社區園圃種種種 - 文昌街

Ncw 發表於 2014-8-10 10:50
要落芘生麩同同骨粉作底肥(各兩磅,混和),埋在泥上,熟石灰洒泥面用黑袋蓋田焗田2-3日才種　 ...

多謝提醒, 基肥做得足, 之後真係慳好多功夫

上星期全家出動去開田同埋移左部份苗落田, 叫做有ｄ野睇下：

2014.03.10 文昌街


移左:
老黃瓜（其實即係青瓜？）苗 x n
黃燈籠椒苗 x 1
紅燈籠椒苗 x 1
絲瓜苗 x 1
五彩辣椒苗 x ２
番薯苗 x ３
相中最前就係番薯苗３枝種埋一齊，好靚仔

經過兩日紅雨之後，多謝ｓａｎｇｌｏ幫我睇過死傷不太嚴重，明日又去耕田，好緊張唔知變成點呢

我聽導師種個啲三寶同其他時令作物 希望大家都有好收成

損失唔算多, 仲多左sanglo送既蘿蔔苗

不過五彩辣椒苗冇晒, 唔似畀雨打爛, 似畀雀食左, 而家先再發苗應該種唔切囉, 好在下課前老師送左枝辣椒枝, 話浸水出根後再入泥種, 好快有收成, 而家係屋企浸緊水


上星期其實都放左好多種子睇下發唔發到芽, 結果今個星期出左1棵絲瓜苗1棵老黃瓜苗.

加返d苗呀種子呀咁, 再搭下棚之類, 而家變左如下:

2014.03.17 文昌街


而家田有:
老黃瓜（其實即係青瓜？）苗 x 5
黃燈籠椒苗 x 1
紅燈籠椒苗 x 1
絲瓜苗 x 2
秋葵苗 x 1
番薯苗 x 3
蘿蔔苗 x 1
番茄苗 x 2 (新加)
番薯苗 x 6 (新加, 唔樂觀)
通菜杆插 x 5 (新加, 唔樂觀)
油麥菜苗 x n (新加, 唔樂觀)
四季青白菜苗 x n (新加, 唔樂觀)
下種:
火箭蔥頭, 莧菜(唔樂觀),  細種太陽花(唔樂觀)

下星期應該可以收少少番薯菜喇

原先自己培既小白菜 全部都因為日照不足 生長不良
之後有個園友種多左 比左啲我

今日去田, 通菜杆插, 同新插既番薯苗居然"活化"起來! 仲要多謝caedmon.ng 送既通菜苗

上星期老師送既辣椒枝, 浸唔出根c左, 今水社區園圃冇得收辣椒喇!

至於菜苗, 菜種, 今日葉仔都冇條, 全部冇晒, 野草就有一大堆

老黃瓜苗生長得好慢, 有d死左, 又有d係泥度新生出來.

今日只加左1棵燈籠椒苗2棵菜心苗, 冇再灑種子喇, 冇心機!

2014.03.24 文昌街


而家田有:
老黃瓜（其實即係青瓜？）苗 x 5
黃燈籠椒苗 x 2 (舊果棵得返3片葉, 就黎唔得)
紅燈籠椒苗 x 1 (得返2片葉, 就黎唔得)
絲瓜苗 x 2
秋葵苗 x 1
番薯苗 x 9
蘿蔔苗 x 1
番茄苗 x 2 (燶燶地, 唔樂觀)
通菜杆插 x 5
細種太陽花 x 2
火箭蔥頭 x 2 (仲未出蔥)
通菜苗 x 3
菜心苗 x 2

為左tum呀仔開心, 係咁依收左如下番薯苗畀佢zip牙縫


今日發現呢個園圃5點打後好多雀

琴日跑左去裝網 不過無竹枝 用即棄筷子就咁固定就算
估唔到過左一日 啲莧菜已經餵哂雀

caedmon.ng 發表於 2014-8-26 13:27
琴日跑左去裝網 不過無竹枝 用即棄筷子就咁固定就算
估唔到過左一日 啲莧菜已經餵哂雀 ...

所以我上星期冇播種喇, 我個網未攪掂
d通菜苗大d, ok嗎? 咁你琴日有冇再播莧菜種? 有網應該種到啦, 其他田友果d靚到呢...

我亦報到天水圍的社區園圃,9月7日先開始; 請問到時是否要先落肥料,石灰然後等3天先可以播種或移苗

pollymonky 發表於 2014-8-28 14:18
我亦報到天水圍的社區園圃,9月7日先開始; 請問到時是否要先落肥料,石灰然後等3天先可以播種或移苗 ...

根據導師指示, 開田要
1. 翻土, 落石灰茸草...改善土質
2. 加基肥, 混入土中再略翻土
3. 焗田一星期
之後可下種或移苗

不過我冇落石灰又冇焗田又冇等一星期, 我幅田開得唔係好靚

pollymonky 發表於 2014-8-28 14:18
我亦報到天水圍的社區園圃,9月7日先開始; 請問到時是否要先落肥料,石灰然後等3天先可以播種或移苗 ...

9月開始好呀, 可以秋播好多野, 依家記等發定苗喇!

上期（3-6月）我在文昌街收的番薯很不錯，希望你也有好收成！

annie_to 發表於 2014-9-1 12:46
上期（3-6月）我在文昌街收的番薯很不錯，希望你也有好收成！

嘩, 你d番薯真係好吸引呀, 原來唔夠四個月都種到咁多番薯架!
你用番薯種定係番薯葉杆插? 係咪想收番薯就唔可以剪葉架?

gogogo2 發表於 2014-9-2 22:28
嘩, 你d番薯真係好吸引呀, 原來唔夠四個月都種到咁多番薯架!
你用番薯種定係番薯葉杆插? 係咪想收番薯就 ...

我係插番薯葉，插咗3條, 收咗 2034g 番薯。

我初時都本著試一試的心態, 都擔心可能唔夠時間, 但臨收田前兩三星期有個替工security guard黎睇我塊田, 佢以前0係鄉下種田0既, 一睇d泥就知下面有好多番薯。佢話如果有番薯, d泥(插番薯葉0既位置附近)會"谷"起少少爆開, 佢用個鏟撥開d泥俾我睇, 果然有番薯。

偷窺番薯

我一直冇剪葉, 同埋我插d苗近田邊, 佢地生都一大堆就撥曬d葉去路邊(我塊田在最旁邊, 所以唔阻人行), 等佢唔好0係泥上落地生根。個替工security guard話想收番薯就唔好剪芯 (我係平日lunch 去, 所以冇機會問導師)。最後收田時一次過先收曬d葉同番薯。

annie_to 發表於 2014-9-3 12:47
我係插番薯葉，插咗3條, 收咗 2034g 番薯。

我初時都本著試一試的心態, 都擔心可能唔夠時間, 但臨收田前 ...

嘩, 真係大豐收!!
我個田係中間, 唔好意思用埋田邊d路, 上星期仲剪左一大條騰, 因為佢爬左去棵絲瓜度
咁我要好好照顧佢, 收田時有你一半收成我都好開心喇
不過你咪突然間要食好多番薯葉?

你仲有種咩? 個埸除左多雀之外都唔錯.

上星期因為落大雨, 一停雨就要快手快腳做野, 做唔切野更加冇時間影相!

番茄未死, 不過冇咩大過, d葉同我既皮膚一樣晒到好深色, 如果佢地過到中秋, 之後轉涼就有機會長大喇
秋葵生得好慢, 且有潛葉虫, 不過冇時間剪葉, 希望下次去佢仲係度.
通菜番薯苗靚到不得了, 通菜應該收咁d, 但冇時間收!
絲瓜要爬喇, 不過佢地好爬唔爬, 走去爬雜草! 幾冇時間都要幫佢地扶返正啦!
蔥頭冇反應, 應該死左.
老黃瓜大件事, 之前放入泥既種子發左好多出黎, 殺又唔係種又唔係, 唔知點算, 所以冇郁佢地.
太陽花生左好多葉, 好開心
3棵燈籠椒苗都係掉剩頂芽同頂芽下面1,2片葉, 想點呢??
蘿蔔苗有d黃, 可能畀格離d番薯苗搶晒d肥, 不過都係冇時間攪.
通菜苗冇咩大過, 菜心苗好似又消失左!

本來帶左d苗去移, 但做唔切, 結果只放左一盤仔菜苗同一盤波蘿頭係泥面由佢地自生自滅, 仲有入左一舊有芽番薯同一粒仔有芽薑入泥, 另一盤仔菜苗, 同埋一棵haricot vert苗帶返走.

今日又收左10多片番薯葉畀呀仔zip牙縫

真係連食多餐番薯葉。
我種白菜仔，青通，秋葵（細細棵已結果，如圖），紅鳳菜，番薯。
我同意個場唔錯，附近冇高樓/大樹，塊塊田都有充足陽光，我連防雀網都冇用，白菜仔苗被冰雹嗰日嘅狂風暴雨兜頭襲擊，都頂得住，冇乜損失。

annie_to 發表於 2014-9-5 21:39
真係連食多餐番薯葉。
我種白菜仔，青通，秋葵（細細棵已結果，如圖），紅鳳菜，番薯。
我同意個場唔錯，附 ...

你棵秋葵好CUTE

昨日一號風球, 冇移野去田喇, 一去到見到d野大左好多, 好開心

2014.09.07 文昌街


其實咁講, 其他田d野太得仲快, 我d野算大得慢喇, 唔知上星期天氣有咩特別, 咁利作物生長呢..

新移既番薯冇長過, 有芽薑唔知去左邊! 連盤放泥面既莧菜苗又係唔大又唔死, 蘿蔔苗番薯葉擋晒d光, 冇大過, 通菜苗又畀通菜扦插擋晒d光, 冇大過, 我個田既規劃真係好差!!

燈籠椒苗1棵已死, 1棵同死神搏鬥緊, 1棵老師話新葉生得靚, 應該ok; 番茄愈見精神, 不過其他田既番茄已經尺幾兩尺高, 我既六吋都唔夠, 可能係品種問題, 我的生到都未必趕得切收.


而家田有:
老黃瓜苗 x 3 (忍痛殺左好多小苗)
燈籠椒苗 x 2
絲瓜苗 x 2
秋葵苗 x 1
番薯苗 x 9
蘿蔔苗 x 1
番茄苗 x 2
通菜扦插 x 5
細種太陽花 x 2
通菜苗 x 3
番薯 x 1
波蘿頭 x 1
莧菜苗 x 1盤

收左通菜加番薯苗共半斤, 終於可以全家人食一餐

上星期日已經有瓜爬上第一層頂, 不過仲未有花

2014.09.14 文昌街


連盤放泥面既莧菜苗居然大左少少, 不過盤太細佢地一定生唔大, 遲d出到4-6片葉就會收晒黎食; 另一方面田上面又出左幾棵好似莧菜既物體, 可能係我之前唔識又亂播既種子貢左出黎, 呢d等大d確定係莧菜至收.

帶左個大花盆去, 放左泥同基肥, 依家係屋企培緊chard, 一,兩個星期後移去個盆度...如果培苗成功. 到時再清晒d通菜莧菜, 翻一翻土就開始種白菜或生菜.

而家田有:
老黃瓜苗 x 3
燈籠椒苗 x 1
絲瓜苗 x 2
秋葵苗 x 1
番薯苗 x 9
蘿蔔苗 x 1
番茄苗 x 2
通菜扦插 x 5
細種太陽花 x 2
通菜苗 x 3
番薯 x 1
波蘿頭 x 1
莧菜苗 x 1盤 + n棵
mint x 1 (老師送 ^^)

又同通菜,番薯苗剪頭髮共350g, 因為今次剪得好狠, 下星期應該冇得收通菜.
好驚唯一既燈籠椒苗會死埋, 其實屋企仲有荷蘭橙燈籠椒苗同以色列車厘茄苗, 但驚移去田又死, 唔捨得呀 >< 好在田果兩棵本地有機番茄生性, 愈來愈健康, 如果收田時結唔切果, 我會留枝條試插, 聽講有人成功用枝條種番茄.
唔知打完風後個田變成點呢, 好擔心...