泥種萬代蘭

今日買了一棵泥種的萬代蘭，場主話佢實驗試出佢的環境用泥種好過裸根，所以用泥種。

我見D 葉都好挺好硬又無皺，但我番來掘開睇下D 根，全部係啡色，唔係平時見的裸根氣根的綠色。係咪代表D 根爛晒？

請問我應該點做？

我想掉晒D 泥去，而家7月適唔適合重植？定由得佢，遲D 先？

如重植的話，啡色根使唔使全部剪晒去？但如果剪晒，佢應該會無晒根.......

呢個情況重植的話，用木框棵根、定用番盆用粗植料好D？

THX

泥？
其實萬代好粗生，我屋企果兩棵，一棵淨係得個膠籃，另一棵用膠蘭盆加粗芒骨，兩棵都生得OK同開花。

係，D 泥係培養土/科學泥黎。

咁呢個情況應該點處理好？

根系全部啡黑色......





有些白色的「突出點」，是要長出新根嗎？

泥本身乜色呢？咪系啡色囉。人地咁好地地。多一事不如少一事啦控制給水。泥心唔乾唔淋水

在網上看過文章，蘭花既根比較特別，佢有葉綠素可以進行光合作用，甚至說可以在根上長出新芽（我種得少，未見過），所以長在上面見到光既根就會比較綠，可能萬代蘭因為多數見人吊着種，d根生晒出嚟，所以你會見到根多綠色，而你這盆用泥種，根見唔到光，唔會變綠，只要根係泥黄色而壯實，唔係啡黑爛根就無問題

多謝回覆。

我本來影左D 相，一直都想覆POST，但覆完系統話要審核，叫我等，等極都唔見有POST 出黎。

根系全部啡黑色，軟、空心的多.......我諗，爛晒了。




有些白色的「突出點」，是要長出新根嗎？




這個狀態，又如何處理是好？

TESTING TESTING

多謝回覆。

我本來影左D 相，一直都想覆POST，但覆完系統話要審核，叫我等，等極都唔見有POST 出黎。

根系全部啡黑色，軟、空心的多.......我諗，爛晒了。




有些白色的「突出點」，是要長出新根嗎？




這個狀態，又如何處理是好？

請問這個狀態，又如何處理是好？

寄生植物,咪用寄生方式種植,係都要泥種,咪泥面上種囉,唔好人工泥土裹種ok哪.
唔用植料最好!

現在要怎樣救？使唔使把全部黑根剪去?然後怎樣谷佢出新根?求指教

邊條茂利教你用泥嚟種萬代，你以後都係認住佢，條友一定有問題。會種萬代一定唔會用泥。
宜家剪曬啲空心根，冧咗啡咗爛緊全部剪，洗乾淨棵花，吊係窗邊一日噴2次水。
如果一定要用植料千萬不要太濕，粗料便可。

如果又黑又軟又空心。真的爛根了。唯有剪去爛根。再改番用吊種吧。暫時唔好施肥。希望佢無事啦

邊個場講黎聽下，根都爛哂仲話試驗出泥種好D，正一害人

THANKS 各位師兄。

我打算聽日清D爛根、洗淨、殺菌、陰乾、再用素燒盆+粗陶粒種。希望救到啦。

我保留一些空心根/鐵線根，方便棵野固定，OK嗎？


以前有朋友都試過新年時買過D「泥種蝴蝶蘭」送比我..........番來開完花之後換晒，都救到。不過哥次又無所有根都爛晒咁衰........

個場係大陸的，其實見佢用泥種，我都一心打算會換走嫁啦。見D 葉無事，諗住都OK，買得。

真係諗唔到入面比佢搞到一條根都爛晒無剩咁大鑊...........

semi-alba講左你知救方法囉

如果覺得煩用水苔少少水苔就足夠,每晚一次水或二晚一次水,用細細隻膠梳盆仔吊掛種植,如果剪晒根(吊係窗邊一日噴2次水}好個粗陶粒植料盆,到了強壯起來,你用乜嘢方式種你喜歡.

先多謝各位意見。

自中招之後，翻閱了幾十條中外的Thread。其中有本地的「強迫生長法」、外地的「倒吊救亡法」、及針對萬代的「玻璃瓶養法」等。

我綜合了幾個方案，設置了如下setting：

瓶內放水提供濕度，但不接觸根部。再每日以人手噴水，提供乾濕交替。

今日第五日，原本白色的生長點，現已生長了一點點青色的根，進展不錯。往後有更新，再報告。