2009 年 公 眾 假 期

原帖由 虛宿寶瓶 於 2008-8-27 11:57 發表
嘩！咁慘？
我諗我除左暑期工番 M 記o個陣試過日做夜做冇停手唔放假之外，都真係未試過囉！

係近哩3份先放紅假同返5日~

九月中中秋有 long weekend ，真開心！

我 d 假多到放唔晒，都費事理個假期表！

你就好啦！我成日都要睇住 d 假黎放！由其是 plan 去 long haul trip 就更加唔可以亂攞假！

原帖由 八王爺 於 2008-8-27 12:22 發表
我 d 假多到放唔晒，都費事理個假期表！

真係晒命

我地做廠, 大假少過人, 過年廠遲開工, 又要被迫多扣幾日, 大假已經扣突, 去親玩就讓佢扣人功.  真係一路玩一路心痛.

原帖由 Peter 於 2008-8-28 09:35 發表


真係晒命

我地做廠, 大假少過人, 過年廠遲開工, 又要被迫多扣幾日, 大假已經扣突, 去親玩就讓佢扣人功.  真係一路玩一路心痛.

o下？乜廠遲開工都會扣番 d 假架？有冇攪錯呀，又唔係你地決定幾時開工，做乜要扣假咁衰架！

原帖由 虛宿寶瓶 於 2008-8-28 09:37 發表

o下？乜廠遲開工都會扣番 d 假架？有冇攪錯呀，又唔係你地決定幾時開工，做乜要扣假咁衰架！

哩d就係無良老闆諗出嚟嘅嘢

佢信教但又信風水, 有年話年初八開工好, 俾佢扣咗4,5 日

咁又幾無良！大佬，你有冇問過成班伙記架 (當然冇啦！)！變態！

企業係資本主義, 點會問伙記嫁  -  唔鐘意就唔好做

香港政府做嘢都唔會理你地市民啦  -  唔鐘意都冇法

原帖由 Peter 於 2008-8-28 10:27 發表
企業係資本主義, 點會問伙記嫁  -  唔鐘意就唔好做

香港政府做嘢都唔會理你地市民啦  -  唔鐘意都冇法

咁我都明，但你要於假啫，做乜扣我 d 假喎！好老土囉！

吓！這麼快就過年？明年在一月尾？
我不想這麼快過年呀？其實我很討厭過年的。明年的過年不知會如何過，有少許的擔心。

擔心乜野啊？

我都好討厭過年

所以每年都係約D親戚見吓面, 食吓嘢, 派吓利是俾D細路, 咁嚟打發咗個年去

因為過年咁討厭, 冇心情過年時去旅行

我過年最最最高興就係初一去阿麻屋企食飯，雖然年年都係煲o個個湯，食o個十隻八隻送，但一年食一次，大家都好其待架！

不知為何！人大了，就開始討厭過年，總之有股莫名的傷感啦！

以前數年我會返大陸避年，今年無得返，很恐懼不知如何渡過。也不是去年也沒得返，那去年是如何的呢？忘記了，死伙！這麼快就老人痴呆？？？？

可以爺爺麻麻年紀大啦！都唔知仲有幾多年可以過！由有記憶開始我地屋企初一餐飯都係阿麻煮嘅家鄉菜！唔知仲有幾多年可以食，所以我新年一定同佢地過年！

寶妹：

我好羨慕您！

人大左，開始癡家，尤其是爺爺麻麻！麻麻話佢兩老加埋 180 歲人啦！一個 91 ，一個 89....

嘩！好利害。

那您的嫲嫲還能煮多人的飯，真的佩服！

現時的人越來越長命，今日等巴士回家時，見到一個婆婆像老人痴呆，她的女兒及丈夫與她乘的士，她要座輪椅的，連上車的力也沒有，而的士大佬又不幫他們。於是一名婆婆看不過眼，上前教他們如何上車。

後來成功上了車，婆婆向我搭訕，說她已80多歲，兩腳已加鐵枝才能行路。我說因我有腰痛舊患，我不會主動去協助他們的，怕弄傷了自己更不知所措，我說看似我有點兒自私，但若是明知幫不來，相反弄壞了自己要他們叫白車或要他們擔心的話，那我倒不如以心祝福他們能成功上車吧！

人有時就很無奈，不是不想幫，而是無能為力。

有時我在街行路，有些阿婆會用手頂過來以為會碰倒她，可能是人的自然防衛吧！但相反我會驚她弄傷我，但很無奈她們不會明白，以為您比她們年輕就應該會壓倒她，其實有時心想不要看輕年輕的，分分鐘骨頭還弱過老人家呢！

跟著上車後，那名熱心的老人家與我談起話來，十分投契，可惜車程太短了，又是下車的時候了，於是說聲bye bye！

[ 本帖最後由 傻豬豬 於 2008-8-30 20:19 編輯 ]