棉花蟲好恐怖

前日係bun記買左盤迷你黃花，因為之前有同一品種仙遊左，買時已經頗細心咁檢查過，見佢好似冇乜問題，泥面冇野，d莖都好似冇野，今日得閒諗住換泥，點知摷佢出黎，成盤泥白色一點點，仔細d睇，有d白點陏下陏下，棉花蟲呀﹗成盤都係，果刻真係呆左，即刻斬頭，d泥連盤極速攞左出去掉。浸完洗潔精水，再浸殺菌水，但係手頭冇漂白水，唯有聽日再搞過。搞到我要同d工具仲有張枱，花盤消毒，好彩我其他d花花係外一個位到，但係一諗起個盤泥嘅情境，真係毛管都豎起晒。我以後唔會再買果度d花。

好彩前日同琴日買,返去即換盆...
無咩發現~~~

佢哋啲花放得咁近, 都係小心啲好~ 蟲蛋未必睇到架, 最好新買嘅花都係隔離~

原帖由 芝士波 於 2008-6-2 14:25 發表


好彩前日同琴日買,返去即換盆...
無咩發現~~~

bun bun剛剛果批好乾淨喎(馬生果架)
有虫虫都係死左
應該殺左虫先擺出黎買

都係唔好搏架．一定要第一時間換泥，隔離．唔係邊有２０皮咁著數．～一分錢一分貨呀．～

佢d貨新舊夾雜，咁多野撈埋一齊，好難講，我另外仲買左三盤都冇事，但係換到最後呢一盤，果一刻真係想死，我呢世人最驚就係蟲，仲要係成盤泥都係，我今日又冇帶手套，即係掂到d佢地，搞到我不停洗手，好大陰影，難得棵花仲開緊花，本來想成棵掉左佢，但係又唔捨得，我會將佢有咁遠放咁遠。我諗我都係剪定葉留種好。

嘩~~
換左盤~仲放埋左一齊tim~~~~
希望無事啦~~

原帖由 Vienne 於 2008-6-2 14:50 發表
佢d貨新舊夾雜，咁多野撈埋一齊，好難講，我另外仲買左三盤都冇事，但係換到最後呢一盤，果一刻真係想死，我呢世人最驚就係蟲，仲要係成盤泥都係，我今日又冇帶手套，即係掂到d佢地，搞到我不停洗手，好大陰影，難得棵花仲開緊花，本來想成棵掉 ...

如果佢成棵都係, 好可能隔離左近嗰啲都感染咗架喇~你隔離咗佢, 過兩三個月再check吓~

有時係花墟或花展買左d好靚既花
但返到屋企就唔得，好快玩完
可能因為咁

真係要多加留意

同佢一齊買果三盤，我全部都斬頭再種，必要時最多掉左佢，好彩我一向都將bun記買d花分開擺。

真係越睇越驚, 我都試過買過一次中招嘅, 而家專職插葉, 插到一屋都係等收成.

係唔係其乸(鼻涕蟲)?
仲有吃葉的小蝸牛.

原帖由 JackJack 於 2008-6-2 16:28 發表
係唔係其乸(鼻涕蟲)?
仲有吃葉的小蝸牛.

其乸好核突

如果見到其乸, 真係掉都掉唔切.

果條係乜黎，好核突，蚯蚓？鼻涕蟲我未見過，以前有個朋友住地下，d地毯成日有鼻涕蟲行過淨低嘅鼻涕，但我冇見過佢個真身，我諗唔係其乸，其乸係扁身，住係水度，有次阿媽買西洋菜，用監水浸果陣走左條出黎，冇相入面咁大條。

咦~咁係咪即係就算而家表面睇到好似清晒d棉花蟲, 但可能兩三個月後又再出過？

好核突呀! 比我一定掉左佢!

原帖由 JackJack 於 2008-6-2 16:28 發表
係唔係其乸(鼻涕蟲)?
仲有吃葉的小蝸牛.

好恐怖呀~～～，　其乸好似唔同鼻涕蟲，鼻涕蟲好似叫－活蝓．唔啱請指正．

我啱啱食緊梨，睇到即刻反胃。

好核突.