木、鐵海棠、鳳仙花、紅背桂花、油桐、金果欖等家居及公園常見的觀賞性花木，均含有促癌物質.
謝謝阿飛提醒, 回家要將鐵海棠搬出花糟種.

原帖由 rabi 於 2008-8-10 10:02 發表
唔好意思我仲想問多少少野，圖中紅圈部份係我發現一ｄ特別唔同樣既花，例如中間同最右邊都有ｄ特別唔顥眼，係咪就係雌花？最頂有ｄ同樣有紅花瓣，但係花中間有條綠色既野突出黎，會係咩黎呢？ ...

我家的也是這樣，有些像花中花的在花中間再抽2~3支花出來，但雌雄我就不知道了，始終不是我親手受粉的。