逾60%洗髮產品 含濕疹元凶

【本報訊】最近被指為濕疹元凶、遭世界權威醫學組織呼籲禁用的兩種防腐劑MI和MCI/MI，據《蘋果》統計，本港四大零售連鎖店出售的573款個人護理用品中，多達六至八成洗髮水和護髮素含有該兩種防腐劑。有專科醫生指，近兩年求診病人中，有六成對MI或MCI敏感，情況嚴重，患者應停用有關產品。
記者：梁御和　梁智豪

結果發現，近四成產品含有MI或MCI；三成無標示成份，如強生（Johnson&Johnson）、碧柔（Biore）等；三成不含該兩種防腐劑。
其中，洗髮用品最普遍使用MI和MCI，在133款洗髮水和79款護髮素中，多達62%含有關成份，包括大眾熟悉的品牌如Clairol（草本精華）、Head& Shoulders（海倫仙度絲）、Pantene（潘婷）、Rejoice（飄柔）、Vidal Sassoon（沙宣）等；另有17%無標示成份，即合共有六至八成含有MI或MCI。
沐浴露、潔手液、護膚用品（如潤膚露、面霜、面膜等）含MI或MCI的比例雖低於三成，但卻有四成產品無標示成份。其他日常用品如濕紙巾、染髮劑、油漆等，都會使用MI和MCI。

節錄自蘋果日報....原文請看蘋果新聞

記得我老公以前不停甩頭皮屑，換好多洗髮水都唔得，得既就一開始ok，用第二支開始又甩過。
後來去旅行特登唔帶佢用開既，迫佢用手工皂，咁佢先開始用黎洗髮...
但用左兩三次就無晒甩頭皮屑，應該都係同洗髮水中既化學野起敏感反應喇...

往後濕診患者求助，都會特別強調，唔好用洗髮水淋浴露，柔順劑等等有機會接觸皮膚既物品...

商人為了賺錢，跟本不理會人的生命。

手工皂友可以避開了這個問題﹗日後若有報導基底油出事就PK了。

jellyfishy  男丁未肯用我的洗頭皂或皂液呀~ 旅行時就肯囉, 回家唔肯~ -,-

男丁皮膚無問題咩....
我老公皮膚好敏感，外邊D野無幾多隻佢用得，用過我D皂唔洗再搵皮膚教非，所以肯用囉...

皮膚有問題既人比較容易接受....

cklife 發表於 2013-7-24 17:25
jellyfishy  男丁未肯用我的洗頭皂或皂液呀~ 旅行時就肯囉, 回家唔肯~ -,-

男丁皮膚無問題咩....

男丁都無知覺既～　上星期北上打波，佢用左酒店的洗頭水，第二日成頭白雪，我勁串佢好核突，佢好似無乜知覺，仲笑笑口 R 頭，個下好想打鑊佢～　

mono  我同屋主之前唔肯用，之後我無買任何洗頭水，沖涼液。佢又懶去買，而家話用咗頭瘡好返晒。所以照用。  發表於 7 小時
------------
可能好多人對自己皮膚觸感無乜知覺，或好無要求～　

剛剛整左支沖涼野比奶奶，佢每次沖完涼都抓個心口，依兩日見佢抓到損晒...

以前比皂佢用，全部都放到變壞晒，我都無心機再整比佢...
依家佢要人照顧，無得反抗，係時候用我D野喇...嘩..哈..哈....無得反抗..

我唔用洗頭水, 會用埋沖涼液洗頭, 因為我發覺而家啲洗頭水滋潤過頭, 連我啲中性偏乾嘅都厭佢立. 其實我都好想好似你哋咁自家整皂, 未有時間爬文, 又覺得材料好難買咁. 而家洗碗已經用茶子粉+其他粉類, 最好連洗衫嘅都可以自家整.

宜家好多人都覺得少少頭瘡，少少油脂粒，少少濕疹，皮膚乾全部都係正常咁。。。

有無花友用開茶子粉???