打手工皂用的攪拌器

有花友問我應選擇手動還是電動攪伴器打手工皂．

其實沒有絶對用那種攪伴器的，要先看個人需求和考慮因素．以下有少少個人認為有用的考慮因素，供大家討論及分享下：

１．手工皂配方
如果是一般不會太難trace的配方(我設定為30分鐘內可 trace的配方)，手動攪拌器是可以的．
如果經常會打些很難 trace 的配方，如100%橄欖油皂，有可能要考慮電動了．

２．手力
自問有番咁上下手力，又唔介意打出來的皂有氣泡，手動攪拌器對我來說是足夠了．（打鉀皂我也只是手動，所以不能拿我做標準，因我係傻的~ ）
有本地和台灣出名的打皂老師也跟我同一想法，就算72%橄欖乳皂，大家仍堅持手動．　有人甚至覺得手動出來的皂洗感較優呢！我個人無試過電動，無法比較．
有朋友有網球肘，手動對他來說會傷手，所以用電動．有朋友只求快，所以用電動．

３．工具數量和清潔
唔想買多樣野放在家，這是很多人堅持不買電動的原因．
我仲衰，怕洗多樣工具．不要以為買了電動攪拌器就不用手動攪拌器打皂，其實打皂過程係２種都要用的，只有中段一個短時間用上電動攪拌器．

４．錢！

我自己會視乎打咩皂...
因為我係中意用手動打皂，所以，鈉皂我都用手動打....就算老祖母我都中意手打，我喜歡睇到皂糊既變化，享受觀察慢慢皂化既過程。

但做鉀皂我就會用電動，因為我無水母大大咁傻....我只屬小傻...
我第一次做鉀皂係全手動，無耐性攪到佢變太妃糖.....就不斷加熱...加熱....攪到傻....

之後每次做鉀皂都用電動....

正如水母大大講既一樣，用電動都要加埋手動架，唔係用電動就全程唔洗用手攪架...

我只會在玩渲染時才用機打.夠快..玩完就算..
但打比自己同家用既愛心手工皂..就一定全手打..試過打一個配方打左4個鐘. 唔知邊方面錯左...打到手斷..!!結果出黎效果很好. 大家都喜歡用!!

我返而覺得電動打蛋器比手打更多氣泡, 所以都是喜歡手動! 可能我不似水母咁有摩打手吧. 哈哈!

如果用機打，係咪一定要大大支棒果隻機㗎？尋日手打72%橄欖皂要喪打一粒鐘，開住冷氣都標哂汗，一路打一路諗，唔知用迷你果隻打奶泡機打皂得唔得呢？遲啲去買支試驗下先，反正廿幾蚊唔得就算

 jellyfishy打泡機梗係唔得啦. 比手打更... 唉... 你自己諗下work 唔work 啦.  發表於 19 分鐘前

係牙……咁可以死左條心了

siuho331 發表於 2013-9-11 13:48
如果用機打，係咪一定要大大支棒果隻機㗎？尋日手打72%橄欖皂要喪打一粒鐘，開住冷氣都標哂汗，一路打一路 ...

最好是用攪拌棒,blender.
電動打蛋那隻是mixer,不夠力,而且會有產生很多氣泡.
打咖啡那隻用電池操作的用來打面霜就差不多.

我打皂係手動和電動兩樣兼用.
初段和尾段用手,中段用電動.
我有朋友堅持全程用手打,因為做出來的皂比較少氣泡.
我自身因手肘有勞損的限制,所以不能全用手打.
新手我絕對建議全程用手攪拌,一來可以有機會觀察皂液的變化過程,二來容易控制.如果一開始就用電動,很容易會over trace.
我看打皂是一個藝術,每次都是一個創作的過程,當別人捧著和使用你的製成品,他們會感受到你花的心血和時間,這是一般市售產品所不能給與的.

sausau 發表於 2013-9-11 15:11
最好是用攪拌棒,blender.
電動打蛋那隻是mixer,不夠力,而且會有產生很多氣泡.
打咖啡那隻用電池操作的用 ...

我尋日打的皂今天脫模了，可能打得太勁，後段又冇減慢消泡所以好多氣泡……等我post出來先^^

今日買左部德國佬打鉀皂，本來有d想用牛頭角靚姐買部平貨，但係上靚姐堂時佢都有提過要錫住用，因為燒過，所以都係買德國佬，一年保養，合理價……

水母打羽毛球的摩打手，非一般女仕能及！