我細個o個時住屋邨都遇過個日日製造嘈音嘅伯伯, 不過佢唔係黐嘅, 係盲嘅
話說我哋一家啱啱搬入去時, 已經日日聽到樓上有人揼地, 頭o個兩三個月, 我爸媽以為樓上裝修, 忍咗幾個月終於忍唔住走上去睇。原來住咗個雙目失明嘅伯伯, 我亞媽見到佢揸住支(地拖)棍, 棍下面釘咗好多釘, 我亞媽同佢講叫佢唔好再揼地, 個伯伯又聽我亞媽講, 無揼個幾禮拜。個幾禮拜後又再揼, 我哋又再忍, 忍無可忍時, 我亞媽又再走上去講, 又停咗個幾禮拜, 如是者不斷重覆...就連去房處投訴都無用
唔知隔咗幾多年, 突然靜咗幾個月, 我問亞爸個亞伯係咪搬走咗, 原來個伯伯晒衫時跌咗落街去咗, 亞爸怕我驚, 所以無講。知道唔問啦, 我間房係露台, 個窗就係佢跌落街個位
又隔咗一排, 半夜會聽到好清翠嘅扣窗聲, 我住十一樓架, d咁環境梗係大被蓋頭瞓啦。之後間唔市又返黎扣下我隻窗。又隔咗好幾年, 有一晚比亞爸鬧完, 心情唔好, 佢又半夜走黎扣窗, 我終於忍唔住破口大駡, 立即無晒扣窗聲。之後佢仍然斷斷續續返黎扣窗, 每次鬧完佢就停, 雖然我知佢無惡意, 但係都唔好半夜黎玩我丫...
[ 本帖最後由 ハマナス 於 2008-8-1 14:00 編輯 ] |