2年前的鴻星大閘蟹餐

見到小白個黃油蟹帖，諗返起 2010 食過一次尖沙咀鴻星的大閘蟹餐，報告一下，唔知今年有冇。

當年當日一行共六人，個餐係『二王一后』餐，每人三隻蟹。因為其中有朋友唔係十分好蟹，所以叫咗一個4人餐，加多一位，即 5人餐，再加少少餸同酒水，埋單 $1500 左右。

主角 - 4-5兩左右一隻，勝在一人三隻，都OK滿足




其他菜色都唔錯，夠飽



埋單每位除開 $250

我只能望梅止渴...........................

我都十幾年冇食大閘蟹lu~

近年物價飛漲，仲有得食，都一定唔係呢個價

好毒，真系唔好食。太多葯去養蟹。
免費我都唔食。

我朋友前年食呢個餐，都話好抵食！
我諗今年吾得囉。。。。。

250$都OK啊
不過好彩我自己又唔太好大閘蟹
我比較喜歡隻燒鴨(鵝)?多D

E家冇可能 $250, 2年前都系過去既事啦...

不過我唔系好好蟹, 因為我好怕MOK殼, 我老豆話我食蟹食到好似咬蔗咁, 所以白灼蝦我都麻麻