新手景天數問：造形及徒長問題

玩了多肉約半年，但造形及徒長問題仍處理得不好，想請教一下各位大大。

1. 例如新買番黎的石蓮，好多時好快(幾日)便開始「變形」，葉形由向上的緊緊密密，變成外圍的葉開始向下散開。是否正常？

有人話因為花場出產時有膠套包住，拆左膠套所以打回原形。真的嗎？

2. 徒長的問題。有一棵半年的紫珍珠，及4個月的觀音石蓮，都徒長嚴重。長高、葉片分佈疏、不向上挺。
放的位置係向東的窗台，可以話基本上由日出到中午都有幾猛既陽光直射。是否仲唔夠呢？真係要種室外/天台，由頂晒落黎晒足全日先會好？
控水方面約7至14日淋一次，睇情況，有時想再淋少d，但下層的葉又會開始皺，局住要淋，又怕淋得多會徒長…….

其實淋水是否會造成徒長呢？真的要好乾先會keep 得較好？

請指教一下，謝謝。

我個人感覺唔關多水事....

係可能陽光側射/唔夠光先會徒長....

我一直感覺頂晒落黎晒足全日先無咁易徒長 (但可能有機會哂傷...要遮一遮....).........但石蓮徒長感覺是無可避免.....屬自然生長....

如果不想徒長...可試下吉娃蓮....我種了很久都不覺它有徒長...

請放相片看看先喇!

相到，傷眼勿怪......

半年的紫珍珠，徒長嚴重.......






另一棵四個月的徒長石蓮，已被我作斬頭處理實驗.......




黑王子 (係嗎？)，購入後四天，外圍葉片已明顯向下散開...... 相信都難徒走樣命運




另一棵「多仔蓮」(請求正名！ )，養了個零兩個月，目前算KEEP 得較OK。雖然比起新買時，外圍的葉都有向下散開了少少，但就沒明顯長高、疏落。





我真心覺得傳統蓮花形的石蓮好難搞，好難KEEP 形！好似第一棵的紫珍珠、第二棵的普通石蓮、第三顆黑王子這一類。

買番來就算乜都唔做，一個星期已開始見到「走緊樣」，外圍的葉向下散開、再衰D既就向下反、跟住生高、徒長......

新買時明明D葉係又硬又挺又向上撐起，我好想知道花場係點樣做到？是否真的要好勁的太陽由頂直射落去？或靠落矮化劑？


以前都有問過幾個有玩的人，有D 答我只係花場出貨時用膠套包住，所以造成葉片向上包緊撐起的靚形，所以番來拆左膠套就會打回原形，屬正常反應。佢咁諗因為佢都遇過好多，而又無法解決。

我自己就半信半疑，因為睇一D野外都相，都可以KEEP 到靚形，而唔係什麼用膠套包住去人工造成的理論........


希望各位指教一下。

這類肉質要全日強日照。
室內種一定徒長。
現時休眠。

睇完相.....見你種得幾靚ar....徒長得來都仲有美感....

但我個人都感覺唔關多水事....

係可能陽光側射,或仲未唔夠光先會引起徒長....

我一直感覺頂晒落黎晒足全日先無咁易徒長 (但有機會哂傷...可能要遮一遮....).........但石蓮徒長感覺是無可避免.....屬自然生長....

水晶掌, 吉娃蓮就好似無咁易生長......雞蛋玉蓮就唔知易唔易生長....

水晶掌, 吉娃蓮, 我都種了很久都不覺它有徒長...

唔係啦，種得好醜就真……組合的一盆時間較短，未走樣而已。

紫珍珠現時咁熱唔太敢斬頭住，先斬綠色的一棵實驗下先。暫時斬左兩個星期左右，母株有很多側芽爆緊出黎，長大後可能會變成「多仔look」。

另外，「全日照」是指全日都有太陽「直射」？還是全日都「光猛」就ok呢？

如果是前者，我想香港都唔係太多花友有平台或天台吧？請教各花友如何做到？每日移位追光嗎？

其實我屋企都有露台，不過座向同窗台一樣向東既，一樣係日出至中午有太陽直射，下午無直射但光猛。

唔知拎出去露台會唔會好d？初種時怕淋雨所以無放過出去。

我覺，「全日照」是指全日都「光猛」就ok

我覺如果要D景天科一放出去...一陣淋水...好易死...我都唔係好敢試

我d多肉有部份放室內，有部份放露台，座向是西南偏西一點，下午1時以後是超強光，養了多肉兩年多，蓮花狀的景天（如黑王子，紫珍珠等）是沒有長高但有像蓮花般打開，月美人（不知是不是花友所講的雞蛋玉蓮）長得不錯，有長高但沒有掉葉，葉子也很肥大，它不能多水的。而千佛手好像比其他的多肉要多少少水，否則會皺。我的青雲之舞放室內，也是要一星期兩次水。我的所有多肉全都避免淋雨，去年大部份也成功渡夏，這些是根據觀察我家多肉的結論，有錯請見諒

ahgeeinheaven 發表於 2013-7-5 12:14
我d多肉有部份放室內，有部份放露台，座向是西南偏西一點，下午1時以後是超強光，養了多肉兩年多，蓮花狀的 ...

千佛手我一星期比一次水...有少少長高左...但都仲好似成個波咁...

請問你的月美人在那裡買的???

Melb 發表於 2013-7-5 13:38
千佛手我一星期比一次水...有少少長高左...但都仲好似成個波咁...

請問你的月美人在那裡買的??? ...

在這裏的出售版買的，讓你看看它們以前和現在的樣子





Melb  我想問下圖大到快好似跌出來...個石蓮...叫咩名???  

姬朧月

是不是要防止徒長, 要小心選擇品種?

ahgeeinheaven 發表於 2013-7-5 15:01
在這裏的出售版買的，讓你看看它們以前和現在的樣子

多肉葉片好靚好飽滿喎！

深色的兩棵係姬朧月嗎？

最近我試種百合科的有窗種物，感覺上唔使要好強光、無景天科的石蓮咁易徒長，觀感上又係差不多蓮花形。

有話可以淋多些少水不過我最近都搞死左一棵玉露，換新泥轉晒用赤玉土，換完淋一次水，過幾日就軟跟住開始爛.......

平時其他野換盆換完都會淋透一次新泥，等全乾之後再淋，估唔到佢一次都過唔到

ahgeeinheaven 發表於 2013-7-5 15:01
在這裏的出售版買的，讓你看看它們以前和現在的樣子

請問你係用乜野植料的? 好似石春咁既?

我家向西,夏天太陽由下午1 點曬到差不多6點,落雨要收去露台,有時都覺得幾煩咖~

corina 發表於 2013-7-6 08:43
我家向西,夏天太陽由下午1 點曬到差不多6點,落雨要收去露台,有時都覺得幾煩咖~ ...

咁你個D有冇徒長??

ahgeeinheaven 發表於 2013-7-5 15:01
在這裏的出售版買的，讓你看看它們以前和現在的樣子

都大O左好多下~~~~強壯左好多下添

Melb 發表於 2013-7-16 08:57
咁你個D有冇徒長??

冇,生得好靚,以下是2010舊照,可惜兩個月前落雨淋死咗~

corina 發表於 2013-7-16 10:49
冇,生得好靚,以下是2010舊照,可惜兩個月前落雨淋死咗~

觀音蓮?