乜都種吓嘅花園仔

今日朋友到訪摘咗啲<洛神花>莢果!





預留咗種籽架罅!

今日仲買咗兩包<雞屎肥>添!





(每包)放體嗰個$50嘅中型桶度啱啱好!







回復點評

大家好! 有氣味嘅肥料用密封式容器儲存係合理嘅方式呢!
如買細包型嘅用裝餅乾鐵罐黎儲存都好清潔及方便啵!

晚安!


琴日摘嘅嫩滑<茄子>

我的茄子就無你D咁靚仔,一盆得兩隻。我的種子是在花墟買的,而只用廚餘做肥料。請問幾時才知可以收成?

stevenho 發表於 2011-11-19 13:01
我的茄子就無你D咁靚仔,一盆得兩隻。我的種子是在花墟買的,而只用廚餘做肥料。請問幾時才知可以收成? ...

stevenho,

茄子係好食肥嘅, 施放用廚餘做嘅肥料只要合乎植株需要就得啦!
當茄子停止膨大時就可以收成嘞! 繼續落去只會越來越老唔好食囉!

你棵茄子好似受過傷咁啵!





回復點評

stevenho,
剪除底葉係正確嘅!
唔好意思! 可能我眼花或我嘅睇圖軟件錯誤引導令我以為紅圈嗰段主莖曾經破損啫!

講起收成順便講吓種籽收集啦!

當豆豆完熟時就要採收嘞! 遲咗採收如果預到幾日落雨天, 啲雨水滲入豆莢入邊好容易令豆豆種籽發芽架!


<加拿大四季豆>收集種籽囉!







有兩粒發咗芽囉!

唔好話唔提你呀! 而家仲有好多果蠅出黎搞破壞架!

呢棵<洛神花>嘅主莖好粗架, 你估佢成棵身高幾多吖嗱?
(未度過架! 起碼都有10呎高, 將來掹起先開估!)

地種嘅本季最後呢棵<秋葵>而家仲結緊果架!

你知唔知呢棵植物叫乜名呢? (請利用<點評>黎回答好囉!)





回復點評

natsuki, 答中咗! 係<火炭母>

大家好!

<洛神花>留咗好多種籽囉!







回復點評

i4kai, 講過好多次嘞 -- 請睇 14218# 或其他帖子都有嘅!

啤梨, 我未試過用插枝方式黎種<洛神花>架! 不過用種籽點都俾用插枝容易及可靠性高啲啵!

為插枝嘅<迷迭香>換新居 -- 選擇俾佢用<西班牙陶缸>

呢两日都有朋友到訪, 都冇乜嘢招呼人....









回復點評

積媽好!
唔係請人食檸檬! 係好似請人食檸檬咁款啫!
不過都唔會咁離譜嘅! 雖然冇乜好嘢啫, 各種美味小食總會有啲嘅, 最重要嘅係人人都滿載而歸呢! 嘻嘻!


qcchan1好! 因為唔知你嘅種植環境及條件好難答喎!
不過一般黎講係開花結果後要做吓疏果動作嘅, 即係一束果果只能留翻一個佢先生大得快架!
盤大泥多肥料足陽光好佢咪有條件結多啲果果及快大啲啦!

而家幾乎每日都有甜滋滋嘅<無花果>食吓架!

個個朋友仔都喜歡嘅<洛神花>摘完就要再等一個星期後囉!

千祈唔好連種籽都摘埋呀!

今日天氣好<意大利生菜>精神奕奕!







回復點評

Mill好! 呢種盤有两種厚度架! 我體藍地<乜正記>買嘅! 積積媽都係, 詳情你問佢啦!

啤梨, 點點板作用與種植冇關係!

chambee, 生菜有苦澀味情況可能係曾制過水(曾經缺水)

<油麥菜>都幾精神架!

<洛神花>好易搞架咋! 曬乾入起佢就成年都有得用啦!

呢梳大蕉掛幾日就食得架罅!

正品<白花蛇舌草>種籽收集:





回復點評

ernestng, 種籽分享可以PM<小寶>睇吓仲有冇啦!