乜都種吓嘅花園仔

日日有果果食之 - 用吉吉12號盤種嘅<無花果>又摘得囉!

壇友chambee問及生菜有苦澀味情況, 最有可能係菜菜曾制過水(曾經缺水)!

生菜類唔難種蟲害少, 最緊要注意淋水啫!
菜苗及細細棵時唔好淋得太濕, 因為水多佢就唔使長多啲根黎追水源嘞(根多棵嘢至快大嘅!), 並且好易吽爛根架!
到咗咁上下大就千祈唔好缺水嘞, 制過水嘅菜菜將來就會有苦澀味架罅!





回復點評

蕃薯mo,  生菜淋水要細心啲, 尤其是細細棵時淋水要離開棵嘢遠啲, 盡量唔好直接淋棵嘢, 搞到啲菜葉躂曬落泥面度, 咁樣除咗吽爛啲葉仲惹埋曬啲蟲蟲黎滋生添!
到咗大棵啲淋水都要注意架, 淋水都係往腳下葉底淋好啲, 見到底葉又殘又黃就要剝除以避免吽爛嘅葉令蚊蟲滋生! 保持棵嘢清爽靚仔!
施肥採用薄肥多施方式, 前段以氮肥為主配少少均效肥(氮磷鉀都有嘅緩解肥最好, 例如雞屎肥等....)以令根莖生長順利, 中後期專注氮肥就得嘞!


purplelove, 施肥唔可以設定幾耐施一次嘅! 因為各人嘅種植環境及條件都不盡相同, 所以實際都係要睇吓植株本身當時情況嘅, 如果見棵嘅瘦蜢蜢啲葉顏色唔夠亮澤咪俾啲肥料佢嘆吓啦! 保險啲薄肥好罅, 驚佢虛不受保啫!
芥蘭初期除咗氮肥外最好加啲均效肥佢嘆吓, 等佢生多啲根及主莖粗啲就好快好大棵架罅! 仲有芥蘭初期係大得慢啲嘅, 唔使心急喎!

<油麥菜>都係好易種架!

晚安!

花園仔 發表於 2011-11-23 23:26
namshanfung及大家好!

我啲竹芋係舊年12月尾挖嘅, 擺放咗幾日就種翻落地嘞, 到咗今年3月幾至發芽咋!

謝謝你~明白了~

大家好!

今日又挖咗棵<心薯>

有朋友見到種<韭菜>嘅上帖, 問點解唔種密啲喎!

<韭菜>係會越種越密, 越割越粗架!


先前所種嘅<韭菜>都係3-4條一束咋, 而家越種越密嘞!

<長型木瓜>呢棑開花結果得好順利, 下面嘅成果睇黎亦有膨大嘅跡象呢!

隨時可以掹食嘅<蒜>頭!

花園仔 發表於 2011-11-25 00:09
隨時可以掹食嘅頭!

請問蒜頭點睇幾時掹得？係唔係要等到D葉黃晒呀！

大家好!

朋友問呢舊嘢點解叫<心薯>喎! 咁你睇吓嘞:

遠嗰舊幾似<心>臟架, 近身個舊係咪似愛心嗰個<心>形亞?
仲有啲長型好似人參咁嘅咪叫<參薯>囉!

(講吓笑咋!)

蕃茄唔係咁難種啫, 用長盤種嘅Y牌<牛扒蕃茄>由開花結果到雞蛋咁大隻都唔使两個星期!

日日都有果果食之 -- 用吉吉12號盤種嘅<無花果>又得囉!













放大睇吓:

食咗囉!









仲有<無花果>你估真係無花!
係有花架! 隱藏咗咋!
你睇真啲:







回復點評

noel_tt, 我啲<無花果>梗係超好味啦! 充滿新鮮而清新香氣, 甜如蜜....

落咗<雞屎肥>嘅芥蘭明顯有良好反應啵!

<洛神花>曬乾咗可以長年飲用, 新鮮時梗係整啲小點食吓啦!

大家好!

擺放咗幾日蕉蕉熟囉! 雖然樣子唔係咁靚, 不過都好甜架!

幾乎隔一,二日就可以採摘嘅本地中型<指天椒>

未來幾日天氣都會幾好架, 有陽光喎, 對開緊花嘅<蕃茄>的確係喜訊黎嘅!


Y牌<牛扒蕃茄>開花囉! 如果遇上陽光燦爛嘅日子結果嘅成功率會高好多架!

隔幾日就有得採摘嘅<洛神花>最鍾意用黎整蒟蒻果凍嘞(用莢果核熬汁+莢果肉+蒟蒻粉)!







用唔曬咪曬乾佢入樽囉! 每次泡茶加上一粒酸酸地幾好飲架, 有益吖馬!