好灰...請容許我宣洩一下...

最近我有個朋友搬屋
仲係買樓嗰隻，幾經辛苦，張羅左一成首期
按比銀行九成!!!!!
裝修3xxxxx，唔夠錢，又問財務公司借多2xxxxx!!!!!!
個仔又唔好彩患重病
你估吓，依家你灰定佢灰?
唔夠錢、唔鍾意地點咪慢慢搵囉
期間就當儲錢
到真係搵到地方，咪買D好嘢獎勵吓自己
咁樣諗會唔會開心D?
你仲有家人，屋企可以番，其實已經係一件好幸福嘅事!

記住同D花淋水呀，佢地枯死左，你仲灰呀!

[ 本帖最後由 C702 於 2008-7-3 09:47 編輯 ]

人生不如意事十常八九……有乜事上來呻下，傾下，輕鬆下lor

原帖由 C702 於 2008-7-3 09:02 發表
最近我有個朋友搬屋
仲係買樓嗰隻，幾經辛苦，張羅左一成首期
按比銀行九成!!!!!
裝修3xxxxx，唔夠錢，又問財務公司借多2xxxxx!!!!!!
個仔又唔好彩患重病
你估吓，依家你灰定佢灰?
唔夠錢、唔鍾意地點咪慢慢搵囉
期間就當儲錢
...

所以話只要你未死講冇出辛苦或冇乜冇物呢兩個字
其實已經擁有很多了

搵倒啦~~ 搵倒啦~~ 搵倒啦~~
今日放工~~ 即飛入元朗~~ 一口氣極速睇左 3間村屋...咁就租左其中一間啦~~ 夜mama...其實唔係睇得咁清楚~~ 希望自己冇決定錯誤啦~~
其實我未住過村屋架....新環境.....一個人住...我又超細膽... 怕且都要好長時間至適應啦~~
係呢度~~ 要再次多謝花友們~~ 你地嘅說話...比左唔少力量我架.....以後嘅日子可能冇想像中咁容易..... 但係我都會努力咁去過架~~

元朗邊度呀，講唔講得架？

恭喜晒！

我地呢到有好多元朗人，日常生活所需，邊到食野好，邊到買野平都可以俾 d 意見。互相照應嘛！

不過一個人住小心治安，去街唔好去到咁夜呀！

喵喵草，首先恭喜你搵到新屋
村屋最啱花友住，係天台定地下?中間就......
一個女仔住真係要小心出入呀!

元朗有啲太過平租就要睇清楚呀，所以想問吓位置啫。

以上咁多位都講得好岩,一個女仔住村屋真係要小心d~
唔好去咁夜街,入黑返屋企時,留意o下四周有冇陌生人跟住你~
認識o下鄰居,問o下附近治安係乜野情況~
夜晚返屋企開門時,望清楚四周有冇人,快快手開門入屋即刻鎖門~
門匙要擺o係就手位,唔好去到門口至摷一大輪~
門窗要確保安全,唔會輕易比人爆開~
我都好細膽,所以成日諗埋呢d野~

搵到新屋啦！恭喜晒！
祝新生活愉快！

原帖由 Monse 於 2008-7-8 01:54 發表
元朗有啲太過平租就要睇清楚呀，所以想問吓位置啫。

係西鐵站隔離d圍村囉....住開元朗嘅花友...應該估倒係邊啦....

原帖由 ChrisTsui 於 2008-7-8 03:20 發表
以上咁多位都講得好岩,一個女仔住村屋真係要小心d~
唔好去咁夜街,入黑返屋企時,留意o下四周有冇陌生人跟住你~
認識o下鄰居,問o下附近治安係乜野情況~
夜晚返屋企開門時,望清楚四周有冇人,快快手開門入屋即刻鎖門~
門 ...

chris~~ 你咁講.....我仲驚呀......條村係雜左d...不過, 尋晚8點鍾..都仲好熱鬧下.....又靠近市中心..應該ok掛.....anyway~~ 多謝大家~~ 我會小心d架啦~~~~

原帖由 C702 於 2008-7-8 01:43 發表
喵喵草，首先恭喜你搵到新屋
村屋最啱花友住，係天台定地下?中間就......
一個女仔住真係要小心出入呀!

我租嘅係舊式村屋...冇露台...仲要係4樓.....要行餐死呀....... 聽日請左兩個鍾頭假....早小小入去, 再去睇清楚d..同簽埋正式租約.....

你地都叫我出入小心...其實我反而好驚有老鼠, 小強呀..果d.....

唔使驚喎，呢D野村屋超級多
慢慢你就慣
其實我之前都住過元朗
租平多野食
田中、超辣車仔麵、桂林米線、B仔甜品............
諗番都一地口水
你屋企附近仲有大形燒烤場可以招呼朋友，正

原帖由 C702 於 2008-7-8 23:03 發表
唔使驚喎，呢D野村屋超級多
慢慢你就慣
其實我之前都住過元朗
租平多野食
田中、超辣車仔麵、桂林米線、B仔甜品............
諗番都一地口水
你屋企附近仲有大形燒烤場可以招呼朋友，正 ...

唔好嚇我呀~~ 我好驚老鼠架~~ ....係4樓...應該....冇咁易爬上黎掛....

原帖由 喵喵草 於 2008-7-8 22:31 發表


chris~~ 你咁講.....我仲驚呀......條村係雜左d...不過, 尋晚8點鍾..都仲好熱鬧下.....又靠近市中心..應該ok掛.....anyway~~ 多謝大家~~ 我會小心d架啦~~~~ ...

唔係嚇你呀~
總之一到夜晚四周冇人時,就要提高警覺~
可能我自己有陰影啦~
大約十年前,我同ex試過係中環遮打花園比刀賊從後突襲~
當時只不過係晚上十點左右,離遠仲見到有路人行緊~
從今之後,我對黑夜獨行既警覺性特別高~

原帖由 喵喵草 於 2008-7-8 01:08 發表
搵倒啦~~ 搵倒啦~~ 搵倒啦~~
今日放工~~ 即飛入元朗~~ 一口氣極速睇左 3間村屋...咁就租左其中一間啦~~ 夜mama...其實唔係睇得咁清楚~~ 希望自己冇決定錯誤啦~~
其實我未住過村屋架....新環境.....一 ...

真好, 又有自己的空間喇 ~

我知邊到喇，但係從來未試過行過個邊。
感覺屋對屋，好迫，好處係你一大聲叫實有人聽到，雖然救唔救你係另一件事。
身邊帶定防狼器或掛定個袋到啦！

介紹肥仔腸粉俾你，d 腸粉滑滑，d 魚蛋又彈牙，好好味！