CKI 發表於 2013-1-29 20:25
未聽過喎!不過好有興趣。
可否分享多一些資料?
我都要上網搵多D資料準備下先。 ...
其實好多文章都講過化氮,即(蛋白分離器,Protein skimmer)
咁其實有咩用呢??我見有好多帥兄都問!咁我又試下講下啦!
化氮係利用表面作用把有機物黏在氣泡之上!咁咩係有機物呢?
有機物就係你餵魚既魚糧啦,魚既屎啦,珊瑚既排泄物啦,你倒落個缸度既營養水啦....等等
好,咁魚食唔曬既食物,珊瑚吸收唔曬既營養水同屎會變做咩???
咪就係你地成日都食果d.........有機菜既肥料....有機物質囉!
咁有機物又會變成咩呀?就係你地最唔鐘意既氨 (Ammonium - NH3/4)
亞硝酸鹽 (Nitrite - NO2) ,硝酸鹽 (Nitrate - NO3) 磷(Phosphorus -po4)
佢地點解會出現,呢度唔多講啦,自己去睇下咩叫N-CYCLE就會知!
一個好既化氮有咩用?一個好既化氮就係把水中既有機物排出缸外!點排?依家就講啦!
化氮器即(蛋白分離器)就係係一個反應器入面做出大量氣泡,咁氣泡既表面就可以把有機物黏上!
咁氣泡越多可以黏上既有機物就越多,咁點解有人話氣泡越細越好呀?氣泡越細可以黏上有機物既面積就越大!
一個好既化氮,佢既設計就可以令到氣泡停留係反應器既時間越長,咁時間長左,有機物既積聚就越多,
咁有機物積聚得多,氣泡既張力就會越大,就會冇咁容易爆開,咁氣泡就會停留係反應器既上面,當氣泡多到一定
既數量就會被推到收集杯入面,即係我地成日聽人講既(廿四味)啦!
咁點解又要氣泡停留係化氮時間長呀?
氣泡停留係化氮既時間越長,咁回流到魚缸既有機物就會越小,咁硝化細菌要分解既有機物就會小,
硝化細菌分解完變成既氨 (Ammonium - NH3/4)
亞硝酸鹽 (Nitrite - NO2) ,硝酸鹽 (Nitrate - NO3) 磷(Phosphorus -po4)就會小,
硝化細菌工作既時間都會小,咁PH都定D啦!咁你地話一個好既化氮係唔係好重要?
小弟第一次打文章,有錯唔好打面呀!!
由香港討論區轉載 |