Hugopoodle社區園圃 @ 有關授粉, 留種和種子保存的資料 @

annietam 發表於 2012-11-20 17:28
之前想抽大埔因為近我屋企, 估5到一早俾人報晒, 而家等緊上水幾時有, 因為又近我返工, 我都可以平日去望 ...

哈哈, 你同我一樣, 喺大埔住, 上水返工
我之前諗住報上水因為平日可以去望下塊田
大埔呢邊交通真係唔多方便

Lingling64  咁啱，我都係係上水住呀！乜上水有格仔田咩？

週日農夫  上水邊樹有田呢？大埔又係邊樹？粉嶺有冇田租呢？

北區公園社區園圃---粉嶺粉嶺圍北區公園內

其實如果平日5得閒去打理, 有無人會幫手淋水?

其實如果平日5得閒去打理, 有無人會幫手淋水?

我買60寸闊封，一碼等於三呎，買左6碼。

竹枝係吉豬買啡色$12/6枝(竹，未知可唔可以再用)，綠色$12/3枝(膠面質地com用啲)




週日農夫  塊田好高喎，鬆土咪要爬上去先得囉？
係呀，仲要搵凳先企到上去...=.=

hugopoodle  個網好好呀, 有咁多泥, 你係邊個園圃種呀?
我係坑口，都係第一次沉淪毒海~

kafulam 發表於 2012-11-21 10:24
我買60寸闊封，一碼等於三呎，買左6碼。

竹枝係吉豬買啡色$12/6枝(竹，未知可唔可以再用)，綠色$12/3枝(膠 ...

個樣幾好喎~
你喺邊度買網呀?
如果植物長高咗, 會唔會唔夠高遮哂呀?

hugopoodle 發表於 2012-11-21 12:44
個樣幾好喎~
你喺邊度買網呀?
如果植物長高咗, 會唔會唔夠高遮哂呀?

Hugopoodle: 你喺邊度買網呀?
我係深水埗賣布料果條街....不過唔記得叫咩名
價錢大$10樓下一碼，幾蚊都有交易，唔好買太貴啦，要合乎經濟原則~

今早8:30巳去屋企附近體育館交左錢, 原來不用出示通知信的, 只要有申報人身份證正本同副本便可~

25/11/2012
收田後的第二天剛好放假
一個人走去園圃播種及補肥
誰知整個星期都是天陰有雨
估計種子可能都被冲走了, 特別是白菜種子(因為我只劃了個區域, 隨意撒播)
所以今天入田, 預咗要重新播種

出發時下雨, 雨勢有時很大
入到田, 有些園友已經到達, 有人開田, 有人播種
還以為天氣不佳, 很多人都不會來



遙遠望到自己塊田原來種子發芽了
立即走去睇


蘿蔔種子發芽了
每穴我播了3粒
全部都發芽了
是否種得太密?
幾時適合疏苗呢?
睇書話可以按住泥"敉"佢出嚟, 又有書話用較剪剪走唔要的, 應該點呀?




園友給我的蕃茄苗開始長真葉了


園友分享給我的椰菜花苗


矮腳江門白菜也乖乖發芽了
不過有些比較密, 現在可以移苗了嗎?


荷蘭豆也冒出頭來
她最好辨認了


加咗個防雀網~

有些地方有重疊
不過因為太大雨
下次去再整理好一點

園圃老師說定植一星期後和發芽後可以開始落肥
不過連續兩個星期都落雨
係咪唔適合落肥呀?

kkhope  睇過啲前輩話要好天先落肥，但係依排日日都落雨，尋日我都忍不住落咗少少 :p ~

本來買咗樽魚肥, 打算試吓落
但太大雨, 相信落咗都會被冲走哂
同你一樣, 我又係忍唔住落咗啲三興牌有機粒狀肥, 話唔傷根的
又試驗吓囉~

睇書話可以按住泥"敉"佢出嚟, 又有書話用較剪剪走唔要的, 應該點呀?...........兩種方法都可,你的情況等佢大d用較剪,其實你若有多些種子,可以種成一行,然後在疏苗時才選定那些留低種下去,

估計種子可能都被冲走了, 特別是白菜種子(因為我只劃了個區域, 隨意撒播.............你可以用枝竹仔在泥面每隔3-4吋淺淺地劃一行,在每行上播種

係啦, 用你的方法應該好啲, 應該幾時要剪呢?  發表於 11 秒前 ..........等佢出4塊真葉都未遲,d葉摘返去加送...kekek

2020  唔好剪佢la, 大D疏開佢la!

蘿蔔唔係唔移得苗咩?
我起初係諗住汰弱留強咋~

faylo 你可以用枝竹仔在泥面每隔3-4吋淺淺地劃一行,在每行上播種

係喎, 用呢個方法, 落雨都冇咁易冲走哂啲種子啦
多謝提點~

你睇，最遠最高果幾棵.....室米.....樹，咪我架囉，11呎
當然，粟米種係好緊要既


嗱，呢隻.....呀雞老豆既那些年室米，只係4呎咋

2020 發表於 2012-11-27 00:16
你睇，最遠最高果幾棵.....室米.....樹，咪我架囉，11呎
當然，粟米種係好緊要既

導師話落得花生麩肥過多才會不斷生高好難有粟米，是否真的？

獅子山下  你塊田好多沙石呀! 我果邊d 田好黏, 黏到老師話要買沙番來溝

yukyo  睇相園圃d泥混左好多粗沙，要咁多沙架？喱兩日咁大雨都唔駛怕啦。

其實翻田嗰日覺得啲泥好黏, 可能因為大雨, 將面頭啲土壤都冲走哂, 剩番啲沙石

hugopoodle  2020, 可否分享一下你嘅基肥包括啲咩? ..............糸自制大肥.日日一劑

hugopoodle  2020, 可否分享一下你嘅基肥包括啲咩?
====================
去3興買左細包果隻,花生麩,骨粉同鉀.....好似每樣2KG
除左鉀淨番少少外, 其除落晒
又加左約2kg 雞C,
呀雞老豆為左賀我開田,又送我25lbs(可能係kg,唔記得 )
好似我仲加左少少綠營高

好似係咁上吓囉!
好記得當時連隔離遠處既milk milk都嘩然架, 因為....真係好豪

好奇怪，見唔到所有點評＠＠

有問題, 我想問吓蕃薯點樣種呢?
因為我有隻日本蕃薯發咗芽, 有幾組葉, 暫時有3寸長左右
園圃導師話可以用蕃薯滕插入泥種蕃薯
我可唔可以剪咗枝芽種落田呢?落田前要先幫佢出根嗎?
如果我想等到下期先種, 個蕃薯而家要點處理?
因為仲有4個月時間

多謝大家提供方法, 我其實已經有3本書喺手
但實作起上嚟還是需要大家的經驗分享~
Many Thanks~~

我插枝的﹐長得也不錯