有意DIY潤唇膏,,但有好多問題

有意想玩下DIY..但係又有好多問題
市面上用係嘴唇上面ge產品
好多都有D成分係唔食得落肚..
所以想試下DIY潤唇膏

以下係我想要ge效果
1.軟到好似凡士林咁        (方便我撈埋D色粉,,當有色唇膏咁搽)
2.食得落肚
3.保濕
4.唔會好快變質        (至少放入雪櫃可以keep到半年)
(5.防曬&去紋)<可有可無

我大概search過覺得可以加呢D野..
乳木果脂-------質感滑膩, 穩定性高, 防曬
蜜蠟
玫瑰果油-------去皺
山茶花油-------穩定性高, 防曬
甜杏仁油-------滲透性高, 保濕
Vitamin E------抗氧化

大家可以比D意見嘛?有冇咩要加OR要減?
其實我完全唔知個份量,,比例大概係點XD--------------------------------------1
整左個成品出黎,,想杰身D可以加多D乜,,軟身D又可以落多D乜?-----------2
想成本低D,,可以改用乜or有咩料可以略去?------------------------------------3

聽你地講到係淘寶買料好高風險..
我又怕貴又怕周圍搵..
究竟淘寶有乜係買得過?----------------------------------4
或者香港邊度買可以齊全D唔洗周圍搵
係May(牛頭角)果度買又O唔OK?------------------------5
PS: 我有爬下文架,,但見你地講多數都係係海外訂,,真係唔知本地有邊間係信得過
主要有5條問題,,有冇人可以打救下我(CRY)　　些些@0@

淘寶有, suggest 買本台灣手工書, (EG. 去城品, 教晒你點做, very easy). good luck!

本地和外地, 我地都會去買東西的, 初學者易試下我們這裡帖內教的方法, 跟左一兩次先, 成功後再設計配方. 要唇膏軟唔難, 只係蠟的用量比例稍稍調低便可, easy easy~

我大概search過覺得可以加呢D野..
乳木果脂-------質感滑膩, 穩定性高, 防曬
蜜蠟 (最好用raw 個隻, 即係黃黃地無精製個隻)
玫瑰果油-------去皺 (易壞)
山茶花油-------穩定性高, 防曬
甜杏仁油-------滲透性高, 保濕 (都算易壞）
Vitamin E------抗氧化

---------其實仲有好多油適合做潤唇膏. 你找找我們的帖啦~　好些帖已解答到你問題的了．仲有，由於你係新手，未夠級數打開個別帖，只要你勤力一點show出你對大家的真誠和友善，好快你就會升呢並可以見到更多珍貴資料～

ccrabbit 發表於 2013-2-1 16:17
淘寶有, suggest 買本台灣手工書, (EG. 去城品, 教晒你點做, very easy). good luck!

我見好多花友都話,,淘寶買唔過..
請問你有冇話去開邊度買油?
指點下迷津,,唔該!!

其實我完全唔知個份量,,比例大概係點XD--------------------------------------1
search 我們的帖啦，前人已貼了不同配方和心得分享在帖裡．

整左個成品出黎,,想杰身D可以加多D乜,,軟身D又可以落多D乜?-----------2
你意思係cream ｏｒ潤唇膏杰身ｄ？唇膏的話，主要係蠟比例和油種選擇．e.g. 乳木果脂，芒果脂，可可脂這些係高穏定性硬油，平時溫度呈固體狀，軟油有好多，基本上你見到好流質的都是軟油．

想成本低D,,可以改用乜or有咩料可以略去?------------------------------------3
用大眾化的油種，一般都很便宜又好潤，如橄欖油／椰子油／ｃｐ麻油....


聽你地講到係淘寶買料好高風險..
我又怕貴又怕周圍搵..
究竟淘寶有乜係買得過?----------------------------------4　　
（哈！　咁真係間間店都有好有壞，好肯定有風險的）
或者香港邊度買可以齊全D唔洗周圍搵
（請看我的店舖資料，自行比較，貨比三家，好難三言兩語道出，不好意思，或留意我們之前的帖，也可找到當中玄機）
係May(牛頭角)果度買又O唔OK?------------------------5
（請看我的店舖資料，自行比較，貨比三家，好難三言兩語道出，不好意思，或留意我們之前的帖，也可找到當中玄機）

jellyfishy 發表於 2013-2-1 17:29
我大概search過覺得可以加呢D野..
乳木果脂-------質感滑膩, 穩定性高, 防曬
蜜蠟 (最好用未raw 個隻, 即係 ...

好好,,唔該曬~~
希望自己keep到股熱誠XD
如果本地買,,精油,基礎油大概要幾銀先叫合理,買得過?

有心發問的花友，我都會送分，以示鼓勵，也希望大家可以開開心心升呢，到時可以看到更多精彩文章．

以下係我想要ge效果
1.軟到好似凡士林咁        (方便我撈埋D色粉,,當有色唇膏咁搽)
唇膏係油膏既一種，我曾經都試過想調一隻油膏，軟到好似凡士林咁，但失敗左。
軟硬主要係用油和蠟比例控制，我調左幾次，係較軟油膏慢慢曾加植物油份量，但一去到唔硬實既程度，有九成幾既油膏係去到似凡士林，但永遠個面果層就硬左，即係分層...(果時係冬天)，我用既方法係液體植物油加蠟做，無加固體脂類，如果有人試到個分量成功既，唔該分享一下。
如果你唔介意有凡士林成份，加一部份凡士林會較易做出想要狀態。

不過，如水母講，如果新手完全未做過唇膏，都係正正經經跟人地配方做下，攞到經驗再自己做實驗。咁就算失敗左，都比較容易知道原因，而想玩咩花臣亦比較容易控制。

如果你只係想放便撈色做後其加工(即整定一堆，想加色先攞少少出黎)，其車可以挖少少油膏出黎，加熱溶左再加色。
我自己一般會用玻璃瓶蓋緊佢坐熱水，如果只係想整左放入唇膏盒(一格格果種)，就用鐵匙羮下面放蠟燭加熱。

我覺得你想要果種狀態，應該做cream比較容易，但唔想落乳化劑，可以參考下我依個實驗....用蜂蠟當做乳化劑，我係用水、植物油、蜂蠟三種材料，做出好似cream既狀態，但我係放雪櫃保存既，唔知室溫OK唔OK，但依個做法，絶對唔係新手或者初階DIY程度。有興趣既朋友都可以試玩，不過攪怑時需要一D耐性，同埋水份要少量少量咁放，唔係就好易會失敗。

2.食得落肚
咁就全用食得落肚既材料囉...(凡士林唔食得落肚)

3.保濕
油膏封塗係皮膚，可以阻止水份流失，己經有保濕作用。(除非你皮膚完全無水份)

4.唔會好快變質        (至少放入雪櫃可以keep到半年)
我未試過一般油膏放雪櫃可以保存幾耐，但我將植物油放雪櫃，係可以保存到半年以上，我估唇膏可以。

(5.防曬&去紋)<可有可無
防曬可以用有抗曬功效既油，不過抗曬度其實唔係咁高。

遲了2+年但照答是也:蜜蠟加入硼砂（Borax），或稱四硼酸鈉

蜜蠟加入硼砂（Borax），或稱四硼酸鈉(sodium borate)及水份丶精油後溝均會成cream狀。

elleko 發表於 2015-3-5 10:12
蜜蠟加入硼砂（Borax），或稱四硼酸鈉(sodium borate)及水份丶精油後溝均會成cream狀。 ...

http://zh.wikipedia.org/wiki/%E7%A1%BC%E7%A0%82

硼砂有廣泛的用途，可用作清潔劑、化妝品、殺蟲劑.

http://www.cfs.gov.hk/tc_chi/pro ... _rafs_fa_02_06.html

硼酸及硼砂的安全性


低濃度的硼砂在體內會轉化為硼酸，被身體所吸收。
人類如攝入過量硼酸，身體會出現中毒徵狀，包括嘔吐、腹瀉及腹痛。動物研究顯示，攝入大量硼酸會令動物的生殖能力及發育受影響。實驗動物不但會有睪丸病變，並且會出現不育情況。至於發育方面的毒害，動物研究顯示，除動物胎兒的體重下降外，其眼睛、中樞神經系統、心血管系統及骨骼亦會出現畸形。不過，目前沒有證據顯示硼酸具基因毒性(對基因有害)或會致癌。
聯合國糧食及農業組織∕世界衞生組織聯合食品添加劑專家委員會曾評估硼酸及硼砂的食用安全問題，認為這些化合物不適宜用作食物添加劑。

------------
個人不會用佢, DIY護膚的東西, 希望盡量天然.