巴西龜龜 ( 又post左新相 )

原帖由 jacky 於 2008-6-20 11:10 發表
大硬綿可以係邊度買呀?

魚街好多

我都試過養一隻巴西龜, 因為個缸細所以冇用綿, 淨係有舊石, 水位就差到龜殼頂, 我係用紅蟲用牙籤黎餵佢, 餵得多就唔驚我, 仲越食越開胃. 跟住就比下其他野食比佢食(乾蝦、乾糧)

我用左jonathanku所提議ge設計
post相先  ^^
佢地都好快開口食野
適應得好快  ^^

有冇同佢改名呀, 我嗰隻叫 '小炳' ,佢係我老細個女養唔掂3隻死淨1隻要我養, 比我時老細已經話佢唔係點食野, 我就用紅蟲用牙籤黎餵佢. 跟住食開左就唔使咁大爺啦.

點解叫小炳係因為我係公司養的, 有時火火地會爆句 "頂~小炳丫", 佢聽到次次都'另'個頭黎望住我, 所以就叫佢小炳o勒.

係仲有佢食完野一陣就好清左佢換換水, 唔係就好唔衛生右啦, 會病架.

換左水lu
佢地兩隻野都好鬼大食
我買左一包魚仔比佢地 ( 係魚群 )
我剛剛起身已經冇左一半

影倒佢ge睡姿

咁得意，見到都開心add6icon

珍珠龜嗎?

我果兩隻越黎越大 =..=" 大食之餘, 又柯得多, 要一日換一次水
唔係個缸會臭過屎坑 =..=

原帖由 jonathanku 於 2008-6-30 09:20 發表
咁得意，見到都開心add6icon

我朝朝見倒佢地都會笑一笑  ^^

原帖由 chankali 於 2008-6-30 10:59 發表
珍珠龜嗎?

冇錯..係珍珠龜同巴西龜仔  ^^

原帖由 IVAN 於 2008-7-1 22:33 發表
我果兩隻越黎越大 =..=" 大食之餘, 又柯得多, 要一日換一次水
唔係個缸會臭過屎坑 =..=

佢地大食我極之同意  = ="
佢地好似食極都唔飽咁 = ="

最好控制下佢地的食量，龜仔的消化系統未盡完善，食少好過食多。
最好少量多餐，即份量少，但分好幾餐。
加油啊！add14icon

你好!  其實我都養緊3隻水龜, 由龜 b 養到現在已經 3 年有多, 相當健康活躍, 見你咁用心去養龜, 所以想分享吓養龜的經驗, 希望不要介意
1. 關於龜 b 的飼料, 如有時間可上網 search 吓資料, 牠們不能吃太多的 protein, 而你給太多小魚牠們吃, 那全是 protein , 很不健康的, 小魚只應間中喂飼, 還要其他食物如龜糧, 蔬菜或水草, 鈣質食物 ......等等, 才是均衡餐單. 要趁早調教, 否則牠們會養成只吃鮮肉的扁食壞習慣.
2. 不應將巴西龜和珍珠龜養在同一缸內, 巴西龜是游泳健將, 水深不是問題, 但珍珠龜是澤龜, 即生長在淺水河边而不善游泳, 所以養牠水要淺, 看你的 photo 珍珠龜好像要 gud 高能才露出鼻孔呼吸, 時間長了牠會很累的.
3. 那個海綿陸地太小了, 要留意是否經常給巴西龜霸著陸地晒太陽, 而令珍珠龜不敢上去晒甲, 要知道龜龜每天要在陸地起碼數小時來晒乾龜甲, 長久不晒甲會令甲片霉爛, 尤其是龜 b 其甲片有待吸收太陽光中的 uvb 來強化骨骼, 更重要是 uvb 才可令牠們吸收食物裡的 vitamin d, 而且太陽的熱能可以調節牠們的体温來進行代謝, 所以一定要令牠們每天都有晒甲的機會!

越講越長氣添 , 如你有興趣才繼續研究吧!  仲有仲有, 龜 b 要吃龜 b 糧, 你看牠們的咀咀小得可愛, 提議你往魚街找找, 有些像六神丸那麼小的就對了, 那些稍大一點的粒狀糧, 要用水浸軟扡們才能吃啊!
祝你的龜 b 健康快樂

P.S. 那缸子似乎太小了, 龜龜有很強的地盆心態的,

果個缸我諗住養大少少先比佢地換大缸
我怕佢地未適應唔肯食野
而家我已經換左落大缸lu
同埋魚我係比佢地試下食唔食
而我主要都係比粒狀糧同菜佢地食
我都有比太陽佢地晒嫁  ^^

給你參巧這個重要的 turtle 網站, 雖然全是英文但資料很有用, 也希望其他養龜人士都看看, 從而對養龜有基本慨念, 減少養死龜 (因多數人都興緻教教地用十元八塊買小龜們回家逗小孩開心, 而不知道其實養龜是一門學問, 買回家後不久就嚷著小龜仙遊了!)
http://happyturtle.ms11.net/

我有樣樓主養既龜!我都有呢個問題!又係吾肯食龜糧我見到佢冇乜d旭我驚佢會掛!我驚會係金魚街買左病龜番黎!!!