My trap trap... 新手請教~

由於屋企成日有蚊仔烏繩仔, 前幾日諗住去花墟買咗盆食蟲植物睇下幫唔幫到忙...... 唔望由自可, 一望, 嘩, 都幾貴喎, 百幾至三百幾一盆!  由於係新手, 結果只係買咗盆捕繩草中苗試下種唔種到先~~

買番屋企後已經拔走晒啲青苔雜草, 套咗入瓦盆中... 無聊改名為"trap trap"~

請問︰

1.  長期放於窗枱邊, 朝早有2-3小時有陽光, 日落前全部係窗邊散光, 日頭有時開窗有時唔開, 同埋夜晚會開冷氣, 請問如此環境啱唔啱佢生活?
2.  一定要用蒸餾水嗎?
3.  幾時要換泥？要用咩泥?
4.  要唔要施肥的?
5.  冬眠期要點處理?

買番屋企後已經拔走晒啲青苔雜草
Oh no~ 青苔保濕兼解溫, 對佢黎講係好野來, 我係妳我拿拿臨執返佢

1.  長期放於窗枱邊, 朝早有2-3小時有陽光, 日落前全部係窗邊散光, 日頭有時開窗有時唔開, 同埋夜晚會開冷氣, 請問如此環境啱唔啱佢生活?
呢種捐蠅草比較粗生, 妳既環境應該冇問題, 種兩個星期睇下有冇新夾出就知了

2.  一定要用蒸餾水嗎?
最好啦~

3.  幾時要換泥？要用咩泥?
春季先, 用冇調過PH既泥炭土

4.  要唔要施肥的?
新手勿施肥, 施肥吸收量超標就會死得好快

5.  冬眠期要點處理?
佢會休眠, 咁早問唔會記得, 到秋季尾轉冷再問吧

青苔雜草 <-- 弊, 我丟晒添... 我見生到一堆嘢咁走晒型, 又以為佢會吸養份, 夾走晒了~  成日噴吓水同埋唔好暴曬應該無問題啩?

青苔夠濕+有D光就會生得靚 (好似係)
食蟲植物都喜歡青苔在左近, 好處頭先講左

水唔使成日噴, 見泥面有少少乾就噴到佢盆底漏水, 唔腰水

買返黎時得五隻夾, 呢張係 5/18 多兩隻夾, 尋日睇有12隻夾

咦, 你又係留番個"牌", 見到隻蚊公仔, haha

你盆都生得好好樣喎~  btw, 要點樣至會生番D 雜草青苔出嚟?

ivyasm 發表於 2014-6-9 16:38
咦, 你又係留番個"牌", 見到隻蚊公仔, haha

你盆都生得好好樣喎~  btw, 要點樣至會生番D 雜草青苔出嚟? ...

係呀, 所以我試下比建議囉~
呢個牌都唔知呃左幾多人

佢好聽話, 比想像中易種. 沒有雜草, 只有青苔, 青苔一般生得好慢(個別品種例外), 要環境夠濕就會出了

大家分享下啫~~

咁等我種多兩個星期, 睇下trap trap 有咩新進展先~~~ 唔該晒樓上!

你地個個都種得咁好, 但我個小苗越種越差......黑唒就快死.....點算好...
佢長時間係室外, 一日淋一次水

yuna.cky.828 發表於 2014-6-14 09:15
你地個個都種得咁好, 但我個小苗越種越差......黑唒就快死.....點算好...
佢長時間係室外, 一日淋一次水 ...

普通水喉水

yuna.cky.828 發表於 2014-6-14 23:36
普通水喉水

必死

礦物積聚, 鈣過多

如用煲過嘅水又得唔得呢？

MarcoKei 發表於 2014-6-15 00:54
必死

暫時我種過可以用到水喉水生存既, 只有水/陸生狸藻、好望角毛、阿帝露毛, 其餘既......比較貴, 唔想搏

fancy 發表於 2014-6-15 01:17
如用煲過嘅水又得唔得呢？

NO~ 煲完只係除氯氣殺菌, 但殺死蝕蝕既係 礦物質

明白，Thx

咁即係全部蒸餾水？？

ping同豬用水喉水冇問題，其他最好蒸溜，RO水~不過我就全部都用水喉水/雨水

dtyhbv 發表於 2014-6-15 14:57
ping同豬用水喉水冇問題，其他最好蒸溜，RO水~不過我就全部都用水喉水/雨水 ...

唔生綠藻架咩!?

Victor9394 發表於 2014-6-16 01:01
唔生綠藻架咩!?

放蘚係面