90%中蟎....

唔該大家幫我confirm吓, c50喺唔喺中蟎 而佢嘅芳鄰就有疑似病症,葉柄短,葉片較硬,golden dawn啲花開唔到,乾咗...我好唔開心...everharmony葉同花柄好短.  我想問有無人試過用bunbun賣嘅蟎poison?唔知有無效.

c50 100%全中蟎啦, 我之前係繽紛買左一盆都試過中蟎, 後來去左花寶買天樽可以殺蟎, 殺菌同殺蟲既藥水返黎開稀佢淋花, 之後就冇事啦, 不過中蟎既位置就冇再出葉啦. 你睇下救唔救得返啦, 如果唔得既就不如掉左佢啦, 以免惹到其他果d av.

我有一樽花寶叫植物殺虫劑,紫色蓋,但無話可以殺蟎, 你喺唔喺講呢支呀?

原帖由 Fleur 於 2008-5-26 23:17 發表
我有一樽花寶叫植物殺虫劑,紫色蓋,但無話可以殺蟎, 你喺唔喺講呢支呀?

我知你果樽係邊隻, 我之前都用過, 不過係唔掂架. 所以之後我去左旺角花寶入面買左樽玻璃樽裝既藥水返黎開稀黎淋花, 係個職員介紹架, 個名我唔記得左.

ok. 明日即刻買， THANK YOU!

原帖由 agnespoon 於 26/5/2008 23:25 發表

我知你果樽係邊隻, 我之前都用過, 不過係唔掂架. 所以之後我去左旺角花寶入面買左樽玻璃樽裝既藥水返黎開稀黎淋花, 係個職員介紹架, 個名我唔記得左. ...

你講緊會唔會係帝仙隆

第一盆如果證實100%中螨, 其它果D都要一齊消毒, 換泥, 因為螨傳染力快且強.

中咗蟎的av, 中心點的要摘去, 等佢再生番d新芽, 有時d蟎除唔淨, 有d新芽都有變形, 所以生出來的如有變形就立即除去

原帖由 p@g 於 2008-5-27 08:25 發表


你講緊會唔會係帝仙隆

唔係呀, 係益農牌既苦楝油

Thank you 所有有心人, 我唸我會將c50先斬頭落葯,其他鄰居就先落葯後先觀察反應點先再做嘢

請問...唔係話用bio噴噴可ko咩0.0??
http://hkplants.com/viewthread.php?tid=109&extra=page%3D1

我自己屋企都有一盤中左...
用緊佢清...
上星期噴完..甩緊葉上毛毛..
唔知真係得唔得..
不過d花花真係唔開/_\得個花苞....

頭兩盆肯定中蟎，Everharmony 睇唔到中心點....確認唔到。

帝仙隆係最快亦最有效的農藥，但毒性強，家有小孩或寵物就要三思。

巳確認中蟎就必須進行消毒換泥等工作，單是砍頭係無用架~
蟎繁殖力很快而且活動範圍廣，所以一旦發現係冇得偷懶。
如果種植區有太多植物，你可以考慮分批消毒、隔離。

-  先揾另一處可安置現有植物的地方，例如另一間房....
-  將所有植株搬離，再將種植區清潔一番，或以稀釋漂白水抹淨。
-  如附近有窗簾的話，最好拆下清洗。
-  感染的植株應剪去原有的泥胆，挑走中心己變形的生長點，
    整株放入以 1:50稀釋的漂白水內浸泡至少十分鐘。
-  吹乾、重新上盆，再放回巳消毒的種植區內。
-  有溫箱的話可以將植物分類，以便監察。
-  遇嚴重感染的母株，建議 CUT葉留種算。

Thank you Noel, 好detail.

我忍唔住打電話俾某高人(睇完D POST有關用葯問題, 因為有人話有用,有人話無用),高人話未必喺中蟎, 佢話如果有嘢應該所有芳鄰都中晒,我盆嘢有大可能喺:

1)太多肥(葉面有班)
2)根部焗親 (由於天氣), 以至花柄同葉柄短,中央有發黃現象

處理方法如你所形容, 其餘2盆要同D花花沖涼,令佢地濕氣提升.  佢話最緊要保持濕度同埋受傷嘅av要休養2個月至會復完....至於其他市面賣嘅葯佢一概唔建議(包括BIO KILL), 好似唔喺好有用.

我會先按照呢嗰方法先做, 得嘅同你地講.

如果係的話，就先照高人指示啦~

多囗問句，呢幾盆種咗幾耐ar ？

其實我都想知 —— 好多位花友都有話蟎嘅傳染同傳播嘅速度極高，咁究竟有幾高?? 有大量中蟎嘅經驗嘅花友，唔好意思要提起你哋嘅傷心事，但可唔可以俾啲 idea ?? 例如今日見到有一棵中，基本上隔離嗰棵應該都中硬??

原帖由 lala 於 2008-5-27 13:43 發表
其實我都想知 —— 好多位花友都有話蟎嘅傳染同傳播嘅速度極高，咁究竟有幾高?? 有大量中蟎嘅經驗嘅花友，唔好意思要提起你哋嘅傷心事，但可唔可以俾啲 idea ?? 例如今日見到有一棵中，基本上隔離嗰棵應該都中硬?? ...

http://hkplants.com/viewthread.php?tid=110&extra=page%3D3

原帖由 noel 於 2008-5-27 13:22 發表
如果係的話，就先照高人指示啦~

多囗問句，呢幾盆種咗幾耐ar ？

由苗仔種起,應該有至少2個月.

我都覺得你個C50係中蟎．
好難講源頭由那盆花仔開始．如noel所說，最好全部種在同一區的花都要隔離消毒．
不建議使用化學農葯，因為真係對人體好有害架．

記得隔離最少８個星期，蟎的 life cycle最少有一個多月的，所以八個星期是 minimin requirment.

原帖由 芝士波 於 2008-5-27 12:20 發表
請問...唔係話用bio噴噴可ko咩0.0??
http://hkplants.com/viewthread.php?tid=109&extra=page%3D1

我自己屋企都有一盤中左...
用緊佢清...
上星期噴完..甩緊葉上毛毛..
唔知真係得唔得..
不過d花花真係唔開/_\得個 ...

我試過啦, 係唔得架, 如果真係中蟎噴bio kill係唔work架.