比D貓搞到幾乎有抑鬱症

鄰居養o左七八隻貓,由得佢地周圍走,之前日日o係我d花盆度大便,又咬爛d植物,我朝朝起身要清理糞便
呢度有花友建議用驅貓蓆,我舖晒落d大盆度,果然有效,開心o左一排.
之後見到d貓入花園,都冇趕佢地走,諗住冇o野可以比佢地破壞.
早幾日天氣好,的起心肝將花園個爛地掘鬆d泥,諗住消毒好就種o野.
跟住呢兩日落雨,冇再行出去爛地.
尋晚見冇o甘大雨,行出去剪枯葉,點知一腳踩落爛地,即刻臭到想嘔
好彩著住水鞋,但係對鞋都清理o左好耐.
今朝發現,原來佢地"霸佔"o左既範圍都唔細,遲d好天,我又要開始朝朝執拾糞便,諗起都想喊
有冇人可以話我知應該點做呀???

吓...  上次你仲好開心話唔駛受 貓咪 騷擾, 估唔到.........
點幫你呢.... 諗諗先

個花園係你私人架 ?  如果係, 你試吓同鄰居講吓啦, 叫佢照顧好d貓, 如果唔係告佢虐蓄, 嚇吓佢睇吓得唔得

你可以去十蚊店園藝區邊買支唔知xx酢液，跟著倒落泥土到，可驅昆蟲及動物的，不過我都未用過成效有幾好就唔知喇。

前日發生o左一單意外,又係同d貓有關,令我到依家個好心都好唔舒服.
o個日我出門返工,車子轉出小路,赫然見到鄰居其中一隻貓被車輾斃，擱在路旁，我大驚之下扭另一邊軚，結果左邊兩個車輪跌入水渠．
由於是單線雙程路，我阻住條路，後面有架車走唔到，車上３個男人落車諗住幫我抬起車輪，結果擾攘o左兩個鐘,驚動埋附近地盤的工人落o黎幫手都搞唔掂.
o個日好大雨,我見d唔識o既人o甘落力幫手,我當然唔可以袖手旁觀,結果扭傷o左,當日要請假睇跌打,夜晚開始傷風.
呢件事令到我好唔開心好唔開心:
1.隻貓無端端比人車死,我真係好難過(到今日仲不斷諗起隻貓既死狀);
2.連累6個陌生人冒雨相助;
3.架車好傷,要返廠檢查;
4.途人指指點點,以為係我撞死隻貓(真係食死貓);
5.返到公司比同事話我不自量力.
希望d寵物o既主人小心看管寵物.

原帖由 maymay靚 於 2008-5-21 12:27 發表
吓...  上次你仲好開心話唔駛受 貓咪 騷擾, 估唔到.........
點幫你呢.... 諗諗先

係呀~只係開心o左好短日子

原帖由 yuwaiman 於 2008-5-21 12:28 發表
個花園係你私人架 ?  如果係, 你試吓同鄰居講吓啦, 叫佢照顧好d貓, 如果唔係告佢虐蓄, 嚇吓佢睇吓得唔得

我試過同佢地講,佢只係叫我地自己冚好D o野,我唔想搞到關係咁僵,所以冇再出聲.

原帖由 Monse 於 2008-5-21 12:43 發表
你可以去十蚊店園藝區邊買支唔知xx酢液，跟著倒落泥土到，可驅昆蟲及動物的，不過我都未用過成效有幾好就唔知喇。

係唔係吉x島10蚊店呀?係就依家出去買~

原帖由 Christsui 於 2008-5-21 13:02 發表

係唔係吉x島10蚊店呀?係就依家出去買~

係吖！10蚊支架咋。

落雨喎，倒左落去會唔會好容易被雨水沖走晒呢。

[ 本帖最後由 Monse 於 2008-5-21 13:20 編輯 ]

o甘買定等好天至用啦~
請問知唔知淋完之後,d泥土仲可唔可以種農作物?

原帖由 Christsui 於 2008-5-21 13:29 發表
o甘買定等好天至用啦~
請問知唔知淋完之後,d泥土仲可唔可以種農作物?

咁！我又唔知喎,請問有無其他花友知道呢，唔該 吖。

我頭先去完十蚊店,見到有木酢液&竹酢液,唔識睇日文,見英文冇寫明可唔可以種農作物.
一陣間上網睇o下有冇人用過.
Monse,唔該晒你呀!

塊地係你?? 係屋企入面??  有幾大呀??

唔記得問候你 tim ﹏  好番未???  (唔好意思好多問題)

養隻狗去趕走D貓, 佢地係天敵黎架麻~
我養左隻, 仲識捉老鼠添呀

原帖由 maymay靚 於 2008-5-21 15:17 發表
塊地係你?? 係屋企入面??  有幾大呀??

其實係屋企個花園,上一手業主舖o左磚地,我地拆走o左一部份,變o左爛地,因為我想種落地,幅爛地大約80呎左右.
但係買o左間屋冇幾耐,政府話o個度有一邊係斜坡,要修整,所以我一路唔敢將d大植物種落地.
政府話個斜坡好快會開工,所以我地將斜坡附近既柵欄全部拆走,搞到個花園得一小幅鐵閘,d貓可以自出自入.
打電話去地政署問斜坡幾時整,佢地叫我問水務署,打去水務署,接電既又話冇件咁既事.
我見佢地推o黎推去,所以決定一路種路睇o下政府幾時開工.

睇完跌打,好o左好多啦.多謝關心~

原帖由 everydayfan 於 2008-5-21 15:56 發表
養隻狗去趕走D貓, 佢地係天敵黎架麻~
我養左隻, 仲識捉老鼠添呀

養狗要有好多時間,如果照顧得唔夠,會對佢唔住,o係未確定自己有足夠能力去照顧一隻狗時,我暫時都敢養呀~
我都懷疑o個幾隻貓唔驚狗,因為另一個鄰居有狗,d貓都入佢個花園踩場.

唉也!!! 仲煩過我隔鄰個惡人喎..  
花園都好大wow, 入契嗎? 唔入契怕政府做完工程會收番塊地, 仲煩.....

我自己有養貓狗, 但係都好怕d 無良主人放d 貓狗出黎四維痾, 我有一個neighbor有十多廿隻貓, 成日四維痾, 好彩既係我住樓上, d 花花草草佢地搞唔到, 唔好彩係架車隔離成日有一dok二dok cc.

原帖由 maymay靚 於 2008-5-21 17:14 發表
唉也!!! 仲煩過我隔鄰個惡人喎..  
花園都好大wow, 入契嗎? 唔入契怕政府做完工程會收番塊地, 仲煩.....

其實個花園有幾多地方係入契我都唔知.
買屋時,間屋圍o左五百幾呎花園,上手業主住o左廿幾年,佢話買時已經係o甘,話係入契.
後來我搵律師辦屋契,佢話唔係全部入契,又不斷暗示叫我踢契.
但我太鐘意間屋,堅持要成交.
睇番張屋契,所指o既範圍的確細o左一半,加上政府又話整斜坡,所以咪拆o左d柵欄,依家個花園(磚地+爛地)得番200呎左右.
之後我問地政署,想租番唔入契既地方做花園,我寄埋張契既副本比佢參考,佢地話處理中.
實情邊一個位置係入契,我都唔清楚.
我隔離屋都係同政府租地做花園,如果政府零零舍舍收番我屋前塊地,都唔會有任何用途.
就算真係收返,我都仲有個小小小花園o既.