有幾多人驚曱甴?

原帖由 prodorothyhkg 於 2008-7-9 10:05 發表
我老公都驚架,所以有支殺虫水放就手地方,我唔係好鍾意用殺虫水,愛用拖鞋,見一隻殺一隻

你都幾狠喎~

早兩年既經歷, 問你驚唔驚~~~

驚魂夜 (2006-08-17 00:50 )

今晚...月無光, 夏風吹, 有一個穿T-shirt 牛仔褲的少女（少女?） 帶著急速的步履, 忘記了臉上的汗珠，跑到小巴站， 她一心只想早點回家：太好了，一上車十多分鐘就可脫掉鞋子嘆冷氣囉．

少女等呀等，突然感到右腳褲管內有甚麼東西在蠕動，正奇怪中，那東西就發出'擦擦'聲，少女立即兩手捉住大腿，大叫：

曱甴呀！！！！！

當周圍的人還在觀望時，小巴就到站，少女一方面很想上車，一方面又怕那東西一同跟上車，旁人還加把口：'唔係掛，邊有咁易搵隻曱甴走上身呀... ...有曱甴就唔好上車喇... ... 喂！咪阻住後面上車啦'...
少女只好保持獨特姿勢跳上車，並跳到前座向司機求助，司機說：'幫唔到你喎'... 少女無奈, 唯有自救, 少女不停跳了幾下，司機就叫：'咪跳啦，佢唔出來都無計架'．就在那刻，一隻大大隻鬆毛鬆翼的小強從少女的褲管內滑了出來．少女立即跳到椅子上說：有無人幫幫腳呀？！當下終於有個見義勇為的男乘客走上前兩腳送小強歸西．眾人隨即拍掌恭喜一番，驚魂事件告一段落．

唉．．．點解最怕既野咁都中到架？！如果咁既運氣買六合彩中到＄68000000就乜都得啦！

個時你一定好驚喇,
d乘客真係有d無良,
叫你唔好上車,
好彩有個英雄救美既大結局

有次打風(要特別小心，D曱甴好似食左K仔，唔驚人，周圍飛!)
俾隻曱甴飛左上身，一掌拍佢落地(最快速度)
見佢暈暈地，即刻補多腳 !
諗起都核突

原帖由 cross 於 2008-7-9 09:48 發表

- - 我都好認同
通常係中學地方
d女仔唔知扮野定係咩..一見野飛入黎或是曱甴果d一定尖叫
有d隔成條街見到隻蜜蜂都......
最搞笑係當少人或同佢獨處又唔會咁喎
我覺得呢樣係學校比女同學學的東西之一
難道要咁先叫做 ...

有同感~~佢地真係唔知真定假~螞蟻同泥都驚~~最慘係胡蝶都驚~~所有長體加六足ge生物一經過佢視線都會發癲~但係平時份人係點佢又唔知…惡過獅子…港女係唔同d…

[ 本帖最後由 阿晴 於 2008-7-9 11:08 編輯 ]

原帖由 阿晴 於 2008-7-9 11:01 發表



有同感~~佢地真係唔知真定假~螞蟻同泥都驚~~最慘係胡蝶都驚~~但係平時份人係點佢又唔知…惡過獅子…港女係唔同d…

有d女仔係比較做作,
楚楚動人麻.

我個女同學
有隻蝴蝶係佢面前成米遠地方度飛緊, 係度尖叫+手舞足蹈..........

我都試過同貓玩玩到有隻小強入左褲管
足足發左癲半粒鐘

有時貓仔0係出面擔小動物返黎~~我見過貓追曱甴~玩得好瘋狂~~跳跳下~~不停lo手拍~~不過可能佢覺得得意~

大家知唔知咩叫牛蜱?會咬住動物皮膚唔放,係咁吸其血,咬其肉,三年唔吸血都唔死既牛蜱,我好驚佢地
而前幫狗鏟毛,點都會唔小心鏟埋隻牛蜱度,大粒個d女會即時拍一聲爆左,仲有好多血流出
好多時一隻小型狗身上都會有好多,過千都有,大大細細一家百口幾戶住埋一齊,一齊食野,一齊比人鏟爆(大粒),外人唔知仲意為鏟傷左隻狗
到沖涼個陣,一濕水,牛蜱即時現形,太多的話,我會即時行開,由其他同事補上

原帖由 阿晴 於 2008-7-9 11:01 發表



有同感~~佢地真係唔知真定假~螞蟻同泥都驚~~最慘係胡蝶都驚~~所有長體加六足ge生物一經過佢視線都會發癲~但係平時份人係點佢又唔知…惡過獅子…港女係唔同d… ...

- - 就算係對住同一樣野
對人就會尖叫
冇人就會自己打死
我有時懷疑d人係唔係有精神分裂

如果屋企發玩強踪, 我就會去拎定枝唧唧裝男威寶, 見到呀強就射佢地, 中左佢地會即刻係地下度典黎典去~
如果再噴多幾下, 等一陣佢地就game over架喇, 清理現場時好好多.
聽聞佢地遇到會起泡既清潔用品都會死架wor

我一定唔會踩落去- -
因為扁哂個樣仲恐怖
同埋好似話踩完佢地d蛋蛋仲可以生存好一段時間嫁
如果係街我就會踩囉,但係係屋企就一定唔會啦
容乜易請走左個呀媽佢又有幾個仔女黎嫁
到時仲死
殺虫水果d佢地都會進化嫁
第時下一代就會唔怕果隻殺虫水嫁啦
所以我依家會用消毒火酒
噴佢地幾下就會自己反肚嫁啦
不過要小心,可能佢地會痛得濟而亂咁衝嫁
所以要打醒十二分精神,
如果發現未死得就噴多幾下啦
我覺得咁樣又可以消毒埋喎
又唔使踩扁佢地整污糟對鞋,收拾佢地屍體果時都方便d啦
用張紙一鏟,倒落廁所一沖,就可以同佢地講拜拜了

我咁樣會唔會好癲呀- -,
因為我覺得佢地真係好核突,諗起都打冷震呀
所以誓要見一隻殺一隻!

原帖由 everydayfan 於 2008-7-9 13:05 發表
如果屋企發玩強踪, 我就會去拎定枝唧唧裝男威寶, 見到呀強就射佢地, 中左佢地會即刻係地下度典黎典去~
如果再噴多幾下, 等一陣佢地就game over架喇, 清理現場時好好多.
聽聞佢地遇到會起泡既清潔用品都會死架wor ...

我果次去同學天台果度
食食下野走左3隻曱甴出黎
我即刻用滴露,呵呵
佢地真係好煩囉
女既係度叫,男既係度驚- -
我其實都驚囉,但係我知道驚係無意義的
到我出手果時佢地又係度話好慘呀<---指隻曱甴
咁慘你又唔攞佢返屋企養....
跟住我用滴露淋隻野果陣佢地又係度叫我唔好淋咁多
浪費喎,真係好無奈

其實我有諗過如果漂白水唔知得唔得呢?
因為好似平d丫ma,同埋應該都可以殺菌嫁呵??

原帖由 小孩子 於 2008-7-9 13:18 發表


我果次去同學天台果度
食食下野走左3隻曱甴出黎
我即刻用滴露,呵呵
佢地真係好煩囉
女既係度叫,男既係度驚- -
我其實都驚囉,但係我知道驚係無意義的
到我出手果時佢地又係度話好慘呀 ...

= = 用漒水仲快靚正

頂！23樓係邊個？我剛剛由下面碌番上上面D post....  邊個咁冇人性 post 張相出黎！

嚇得我差D叫出聲！我而家唔敢再向上碌啦！

邊個？講！

[ 本帖最後由 虛宿寶瓶 於 2008-7-9 13:29 編輯 ]

原帖由 虛宿寶瓶 於 2008-7-9 13:28 發表
頂！23樓係邊個？我剛剛由下面碌番上上面D post....  邊個咁冇人性 postv 張相出黎！

我地的版主大大

水母？乜搵D咁嘅野攪呀！

睇埋D字你仲驚!

我係唔會再碌上去嘅！差D嚇爆膽！

水母！你嚇死我啦！

你唔碌上去就睇唔到更精彩既內容喇