乜都種吓嘅花園仔

花園仔 · 發表於 2012-4-17 22:33:09

本帖最後由花園仔於 2012-4-18 00:16 編輯

朋友仔將成功結果嘅茄子套上防蟲網袋, 真係明智之舉呀!

唔信請睇吓啦:

唔好意思, 爛相機對焦唔掂, 好濛呀! 將就吓啦!

花園仔 · 發表於 2012-4-17 23:12:46

本帖最後由花園仔於 2012-4-18 23:19 編輯

今日開始採摘<泰國蕃茄>, 都幾大粒嘅, 最大嗰粒有乒乓波咁大架....

我冇生食, 用咗佢:

泰國蕃茄+加拿大四季豆+椰菜+西蘭花+鮮磨菇+草菇+乾蔥頭+黑胡椒+橄欖油+黑醋+海鹽+8號意粉
(如果+煙肉就梗係好味啲啦, 不過唔健康都係忍吓口嘞!)

回復點評

garlic好! 原因係咁嘅(跟人口水尾咋):

<蕃茄>同其他蔬果唔同嘅地方就係其他蔬果要趁新鮮黎食. <蕃茄>反而因經過烹煮後, 人體更容易吸收佢嘅營養成份. 由於茄紅素係屬於油溶性嘅物質, 而且穩定性相當好, 所以不似維他命Ｃ等營養素會因為烹調而流失架, 反而因烹煮破壞咗<蕃茄>嘅細胞壁同組織, 釋放更加多嘅茄紅素添!

花園仔 · 發表於 2012-4-17 23:29:54

本帖最後由花園仔於 2012-4-21 22:47 編輯

雨水天黎囉, 小心蚜蟲(及螞蟻)呀!

今早見到蚜蚜出現於白色長豆角中, 立刻噴噴....

下午好似有啲反應啵, 少咗好多囉!

終於一掃光囉!

回復點評

bbbabies, 蚜蟲好易搞走嘅啫, 我多用<三益><綠油油>及<蛇床子素>輪噴嘅!
總之一見就立刻噴噴, 同時要即時壓制螞蟻嘅活動範圍!

huen923, 盆面嘅蟲蟻我好少遇到嘅, 可能噴噴時都會順手噴啲落泥面度卦! 發覺有螞蟻時會體種植範圍稍遠地方放置滅蟻誘藥一段時間, 短期觀察螞蟻蹤跡並証實唔再出現後即撤走誘藥! (滅蟻誘藥因唔係有機環保產品唔作介紹嘞!)

花園仔 · 發表於 2012-4-17 23:43:27

晚安!

<正品白花蛇舌草>又發芽囉!

HKG2010 · 發表於 2012-4-18 08:12:33

可否告之,你用那種農葯去清除在白色長豆角的蚜蚜蟲?

謝謝!

花園仔 · 發表於 2012-4-18 23:32:48

本帖最後由花園仔於 2012-4-18 23:45 編輯

大家好!

<無花果>結果果囉! 小心保護呀!

回復點評

carlyyau及magichand,

肯定有架! 好快就見架罅!

花園仔 · 發表於 2012-4-18 23:35:52

隨時有收穫嘅<韭菜>

花園仔 · 發表於 2012-4-18 23:48:03

隨處亂生嘅薄荷

花園仔 · 發表於 2012-4-18 23:56:06

carlyyau嘅猴王毬蘭終於開花囉! 咁難度都OK真係令人鼓舞呀! (我嗰啲仲原地踏步呢!)

呢棵bella都唔知幾時開呀!

2012-04-16-13-Hoya bella variegata.jpg

花園仔 · 發表於 2012-4-19 00:03:10

本帖最後由花園仔於 2012-4-19 23:23 編輯

<鮮淮山>出芽囉!

回復點評

garlic, 你唔記得我先棑至收咗棵<鮮淮山>咩! 啲薯薯食剩少少都有棑種啦! -- 9402#
http://hkplants.com/forum.php?mo ... d=2185&page=471

花園仔 · 發表於 2012-4-19 00:09:59

本帖最後由花園仔於 2012-4-19 00:13 編輯

好有效嘅常用中草藥<車前草>

花園仔 · 發表於 2012-4-19 00:21:42

本帖最後由花園仔於 2012-4-19 21:24 編輯

回復點評 17236#

soy 老師: 我D LEMON大大下會變少少紅色...再大D又冇左,唔知點解呢?

蛙太, 我嘅檸檬都係咁架, 反正都會變翻正常所以我就冇去探究嘞!

呢個都係由紅變翻綠架!

回復點評

蛙太, 唔使客氣! 檸檬樹好多病害架, 你嘅情況可能有被<白粉病>及<黑點病>入侵啵! 呢啲菌病毒我都係用依天得噴架咋! 得唔得? -- 大家都睇咗佢成四年啦, 佢而家都仲係好靚女吖!

alvinr33 · 發表於 2012-4-19 00:23:53

今天真是開心，因為可以睇哂老師的所有帖，令到我種野有番少少信心，不過相信這只是開始。再次多謝老師！

老師的「花園仔」，至少都有5000呎，真令人羡慕！我想問問老師，如果用盆種荔枝、芒果等大果樹，是否很難，即使用16或18號盆？謝！

花園仔 · 發表於 2012-4-19 00:27:34

回復點評 17222#

farfeifar 老師,士多啤梨究竟係要點打理呢???我種過幾次都係d葉一塊一塊咁慢慢(真係慢慢,所以估唔係肥傷)枯萎跟住死去...已經試過乾住種同濕住種,都係屎,可以點呢?

花花, 儘管我種過好幾種唔同品種嘅<士多啤梨>而且都能順利開花結果, 但仍然會選擇容易栽種又有結果嘅品種黎種嘅! 所以大家睇到嘅係我種黎種去都係嗰種架咋!
如果唔係追求嗰啲特別或唔了解嘅品種, 如果係適合本地環境種植嘅品種其實<士多啤梨>好易種啫, 普通(疏水保水)泥土+薄肥多施(均效肥)+充足陽光就好易有得食架罅!

又有得食嘞, 少少地, 都好甜架(因為落咗紅牛吖馬!)

花園仔 · 發表於 2012-4-19 00:33:45

今日又摘咗啲<桑椹子>整咗果醬及製咗酒呀!

花園仔 · 發表於 2012-4-19 00:37:09

本帖最後由花園仔於 2012-4-20 18:37 編輯

回復點評 17235#

farfeifar: wah~大o左要車個XXXXXXXXXL袋佢嘆下!

梗係要啦:

回復點評

小寶好! 正常! 菠蘿蜜掛果通常都唔會單個嘅! 每組留幾多個咪睇佢生體邊個位啦, 生體粗枝幹或樹身度而且果柄夠粗咪留2個一組囉! 如果生體粗枝幹或樹身度但果柄幼弱就留單個算嘞, 假如生體比較幼嘅樹枝度就留1個好罅....執生啦!

仲有, 如果棵樹夠壯碩咪留多幾個果囉, 相反咪挑選啲靚仔先黎培養啦! 原則上每組嘅果越少越好, 不過有時又要做人情, 成個送俾朋友就好睇好多嘞, 細個啲都好啦種到果靚又香甜人地都會感受美意嘅! 單果梗係大大舊啦! 量少分俾朋友就要花工夫開拆後分盒嘞....

花園仔 · 發表於 2012-4-19 22:14:28

大家好!

今日好大雨呀! 又摘咗啲醜醜茄子!

花園仔 · 發表於 2012-4-19 22:18:36

好大塊葉嘅<胡椒薄荷>

花園仔 · 發表於 2012-4-19 22:36:02

Y牌<牛扒蕃茄>真係種得過架 -- 果多又大個最緊要係好食吖馬!

果多又大個梗係食肥料啦! 有壇友話用咗我常用嗰啲肥料效果都唔大咁講, 嗱! 咁首先就要睇吓你用幾大嘅盆黎種嘢囉, 就算用啱盆又點吖, 啲泥唔夠都冇用格! -- 盆又細, 泥又唔夠, 落得肥料多會燒根及肥傷, 落得肥料少起唔到作用, 你話點種到靚嘢啵!

大過面紙嘅Y牌<牛扒蕃茄>好靚仔呀!

花園仔 · 發表於 2012-4-19 22:50:00

本帖最後由花園仔於 2012-4-19 23:34 編輯

用長盆(泥計27吋X11吋X8吋)種嘅Y牌<牛扒蕃茄>穩定結咗好多果, 今日雖然落大雨因為有啲茄茄熟嘞, 冒雨都要將佢地摘落黎, 原因係怕雨水多會令佢地容易表面爆裂唔靚仔架!

記得睇圖時請順手體張圖上點擊一下,
再用鼠標滾輪放大圖片清楚好多架!

放到最大睇吓: 右上嗰個茄茄咪有條裂紋囉!

夠清楚啦!