DIY 鮮蝦雲吞

呢兩日突然好想食雲吞. 噙日買左材料. 預早一天準備好材料. 醃好後, 放入雪櫃隔一天. 即今日晏就.  立即包定.  留待今晚做晚餐.

DIY 鮮蝦雲吞食譜如下:
(以下分量約包倒 50-60隻雲吞, 視乎大小)

材料:
鮮蝦 1斤半  
半肥瘦梅頭豬肉半斤 (我會自己啄碎, 因自己啄的肉會好食好多, 如想懶d. 就直接買碎豬肉)
冬菇四只
雞蛋一只
黃色雲吞皮半斤 (以呢個份量其實只用六両左右)

做法 :

先把材料準備好 -
(1) 鮮蝦去殼 / 腸 , 用豆粉清洗至冇污水. 涼乾水後. 用吸水紙再索乾. 鮮蝦可以加少許調味 (胡椒粉 , 雞粉 , 麻油各少許), 然後. 平放好於平碟上. 放入下格雪櫃. 雪一至兩小時.  拿出來. 再放上冰格. 雪約 1-2小時 (用意係, 可以令到蝦身食落會爽口d)  .  1-2小時後. 再拿回下格. 待蝦身變回軟身. 待用.

(2) 半肥瘦梅頭豬肉半斤, 啄成碎肉.  

(3) 冬菇浸林 , 清洗好, 切粒待用.

以上三樣材料準備好. 便可以混在一起. 再加以下調味料拌勻:

鹽 , 糖 各 1茶匙
生抽 1茶匙
麻油 1-1/2茶匙
胡椒粉少許
大地魚粉 1茶匙  -- > 附 (a)
雞粉 1茶匙
蠔油 1 茶匙
美極鮮醬油 4-5滴

以上調味調好後. 最後打入一隻雞蛋拌勻.  室溫醃1小時然後放入下格雪櫃保存

附 (a) - 大地魚粉製作方法:  買乾貨大地魚. 用平wok"汗"至乾香.  涼後. 可以用攪碎機打碎變成粉. 呢隻粉加左入去雲吞度, 簡直係靈魂.

至於煮既方法仲簡單. 煲好滾水. 放入去"綠"熟便ok. 當然自己可以準備一些個人喜好既湯低. 最後再加入雲吞.

以個人經驗. 醃隔夜. 第二天先至包. 會好味 d. 同埋唔好即包即食. 最好包左. 隔幾小時後先食. 我試過,  即包即煮. 雲吞個味未夠濃. 相反先包好. 再雪番入雪櫃晏少少至食.  個雲吞個味道係會出晒來.

如果一次過包晒50-60粒食唔晒. 唔緊要. 保存方法很簡單. 如果1-2天內可食埋餘下雲吞. 可以放在下格. 如果想過多幾天至食. 可以將包好既雲吞直接放入冰箱. 到食前幾小時將它拿回下格便可. 或且即刻想食. 由冰箱拿出來. 即刻 "綠"又得.  

小小提示 : 最好在碟上先放好保鮮紙, 至好放上包好既雲吞 . 面頭放上吸水紙. 再包一層保鮮紙. 至好放入雪櫃. 因為會有倒汗水. 到時你想拿d雲吞出來食時就會"痴"晒碟. 穿晒就唔好味架啦.

以上既食譜係經個人更改. 大家不妨一試.

好足料....雖然無食過...
但都覺得好食....
我以前淨係包過一次菜肉餃....
試過一次整到傻之後...唔敢再整囉...

原帖由 littlejojo 於 2008-5-27 20:56 發表
好足料....雖然無食過...
但都覺得好食....
我以前淨係包過一次菜肉餃....
試過一次整到傻之後...唔敢再整囉...

味道真係不錯架. 不過每次準備材料同做既過程 , 都需點時間.  我久唔久突然想食就整架啦. 自己整既可以幾大粒都得. 同埋料可以豐富d嘛.

我上次整完水餃, 點知佢全部chi住晒, 最後變左meat ball + 水餃皮...
原來儲存方法係咁樣, 呢次又學到野喇~

原帖由 everydayfan 於 2008-5-28 15:38 發表
我上次整完水餃, 點知佢全部chi住晒, 最後變左meat ball + 水餃皮...
原來儲存方法係咁樣, 呢次又學到野喇~

係呀. 經過雪之後. 會出倒汗水. d皮係會溶溶地咁chi住隻碟. 當你想meat開既時. 一定會爛. 所以我試過暫時最佳既方法係先放一層保鮮紙係底.

ｓａｎｄｙ我又想食！～～～

蝦唔 襟 擠，快d食晒佢！

放冰格可以放1個星期都仲ok

係呀. 最耐放冰格一星期左右啦 . 不過我連續兩日已經食晒lu. 忍唔住

原帖由 sandy 於 2008-5-27 17:03 發表
呢兩日突然好想食雲吞. 噙日買左材料. 預早一天準備好材料. 醃好後, 放入雪櫃隔一天. 即今日晏就.  立即包定.  留待今晚做晚餐.

DIY 鮮蝦雲吞食譜如下:
(以下分量約包倒 50-60隻雲吞, 視乎大小)

材料:
鮮蝦 1斤 ...

你好叻啊﹗會包雲吞。
想問包雲吞時，最後封口需唔需要點一些雞蛋汁？還是什麼不用點就咁封口？

用手查埋一舊

原帖由 DAVIDYIP 於 2008-5-29 00:07 發表

你好叻啊﹗會包雲吞。
想問包雲吞時，最後封口需唔需要點一些雞蛋汁？還是什麼不用點就咁封口？

係丫. 什麼都不用. 只係楂埋便ok. 因為d"料"都好lim. 足夠封口架啦

補足一句. 如果你唔係用黃色雲吞,  而係買白色雲吞皮. 果隻皮. 封口我都會加少少水一起封. 因為d皮厚d.

謝謝﹗明白了

原帖由 sandy 於 2008-5-29 11:23 發表


係丫. 什麼都不用. 只係楂埋便ok. 因為d"料"都好lim. 足夠封口架啦

補足一句. 如果你唔係用黃色雲吞,  而係買白色雲吞皮. 果隻皮. 封口我都會加少少水一起封. 因為d皮厚d. ...

唔係叫水交皮咩

原帖由 DAVIDYIP 於 2008-5-29 00:07 發表

你好叻啊﹗會包雲吞。
想問包雲吞時，最後封口需唔需要點一些雞蛋汁？還是什麼不用點就咁封口？

我都識架，傷風個陣．～

ok .... 分为 广東云吞皮 ... 楼主用果种。
上海云吞皮 乳白色，正方型
水餃皮 乳白色 圓型

其實上海水雲吞皮同水餃皮料一樣,只係方形同圓形分別

大家好聰明啦. 果d皮係有分叫廣東皮 / 水餃皮 / 雲吞皮之類. 不過我自己個人習慣唔記咁多. 索性分黃色同白色. 懶丫嘛.

白色皮仲有分正方型同圓型的. 視乎個人需求. 其實白色皮會健康d. 不過我會嫌佢好飽咁. 因為較厚. 好似食面粉咁. 用來做菜肉餃就岩d.

原帖由 sandy 於 2008-5-30 11:17 發表
大家好聰明啦. 果d皮係有分叫廣東皮 / 水餃皮 / 雲吞皮之類. 不過我自己個人習慣唔記咁多. 索性分黃色同白色. 懶丫嘛.

白色皮仲有分正方型同圓型的. 視乎個人需求. 其實白色皮會健康d. 不過我會嫌佢好飽咁. 因為較 ...

不過有d會食到成口粉的感覺
個人都係鐘意薄皮

最大分別係廣東雲吞皮會加鹼水