吽花生麩一問

見到鄰居有好鬼多膠筒 , 扮傻問佢邊到買! 問問下.....可能佢覺得我好鬼煩! 即時比了超級大膠筒比我

本人問題....想問 : 我沒吽花生麩經驗, 如果去買20斤花生麩是否差唔多足夠了嗎 ? 其實吽大半筒好留些空間 or 一次過吽滿晒佢好???  

吽1: 15 / 澆 1: 7, 吽兩三個月?

一份花生麩.. 加十五分水..
間唔時放氣.. 唔係就會爆架啦..
兩至三個月後.. 拎一份花生麩水出黎.. 加七份水.. 先好用..
仲要用完淋水.. 唔係會引成堆蟲係田度


你個筒有幾多L???
因為我用五L 水筒.. 買左兩斤(市斤).. 都可以整到六筒喎..
若果係100L.. 計番個大約比例..
兩市斤對30L... 你果度要六至七市斤.. 即三公斤就夠..

(我個人鍾意分開細樽咁浸.. 因為易控制.. 出事都無咁大鑊.. )

豆腐仔 發表於 2013-1-21 00:30
一份花生麩.. 加十五分水..
間唔時放氣.. 唔係就會爆架啦..
兩至三個月後.. 拎一份花生麩水出黎.. 加七份 ...

先謝謝回答
剛剛星期日 , 落o左10斤花生麩粉+ 一包花生麩粒狀的
溝水1: 15 ,水位約達8成筒滿了。
個筒真係唔知是多少公升....估100L o瓜

個桶真係好大喎

我又唻問，我之前用水樽吽，密封佢，未得閒開蓋，唔夠一個星期就爆左，爆到就圍都係，又臭又核突比人鬧。驚驚。

想問如果用個5L 水桶吽，個頂平嗰d蓋，可唔可以留條＂嗱＂比佢透氣呢。因為要收埋吽，唔可以成日去放氣。

Karine 發表於 2013-1-24 13:07
我又唻問，我之前用水樽吽，密封佢，未得閒開蓋，唔夠一個星期就爆左，爆到就圍都係，又臭又核突比人鬧。驚 ...

睇下你用咩黎整喎..

若果純花生麩+水.. 1:15..
我依家有幾樽.. 最多可以頂到大約5日..
個樽會變型.. 脹晒.. 仲要企唔直會跌
(個樽係5L 漂白水樽)

若果係花生麩+骨粉+水 1:1:30
呢個配答... 要每日放氣.. 記住一定要每日..
正如我前日放左氣.. 尋晚收工又脹晒..
呢種會比用純花生麩+水臭好多..
但感覺上好似比純花生麩+水快發酵..
因為純花生麩+水要一星期先開始脹.. 但呢個配答兩日就開始脹..

(係厠所放左氣出黎.. 開埋抽氣扇.. 兩分鐘後仲有陣味係厠所未散.. ><)

講多少少先..
若果係用樽仔黎整..
我試過用氣水樽.. 同埋厚身O既津路茶樽..

茶樽可以脹到變晒型都仲未爆..
但汽水樽就爆左..
亦都試過用以前7-11 賣O既大和豆漿樽黎整.. 果種係最頂得住個壓力..
可以試下..

(若果真係好怕爆樽.. 可以係樽蓋加個壓力閥.. 以前養水草整過CO2 時試過用..
當壓力夠大.. D 氣會慢慢咁出黎.. 所以唔驚佢會爆.. 仲要係單向唔係雙向添.. ^^)

豆腐仔 發表於 2013-1-24 14:34
睇下你用咩黎整喎..

若果純花生麩+水.. 1:15..

大概係咁既桶, 來自 wc 網頁

想打個頂放支棍, 等佢走氣, 我會放田邊等佢慢慢吽, 如果放响屋企, 臭到管理處會意為我殺左人, 會入屋搜屍呀


(若果真係好怕爆樽.. 可以係樽蓋加個壓力閥.. 以前養水草整過CO2 時試過用..
當壓力夠大.. D 氣會慢慢咁出黎.. 所以唔驚佢會爆.. 仲要係單向唔係雙向添.. ^^)

呢個有興趣知點整喎, 可以透露多小小嘛, 謝謝

Karine 發表於 2013-1-24 15:02
大概係咁既桶, 來自 wc 網頁

想打個頂放支棍, 等佢走氣, 我會放田邊等佢慢慢吽, 如果放响屋企, 臭到管 ...

水樽蓋上鑽一個小孔。
就咁將個壓力閥插入窿度。
再用熱溶膠或。鋼塑固定就Ok。
不過要分清楚邊邊係出氣喎。單向架。

之前整果個CO2樽掉左。
搵日去買過個影張相先。
無記錯係賣十蚊樓下

其實當日都有影些相, ...現在都分享埋啦.

個藍筒真係超大...成個人都放得入, 最後花生麩+水後約滿達8成

Karine 發表於 2013-1-24 15:02
大概係咁既桶, 來自 wc 網頁

想打個頂放支棍, 等佢走氣, 我會放田邊等佢慢慢吽, 如果放响屋企, 臭到管 ...

唔大力擰緊樽蓋就唔會爆樽啦

我都有兩個1.5L 既汽水樽, 我每次放完氣之後就會壓扁D個樽, 壓咗多D空氣出唻, 比佢慢慢脹氣, 而家吽咗兩個星期, 仲可以三幾日先放一次氣, 不過唔知可以挨幾耐呢.... ^^"

Karine  好似佢無咩氣時就等於 "大器"已成咯 ~

咁等到"大器" 已成既時候, 仲要吽幾耐先用得?

elevala 發表於 2013-1-25 10:34
咁等到"大器" 已成既時候, 仲要吽幾耐先用得?

將1份花生麩粉放入15份水中，讓它在缺氧環境下分解，2-12個月後便可作液肥用，時間越長，熟腐程度越高，越不易燒傷植物，將花生麩水稀釋約七倍才用，施用後必須馬上淋水。

大路的資料係以上咁寫既, 我呢 d 懶鬼. 通常會兩個月後, 見佢無再有氣便即用 , 但如果兩個月仲有氣, 都唔會用, 驚燒根

Karine 發表於 2013-1-25 11:31
將1份花生麩粉放入15份水中，讓它在缺氧環境下分解，2-12個月後便可作液肥用，時間越長，熟腐程度越高 ...

哦~~ 原來係咁~~~
咁啫係無晒氣我都已經可以用佢lu  ^^

咁呢.. 其實應該施幾多肥架呢?
咁佢入邊仲有d灰, 點做好?

elevala 發表於 2013-1-25 11:54
哦~~ 原來係咁~~~
咁啫係無晒氣我都已經可以用佢lu  ^^

"將花生麩水稀釋約七倍才用，施用後必須馬上淋水"

我會搖搖搖, 搖暈佢, 先倒出唻, 搆水後直接淋响葉面, 我會隔 15分鐘後, 再淋一轉清水, 但資料說 "馬上" 淋清水

其實諗諗o下計計o下....只有一個大筒, 似乎唔周期性會唔夠用, ~係唔係要找多1個筒實際o的呢???

計算過若果每日要用花生麩水..
就需要最少兩個桶..
而每個桶個份量最少要足夠一個月用..

所以小弟依家用500ML 水樽.. 整左八樽..
再加上七桶5L.. 只要用左一支/桶.. 就會用個吉樽整另一支/桶..
應該夠用掛.. (仲有兩桶廚餘咖啡渣整緊.. )

豆腐仔 發表於 2013-1-25 23:55
計算過若果每日要用花生麩水..
就需要最少兩個桶..
而每個桶個份量最少要足夠一個月用..

請問廚餘咖啡渣你係點整架?