乜都種吓嘅花園仔

花園仔 · 發表於 2012-4-19 00:33:45

今日又摘咗啲<桑椹子>整咗果醬及製咗酒呀!

花園仔 · 發表於 2012-4-19 00:37:09

本帖最後由花園仔於 2012-4-20 18:37 編輯

回復點評 17235#

farfeifar: wah~大o左要車個XXXXXXXXXL袋佢嘆下!

梗係要啦:

回復點評

小寶好! 正常! 菠蘿蜜掛果通常都唔會單個嘅! 每組留幾多個咪睇佢生體邊個位啦, 生體粗枝幹或樹身度而且果柄夠粗咪留2個一組囉! 如果生體粗枝幹或樹身度但果柄幼弱就留單個算嘞, 假如生體比較幼嘅樹枝度就留1個好罅....執生啦!

仲有, 如果棵樹夠壯碩咪留多幾個果囉, 相反咪挑選啲靚仔先黎培養啦! 原則上每組嘅果越少越好, 不過有時又要做人情, 成個送俾朋友就好睇好多嘞, 細個啲都好啦種到果靚又香甜人地都會感受美意嘅! 單果梗係大大舊啦! 量少分俾朋友就要花工夫開拆後分盒嘞....

花園仔 · 發表於 2012-4-19 22:14:28

大家好!

今日好大雨呀! 又摘咗啲醜醜茄子!

花園仔 · 發表於 2012-4-19 22:18:36

好大塊葉嘅<胡椒薄荷>

花園仔 · 發表於 2012-4-19 22:36:02

Y牌<牛扒蕃茄>真係種得過架 -- 果多又大個最緊要係好食吖馬!

果多又大個梗係食肥料啦! 有壇友話用咗我常用嗰啲肥料效果都唔大咁講, 嗱! 咁首先就要睇吓你用幾大嘅盆黎種嘢囉, 就算用啱盆又點吖, 啲泥唔夠都冇用格! -- 盆又細, 泥又唔夠, 落得肥料多會燒根及肥傷, 落得肥料少起唔到作用, 你話點種到靚嘢啵!

大過面紙嘅Y牌<牛扒蕃茄>好靚仔呀!

花園仔 · 發表於 2012-4-19 22:50:00

本帖最後由花園仔於 2012-4-19 23:34 編輯

用長盆(泥計27吋X11吋X8吋)種嘅Y牌<牛扒蕃茄>穩定結咗好多果, 今日雖然落大雨因為有啲茄茄熟嘞, 冒雨都要將佢地摘落黎, 原因係怕雨水多會令佢地容易表面爆裂唔靚仔架!

記得睇圖時請順手體張圖上點擊一下,
再用鼠標滾輪放大圖片清楚好多架!

放到最大睇吓: 右上嗰個茄茄咪有條裂紋囉!

夠清楚啦!

xx_Luca · 發表於 2012-4-20 11:35:29

老師, 我有棵聖女茄長到人咁高, 結好多果. 已經每星期用雞屎肥、骨粉、肉骨、鉀輪流進補, 但d茄茄唔夠大, 只好似手指一節咁上下 ... 幫佢做計畫生育會唔會好 d 呢 ? 另外係邊樣肥會令果果大隻d 呢 ?
覺得自己完全係亂石投林咁, 請老師指教一下, 謝謝.

花園仔 · 發表於 2012-4-20 19:03:54

本帖最後由花園仔於 2012-4-20 19:05 編輯

xx_Luca 發表於 2012-4-20 11:35
老師, 我有棵聖女茄長到人咁高, 結好多果. 已經每星期用雞屎肥、骨粉、肉骨、鉀輪流進補, 但d茄茄唔夠大, 只好似手指一節咁上下 ... 幫佢做計畫生育會唔會好 d 呢 ? 另外係邊樣肥會令果果大隻d 呢 ?
覺得自己完全係亂石投林咁, 請老師指教一下, 謝謝.

xx_Luca及大家好!

xx_Luca, 你嘅問題如果細讀樓上幾條帖子嘅回復加起黎應該會了解一二架罅, 原理一樣啫!
種植施肥係講均衡嘅, 唔會單一對應能產生好效果架!
果果多寡大小都係好全面嘅問題, 從種籽優劣, 種植環境, 條件給予....都有直接關係嘅, 仲有嘅係取捨決定, 即係你所講嘅計畫生育嘞!

我用長盆種嘅Y牌<牛扒蕃茄>因為採用放任種植方式, 結咗幾十個果, 啲果有大有細, 最大都有紙巾咁上下嘅! 如果採用計畫生育啲果真係拳頭咁大架!

琴日摘嘅:

花園仔 · 發表於 2012-4-20 23:36:40

本帖最後由花園仔於 2012-4-21 18:47 編輯

<泰國蕃茄>結咗好多果呀!

回復點評

catcatduck及大家好!
唔好咁講, 你邊有浪費篇幅吖! 平台俾<點評>及<編輯>功能我地用, 目的不外是與人方便啫! 使帖主可以體帖子範圍同壇友就該題目作互相討論或共同分享經驗及樂趣, 甚至發表感言都會令人倍覺溫馨格!
如果隨便開新帖子黎回復一啲空洞無意義嘅說話, 對本帖就唔係咁妥當嘞, 原因係帖子而經到咗864頁嘞, 大家跟開就冇所謂啦! 但對好多新朋友(包括我自己嘅朋友仔)而言的確唔係公平嘅事, 因為大部份嘅新朋友都喜歡由第一頁開始睇落去架, 要佢地睇埋曬啲吹水帖子我真係唔好意思嘞, 所以先至提出少少要求啫! 希望大家見諒啦!
況且本壇備有吹水區格, 甚至本區都有啲熱門帖子歡迎大家暢所欲言架, 啲壇友好熱情, 有嘢學, 有分享, 有嘢食甚至有分加嘅, 我都有叫朋友關注架!

花園仔 · 發表於 2012-4-20 23:42:44

本帖最後由花園仔於 2012-4-21 23:37 編輯

<泰國蕃茄>進入成熟期, 今日又有收穫囉!

回復點評

kwc430, 蕃茄種類繁多, 種植時採取嘅截枝剪葉動作係要針對每個唔同種類獨立設置嘅!
但共通點係剪除腳底側枝令泥面通爽減少蟲蟲滋生係應做嘅, 設訂高度剪頂芽, 摘除過多側枝及弱枝, 計劃摘除過多花朵以便集中養份供應俾指定果果順利生長....都係好個人化智慧嘅決擇黎嘅, 當然梗係要充份了解植株生長狀態, 種植環境及條件給予先至容易作出設訂啦! 多啲睇吓壇友帖子, 參考作比對都有幫助架!

花園仔 · 發表於 2012-4-21 00:00:31

放任式種植結果雖然多但果型大細參差呢!

大陸中型蕃茄

花園仔 · 發表於 2012-4-21 00:24:36

晚安!

今日摘嘅中型茄<旭紅蕃茄>

花園仔 · 發表於 2012-4-21 22:55:10

果蠅猖獗一打開袋拍攝即刻飛過黎嘞! 唔笠袋邊有得食啵, 就算有都唔靚啦!

前日摘嘅

花園仔 · 發表於 2012-4-21 23:03:34

呢段時間嘅天氣潮濕, 條件對<巴西鳶尾蘭>嘅開花好有幫助架, 花花開完又開好多梯次囉!

4月16日嘅

4月20日嘅

花園仔 · 發表於 2012-4-21 23:06:49

琴日摘嘅蕃茄

花園仔 · 發表於 2012-4-21 23:56:41

晚安!

<孤挺花>仲有棑開呀! 睇吓, 右邊又有花冧標緊上黎囉!

noel_tt · 發表於 2012-4-22 13:49:23

花老師，你好，請問我用不織布袋包著無花果防蟲，近來經常下雨，個不織布袋濕了附包著無花果，會唔會令無花果快壞？

花園仔 · 發表於 2012-4-22 22:20:02

本帖最後由花園仔於 2012-4-22 22:21 編輯

noel_tt 發表於 2012-4-22 13:49
花老師，你好，請問我用不織布袋包著無花果防蟲，近來經常下雨，個不織布袋濕了附包著無花果，會唔會令無花果快壞？

noel_tt及大家好!

noel_tt, 我用不織布袋包過各種蔬果從未發生過問題啵! 當然做乜嘢都要花啲心思嘅, 對付唔同品質嘅果果就梗係有唔相同嘅對待架喇! <無花果>纖細薄皮, 我會用輕薄質地嘅袋黎笠佢地架(14G以降嘅吉吉袋), 到咗成熟期如果蠅猖獗就笠孖袋! 遇雨水天都冇出過問題啵, 亦有可能雨後天晴我會鬆吓啲袋架....舉手之勞啫一陣就搞曬啦!

(舊資料)

花園仔 · 發表於 2012-4-23 22:12:03

大家好!

龍缸種嘅<木瓜>體冬天凍到甩剩頂尖嘅幾塊葉仔, 捱過後回春長回好多葉子仲結咗第一個瓜瓜仔添!

花園仔 · 發表於 2012-4-23 22:17:45

本帖最後由花園仔於 2012-4-24 22:21 編輯

成年嘅<木瓜>就不停供應成熟嘅瓜瓜嘞!

回復點評

magichand, 成日都叫你地 -- 記得睇圖時請順手體張圖上點擊一下, 再用鼠標滾輪放大圖片清楚好多架! -- 係5 lbs咋!