DIY 日本溫泉蛋

今日突然想試下整溫泉蛋, 最懷念在日本時食的溫泉蛋, 返到香港就唔係咁易食倒. 最好就係自己整倒啦. 食譜是參考"蘋果私家廚房 - CoCo 小 松 本 太 太" 之做法.

材料及做法非常之簡單
日本雞蛋 (白蛋或黃蛋一樣可以)
大頭釘或針

先利用大頭釘/針於雞蛋頂方拮窿  (這個步驟要小心. 不要粗魯, 要輕輕把針插入. 開孔後. 把針取番出來

然後將雞蛋放入一個碗中. 準備暖水(不是滾水) . 倒入. 把雞蛋蓋過 ,讓雞蛋孔裏空氣能排出. 如有蛋白絲便用筷子弄開. 要讓雞蛋孔前沒有阻礙. 待裏面空氣擠出後 (即是沒有氣孔排出) , 將暖水倒去.

然後準備重覆做以下步驟三次.   

準備煲滾的滾水 . 將滾水倒入有雞蛋的碗中  . 浸至待水變涼.  把水倒去.  跟住再加入滾水.
此步驟重覆做三次.

最後便可以用spoon打碎雞蛋殼, 將溫泉蛋倒出.  可自行以日本鼓油/醂油/木魚汁等拌食.  

我就第一次做. 做得未係最完美. 但試過隻雞蛋個心好軟. 好好味. 如圖.

食譜補充 :  
另一個做法都可以變成溫泉蛋. 用傳熱煲預熱水 60-80度之間. 熄火 跟住放入雞蛋. 蓋好蓋 , 待約30mins後拿出來. 一樣能變成溫泉蛋. 呢個方法我未試過. 因為要量住水溫唔方便. 所以冇做. 如果有朋友仔試過. 話番比我知係咪一樣掂.

[ 本帖最後由 sandy 於 2008-6-1 22:43 編輯 ]

溫溫下書見倒
流口水tim

原帖由 jacky 於 2008-6-1 20:38 發表
溫溫下書見倒
流口水tim

個味道真係好甜.好似糖心咁. 或且係因為用日本雞蛋原固呱

[ 本帖最後由 sandy 於 2008-6-1 22:59 編輯 ]

Sandy, 呢個好得呀...攪到人地又諗番起d日本美食添....

糖心唔記得邊個教過我整..

我見過人整係就咁放係六十度既水四十五分鐘就得......個旦黃完全唔硬.......一吉就流哂旦黃出來.
但係你個旦黃好似好硬咁.......

原帖由 peeseela 於 2008-7-19 01:31 發表
我見過人整係就咁放係六十度既水四十五分鐘就得......個旦黃完全唔硬.......一吉就流哂旦黃出來.
但係你個旦黃好似好硬咁.......

這方法係要有部恆溫機才可以, 我睇過話用合味道杯麵個吉杯, 放一隻蛋入去, 跟住加入熱水, 加蓋, 等到變凍就得,

要用合味道才得, 太大太細的話, 保溫時間唔同, 效果 無咁好, 不過都未試過, 唔知得唔得

原帖由 chris 於 2008-7-19 09:34 發表


這方法係要有部恆溫機才可以, 我睇過話用合味道杯麵個吉杯, 放一隻蛋入去, 跟住加入熱水, 加蓋, 等到變凍就得,

要用合味道才得, 太大太細的話, 保溫時間唔同, 效果 無咁好, 不過都未試過, 唔知得唔得 ...

咁等我次食完杯面, 試整隻旦做甜品先...

做得也不錯,淨係溫泉旦,我才食旦黃 add7icon

試下整先! 用黎送湯烏冬都好喎!

唔明點解要用針拮？
好似無乜意義，用滾水沖蛋，一样可以做到溏心。
只要水保持60-80度，放涼，再換水一次就ok。

試過將整隻蛋連同冷水一起煲放入內加熱，見到煲邊有少訐煙，熄火，焗10分鐘後取出，蛋黃流心，蛋白已凝固，比一般烚蛋較軟身，個人意見較吃得安心。