5690# chayote
而我呢?
n年之前在五金買淡水沙(河沙)
======================
sammyzoe 發表於 2008-12-24 16:29
黃花沙 定係 蟹沙?
昨日我去左幾間五金鋪,
想話買"黃花沙"........點知,
三間鋪既答案都唔一樣,
佢地既回答係咁既:
鋪一答:黃花沙!!我知係乜,不過而家好少人賣架喇,
我地而家賣既叫"蟹沙"係咸水沙黎架,
如果你用黎種野撈泥就唔可以用"蟹沙"咁會整壞d土架,
我地以前既年代做泥水既同種花既都鐘意用"黃花沙",
但而家種野既人少加上咸水沙都可以比泥水用,
所以而家多數都係賣"蟹沙",
如果你想係五金鋪買"黃花沙"就要小心喇,
唔係個個都識分"黃花沙"同"蟹沙"架,買錯就唔好啦,
你都係去花鋪買好喇.
鋪二答:黃花沙!!啊~~沙吓嘛,有有有,你想要幾多?
咩話?問我d沙係咸水沙定淡水沙?
車~~我點知喎,咸定淡咪都係沙,又唔係耍食落肚,有乜所謂喎,
番去搵水沖沖佢咪唔咸唔淡囉,細路女學人玩泥沙.
鋪三答:黃花沙!!我唔太肯定呀~~我入貨時佢話係淡水沙囉,
拿你睇下d沙淺淺地色又黃黃地,好乾淨好靚下架,
我唸係"黃花沙"掛,就算唔係都唔洗怕啦,
d沙係淡水沙唔會種死你d菜既,除非貨商騙我比d咸既當淡既黎賣啦,
不過你想安全d既我比少少你攞番去問下人啦,
問啱至黎買啦,其實沙就唔值錢既,只係托死人啫.
咁我心入面既問題就黎喇,
夠竟"黃花沙"同"蟹沙"係點分架?
一個係淡水沙,一個係咸水沙,
用錯左會唔會整死d植物架?
有無人有相可以睇到兩隻沙既樣呢?
等大家唔好買錯都好吖.
以下係"鋪三老闆"說既"淡水沙"影下既沙相,
唔知係咪就係"黃花沙"呢? |